ਦੁਬਈ, 26 ਜੁਲਾਈ (ਪੋਸਟ ਬਿਊਰੋ)- ਅਬੂ ਧਾਬੀ ਦੇ ਪ੍ਰਿੰਸ ਸ਼ੇਖ ਮੁਹੰਮਦ ਬਿਨ ਜਾਇਦ ਅਲ ਨਾਹਯਾਨ ਨੇ ਇੱਕ ਪ੍ਰਮੁੱਖ ਭਾਰਤੀ ਕਾਰੋਬਾਰੀ ਯੂਸੁਫ ਫਾਲੀ ਐਮ ਏ ਨੂੰ ਯੂ ਏ ਈ ਦੀ ਰਾਜਧਾਨੀ ਵਿੱਚੇ ਸਾਰੇ ਕਾਰੋਬਾਰਾਂ ਲਈ ਸਿਖਰਲੀ ਸਰਕਾਰੀ ਬਾਡੀ ਦਾ ਉਪ ਚੇਅਰਮੈਨ ਨਿਯੁਕਤ ਕੀਤਾ ਹੈ। ਉਹਇਸ ਬੋਰਡ ਵਿੱਚ ਇਕੋ ਭਾਰਤੀ ਹਨ।
ਯੂਸੁਫ ਫਾਲੀ ਅਬੁ ਧਾਬੀ ਦੇ ਲੁਲੁ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਹਨ, ਜਿਹੜੇ ਕਈ ਦੇਸ਼ਾਂ ਵਿੱਚ ਹਾਈਪਰ ਮਾਰਕਿਟ ਅਤੇ ਪ੍ਰਚੂਨ ਕੰਪਨੀਆਂ ਚਲਾਉਂਦੇ ਹਨ। ਸ਼ੇਖ ਮੁਹੰਮਦ ਨੇ ਅਬੁ ਧਾਬੀ ਚੈਂਬਰਸ ਅਫ ਕਾਮਰਸ ਐਂਡ ਇੰਡਸਟਰੀ ਵਿੱਚ ਅਬਦੁੱਲਾ ਮੁਹੰਮਦ ਨੂੰ ਅਲ ਮਜਰੋਈ ਅਤੇ ਯੂਸੁਫ ਫਾਲੀ ਨੂੰ ਉਪ ਪ੍ਰਧਾਨ ਬਣਾ ਕੇ ਇੱਕ ਨਵਾਂ ਬੋਡਰ ਬਣਾਉਣ ਦਾ ਪ੍ਰਸਤਾਵ ਜਾਰੀ ਕੀਤਾ ਸੀ। ਅਬੂ ਧਾਬੀ ਦੇ ਸਾਰੇ ਕਾਰੋਬਾਰਾਂ ਦੀ ਇਹ ਸਿਖਰਲੀ ਸਰਕਾਰੀ ਬਾਡੀ ਹੈ। ਇਸ ਪਾਰਲੀਮੈਂਟਰੀ ਬੋਰਡ ਵਿੱਚ ਇਸ ਸਮੇਂ ਜ਼ਿਆਦਾਤਰ ਅਮੀਰਾਤੀ ਕਾਰੋਬਾਰ ਦੇ ਮਾਲਕ ਅਤੇ ਕਾਰਜਕਾਰੀ ਅਧਿਕਾਰੀ ਸ਼ਾਮਲ ਹਨ। ਯੂਸੁਫ ਫਾਲੀ ਨੇ ਇਸ ਨੂੰ ਆਪਣੇ ਜੀਵਨ ਦਾ ਮਾਣ ਕਰਨ ਵਾਲਾ ਪਲ ਦੱਸਿਆ।