ਹਾਰਰ ਕਾਮੇਡੀ ਫਿਲਮਾਂ ਵਿੱਚ ‘ਕਕੁੜਾ’ ਫਿਲਮ ਦਾ ਨਾਂਅ ਵੀ ਜੁੜ ਗਿਆ ਹੈ। ਇਸ ਹਾਰਰ ਕਾਮੇਡੀ ਫਿਲਮ ਦੀ ਸ਼ੂਟਿੰਗ ਸੋਨਾਕਸ਼ੀ ਸਿਨਹਾ, ਰਿਤੇਸ਼ ਦੇਸ਼ਮੁਖ ਅਤੇ ਸਾਕਿਬ ਸਲੀਮ ਨੇ ਜੈਪੁਰ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਸ਼ੁਰੁੂ ਕੀਤੀ ਹੈ। ਮਰਾਠੀ ਫਿਲਮਾਂ ਕਲਾਸਮੈਟਸ, ਮੌਲੀ ਅਤੇ ਪਾਸਟਰ ਫੇਨੇ ਬਣਾ ਚੁੱਕੇੇ ਆਦਿੱਤਯ ਸਰਪੋਤਦਾਰ ਫਿਲਮ ਦਾ ਨਿਰਦੇਸ਼ਨ ਕਰਨਗੇ। ਇਹ ਉਨ੍ਹਾਂ ਦੇ ਨਿਰਦੇਸ਼ਨ ਵਾਲੀ ਪਹਿਲੀ ਹਿੰਦੀ ਫਿਲਮ ਹੈ। ਇਸ ਦਾ ਨਿਰਮਾਣ ਰੋਨੀ ਸਕਰੂਵਾਲਾ ਕਰਨਗੇ।
ਹਾਰਰ ਕਾਮੇਡੀ ਫਿਲਮ ਵਿੱਚ ਕੰਮ ਕਰਨ ਬਾਰੇ ਸੋਨਾਕਸ਼ੀ ਦਾ ਕਹਿਣਾ ਹੈ ਕਿ ਇਸ ਘੁਟਵੇਂ ਮਾਹੌਲ ਵਿੱਚ ਕਾਮੇਡੀ ਫਿਲਮਾਂ ਦੀ ਜ਼ਰੂਰਤ ਹੈ। ਮੈਨੂੰ ‘ਕਕੁੜਾ’ ਦੀ ਸਕ੍ਰਿਪਟ ਉਸੇ ਸਮੇਂ ਪਸੰਦ ਆ ਗਈ ਸੀ, ਜਦ ਮੈਂ ਇਸ ਨੂੰ ਪੜ੍ਹਿਆ ਸੀ। ਡਾਇਰੈਕਟਰ ਆਦਿੱਤਯ ਕਹਿੰਦੇ ਹਨ ਕਿ ਇਹ ਵੱਡੇ ਪੱਧਰ ਉੱਤੇ ਬਣਨ ਵਾਲੀਆਂ ਕਮਰਸ਼ੀਅਲ ਫਿਲਮਾਂ ਤੋਂ ਘੱਟ ਨਹੀਂ ਹੋਵੇਗੀ। ਫਿਲਮ ਦੀ ਕਾਸਟਿੰਗ ਇਕਦਮ ਸਹੀ ਹੈ। ਇਸ ਦੀ ਕਹਾਣੀ ਸੋਚਣ ਉੱਤੇ ਮਜਬੂਰ ਕਰੇਗੀ।