ਡਿਜੀਟਲ ਪਲੇਟਫਾਰਮ ਨੂੰ ਮਿਲੀ ਤੇਜ਼ੀ ਦੌਰਾਨ ਮਹਿਲਾ ਪ੍ਰਧਾਨ ਕੰਟੈਂਟ ਨੂੰ ਪ੍ਰਮੁੱਖਤਾ ਮਿਲਣ ਦੇ ਨਾਲ ਸ਼ਵੇਤਾ ਬਸੂ ਪ੍ਰਸਾਦ ਨੂੰ ਲੱਗਦਾ ਹੈ ਕਿ ਔਰਤਾਂ ਦੇ ਨਜ਼ਰੀਏ ਨੂੰ ਸਹੀ ਢੰਗ ਨਾਲ ਸਮਝਣਾ ਤੇ ਪ੍ਰਦਰਸ਼ਿਤ ਕਰਨਾ ਬਹੁਤ ਜ਼ਰੂਰੀ ਹੈ ਅਤੇ ਜਿੱਥੇ ਲੋੜ ਹੋਵੇ, ਫਿਲਮ ਨਿਰਮਾਤਾਵਾਂ ਤੇ ਨਿਰਦੇਸ਼ਕਾਂ ਨੂੰ ਬਦਲਾਅ ਸਵੀਕਾਰ ਕਰਨ ਨੂੰ ਤਿਆਰ ਰਹਿਣਾ ਚਾਹੀਦਾ ਹੈ।
ਸ਼ਵੇਤਾ ਬਸੂ ਕਹਿੰਦੀ ਹੈ, ‘‘ਇਹ ਸਭ ਲੇਖਣ ਤੋਂ ਸ਼ੁਰੂ ਹੁੰਦਾ ਹੈ, ਦੋਵੇਂ ਨਜ਼ਰੀਏ ਨੂੰ ਸਮਝਣਾ ਵਾਕਈ ਅਹਿਮ ਹੈ। ਇਸ ਲਈ ਨਿਰਦੇਸ਼ਕ ਨੂੰ ਸਾਰਿਆਂ ਦੀ ਪਹੁੰਚ ਵਿੱਚ ਹੋਣਾ ਚਾਹੀਦਾ ਅਤੇ ਸਹੀ ਨਜ਼ਰੀਏ ਲਈ ਜ਼ਰੂਰੀ ਬਦਲਾਅ ਕਰਨ ਵਿੱਚ ਉਸ ਨੂੰ ਸਮਰੱਥ ਹੋਣਾ ਚਾਹੀਦਾ ਹੈ।” ਆਪਣੀ ਪਿੱਛੇ ਜਿਹੇ ਆਈ ਫਿਲਮ ‘ਰੇਅ’ ਦੀ ਮਿਸਾਲ ਦੇ ਕੇ ਉਹ ਕਹਿੰਦੀ ਹੈ, ‘‘ਮੈਂ ਨਿਰਦੇਸ਼ਕ ਸ੍ਰੀਜੀਤ ਮੁਖਰਜੀ ਨੂੰ ਕਿਹਾ ਕਿ ਕਲਾਈਮੈਕਸ ਨੂੰ ਇੱਕ ਮਰਦ ਦੇ ਨਜ਼ਰੀਏ ਨਾਲ ਲਿਖਿਆ ਗਿਆ ਸੀ, ਨਾ ਕਿ ਇੱਕ ਮਹਿਲਾ ਦੇ ਨਜ਼ਰੀਏ ਨਾਲ। ਖੁਸ਼ੀ ਹੈ ਕਿ ਉਨ੍ਹਾਂ ਨੇੇ ਮੇਰੀ ਗੱਲ ਸਮਝੀ।”