ਸਾਊਥ ਸਟਾਰ ਅੱਲੂ ਅਰਜੁਨ ਦੀ ਬਲਾਕ ਬਾਸਟਰ ਫਿਲਮ ‘ਅੱਲਾ ਵੈਕੰਡਪੁਰਮਲੋ’ ਦੇ ਹਿੰਦੀ ਰੀਮੇਕ ਲਈ ਨਿਰਮਾਤਾ ਰਣਵੀਰ ਸਿੰਘ ਅੱਲੂ ਵੱਲੋਂ ਨਿਭਾਏ ਕਿਰਦਾਰ ਲਈ ਲੈਣਾ ਚਾਹੁੰਦੇ ਸਨ, ਪਰ ‘83’, ‘ਜਯੇਸ਼ਭਾਈ ਜ਼ੋਰਦਾਰ’ ਅਤੇ ‘ਤਖ਼ਤ’ ਵਰਗੇ ਕਈ ਪ੍ਰੋਜੈਕਟ ਹੱਥ ਵਿੱਚ ਹੋਣ ਅਤੇ ਕਿਰਦਾਰ ਕੋਈ ਖਾਸ ਨਾ ਲੱਗਣ ਕਾਰਨ ਰਣਵੀਰ ਸਿੰਘ ਨੇ ਉਹ ਆਫਰ ਠੁਕਰਾ ਦਿੱਤਾ। ‘ਤਖ਼ਤ’ ਰਣਵੀਰ ਸਿੰਘ ਦੀ ਮਹੱਤਵ ਪੂਰਨ ਫਿਲਮ ਵਿੱਚ ਉਹ ਵਿੱਕੀ ਕੌਸ਼ਲ, ਆਲੀਆ ਭੱਟ, ਕਰੀਨਾ ਕਪੂਰ, ਜਾਹਨਵੀ ਕਪੂਰ, ਭੂਮੀ ਪੇਡਨੇਕਰ ਅਤੇ ਅਨਿਲ ਕਪੂਰ ਦੇ ਨਾਲ ਮੁੱਖ ਕਿਰਦਾਰ ਨਿਭਾ ਰਹੇ ਹਨ। ਪੇਸ਼ ਹਨ ਰਣਵੀਰ ਸਿੰਘ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਕਿਹਾ ਜਾਂਦਾ ਹੈ ਕਿ ਜਦ ਤੁਸੀਂ ਫਿਲਮ ‘83’ ਸਾਈਨ ਕੀਤੀ, ਉਸ ਸਮੇਂ ਕਪਿਲ ਦੇਵ ਨਹੀਂ ਚਾਹੁੰਦੇ ਸਨ ਕਿ ਉਨ੍ਹਾਂ ਉੱਤੇ ਬਾਇਓਪਿਕ ਬਣੇ?
- ਜੀ ਬਿਲਕੁਲ, ਕਪਿਲ ਸਰ ਨੂੰ ਇਹ ਬਿਲਕੁਲ ਮਨਜ਼ੂਰ ਨਹੀਂ ਸੀ ਕਿ ਉਨ੍ਹਾਂ ਦੀ ਬਾਇਓਪਿਕ ਬਣੇ, ਪਰ ਜਦ ਕਬੀਰ ਖਾਨ ਨੇ ਉਨ੍ਹਾਂ ਨੂੰ ਭਰੋਸਾ ਦਿਵਾਇਆ ਕਿ 1983 ਵਿੱਚ ਪਹਿਲਾ ਕ੍ਰਿਕਟ ਵਰਲਡ ਕੱਪ ਜਿੱਤਣ ਦੇ ਇਤਿਹਾਸ ਨੂੰ ਬਹੁਤ ਹੀ ਸ਼ਾਨਦਾਰ ਤਰੀਕੇ ਨਾਲ ਫਿਲਮੀ ਪਰਦੇ ਉੱਤੇ ਲਿਆਉਣ ਦੀ ਕੋਸ਼ਿਸ਼ ਕਰਨਗੇ, ਤਦ ਕਿਤੇ ਜਾ ਕੇ ਕਪਿਲ ਇਸ ਦੇ ਲਈ ਤਿਆਰ ਹੋਏ ਸਨ। ਮੈਂ ਆਪਣੇ ਆਪ ਨੂੰ ਖੁਸ਼ਕਿਸਮਤ ਮੰਨਦਾ ਹਾਂ ਕਿ ਮੈਨੂੰ ਹਿੰਦੁਸਤਾਨ ਦੇ ਲੀਜੈਂਡ ਕ੍ਰਿਕਟਰ ਕਪਿਲ ਦੇਵ ਦੀ ਭੂਮਿਕਾ ਨਿਭਾਉਣ ਦਾ ਮੌਕਾ ਮਿਲਿਆ।
* ਚਰਚਾ ਹੈ ਕਿ ਬੋਨੀ ਕਪੂਰ ਤੁਹਾਨੂੰ ਲੈ ਕੇ ‘ਮਿਸਟਰ ਇੰਡੀਆ 2’ ਬਣਾਉਣਾ ਚਾਹੁੰਦੇ ਹਨ, ਪਰ ਜਦ ਤੋਂ ਫਿਲਮ ਦਾ ਐਲਾਨ ਕੀਤਾ ਹੈ, ਉਨ੍ਹਾਂ ਦੇ ਭਰਾ ਅਨਿਲ ਅਤੇ ਫਿਲਮ ਦੇ ਡਾਇਰੈਕਟਰ ਸ਼ੇਖਰ ਕਪੂਰ ਉਨ੍ਹਾਂ ਨਾਲ ਕਾਫੀ ਨਾਰਾਜ਼ ਹਨ?
- ਇਸ ਵਕਤ ਇਸ ਦਾ ਪ੍ਰੀ ਪ੍ਰੋਡਕਸ਼ਨ ਦਾ ਕੰਮ ਚੱਲ ਰਿਹਾ ਹੈ। ਇਸ ਨੂੰ ਅਲੀ ਅੱਬਾਸ ਜ਼ਫਰ ਡਾਇਰੈਕਟ ਕਰਨਗੇ। ਮੈਨੂੰ ਨਹੀਂ ਲੱਗਦਾ ਕਿ ਇਸ ਬਾਰੇ ਅਨਿਲ ਜਾਂ ਸ਼ੇਖਰ ਸਰ ਦੇ ਦਿਲੋ-ਦਿਮਾਗ ਵਿੱਚ ਕਿਸੇ ਤਰ੍ਹਾਂ ਦੀ ਨਾਰਾਜ਼ਗੀ ਹੋਵੇਗੀ। ਇਸ ਤਰ੍ਹਾਂ ਦੀਆਂ ਗੱਲਾਂ ਕਿਉਂ ਹੋ ਰਹੀਆਂ ਹਨ, ਕੁਝ ਸਮਝ ਵਿੱਚ ਨਹੀਂ ਆ ਰਿਹਾ ਹੈ।
* ਕਾਫੀ ਘੱਟ ਸਮੇਂ ਵਿੱਚ ਤੁਸੀਂ ਇੰਡਸਟਰੀ ਦੀਆਂ ਜ਼ਿਆਦਾਤਰ ਸੈਲੀਬ੍ਰਿਟੀਜ਼ ਨੂੰ ਪ੍ਰਭਾਵਤ ਕਰ ਲਿਆ ਹੈ?
-ਘੱਟ ਸਮਾਂ ਕਿੱਥੇ? ਮੈਂ ਇਸ ਦੇ ਲਈ ਪੂਰੇ ਪੰਜ ਸਾਲ ਦਿੱਤੇ ਹਨ, ਤਦ ਕਿਤੇ ਜਾ ਕੇ ਮੈਨੂੰ ਲੋਕਾਂ ਨੇ ਮੈਨੂੰ ਸਵੀਕਾਰ ਕੀਤਾ ਹੈ। ਅੱਜ ਮੇਰੇ ਕੋਲ ਵੱਡੀਆਂ ਫਿਲਮਾਂ ਹਨ। ਮੈਨੂੰ ਫਖ਼ਰ ਹੈ ਕਿ ਅਕਸ਼ੈ ਕੁਮਾਰ, ਅਜੈ ਦੇਵਗਨ, ਸੰਜੇ ਲੀਲਾ ਭੰਸਾਲੀ ਅਤੇ ਰੋਹਿਤ ਸ਼ੈੱਟੀ ਵਰਗੇ ਲੋਕ ਮੈਨੂੰ ਪਸੰਦ ਕਰਦੇ ਹਨ। ਰੇਖਾ ਜੀ ਵੀ ਮੇਰੀ ਪ੍ਰਸ਼ੰਸਾ ਕਰ ਚੁੱਕੀ ਹੈ। ਜਦ ਕੰਗਨਾ ਕਹਿੰਦੀ ਹੈ ਕਿ ਉਹ ਮੇਰੇ ਨਾਲ ਕੰਮ ਕਰਨਾ ਚਾਹੰੁਦੀ ਹੈ ਤਾਂ ਸੁਣ ਕੇ ਬਹੁਤ ਵਧੀਆ ਲੱਗਦਾ ਹੈ।
* ਕੀ ਤੁਹਾਨੂੰ ਇਸ ਦਾ ਅਹਿਸਾਸ ਹੈ ਕਿ ਜੇ ਤੁਸੀਂ ਕੰਗਨਾ ਦੀ ਗੁਡਵਿਲ ਵਿੱਚ ਰਹੋਗੇ ਤਾਂ ਕਰਣ ਜੌਹਰ ਅਤੇ ਆਦਿੱਤਯ ਚੋਪੜਾ ਵਰਗੇ ਲੋਕ ਜ਼ਿਆਦਾ ਸਮੇਂ ਤੱਕ ਤੁਹਾਡੇ ਤੋਂ ਖੁਸ਼ ਨਹੀਂ ਰਹਿ ਸਕਣਗੇ?
- ਕਰਣ ਅਤੇ ਆਦਿੱਤਯ ਸਰ ਚੰਗੀ ਤਰ੍ਹਾਂ ਜਾਣਦੇ ਹਨ ਕਿ ਸਿਰਫ ਕੰਗਨਾ ਹੀ ਨਹੀਂ, ਮੈਂ ਜ਼ਿਆਦਾਤਰ ਸੈਲੀਬ੍ਰਿਟੀਜ਼ ਦੀ ਗੁਡਵਿਲ ਵਿੱਚ ਹਾਂ। ਉਹ ਦੋਵੇਂ ਅੱਜ ਉਸ ਥਾਂ ਉੱਤੇ ਹਨ, ਜਿੱਥੇ ਉਨ੍ਹਾਂ ਨੂੰ ਇਸ ਤਰ੍ਹਾਂ ਦੀਆਂ ਛੋਟੀਆਂ-ਮੋਟੀਆਂ ਗੱਲਾਂ ਨਾਲ ਕੋਈ ਫਰਕ ਨਹੀਂ ਪੈਂਦਾ।
* ਕਿਹਾ ਜਾ ਰਿਹਾ ਹੈ ਕਿ ‘ਗੰਗੂਬਾਈ ਕਾਠੀਆਵਾੜੀ’ ਪੂਰੀ ਕਰਨ ਦੇ ਬਾਅਦ ਸੰਜੇ ਲੀਲਾ ਭੰਸਾਲੀ ਤੁਹਾਡੇ ਨਾਲ ਫਿਰ ਇੱਕ ਫਿਲਮ ਬਣਾਉਣਾ ਚਾਹੰੁਦੇ ਹਨ?
- ਮੈਂ ਵੀ ਸੁਣਿਆ ਹੈ ਕਿ ਭੰਸਾਲੀ ਸਰ, ਵਿਜੈ ਭੱਟ ਦੇ ਨਿਰਦੇਸ਼ਨ ਵਾਲੀ 1952 ਵਿੱਚ ਆਈ ਮੀਨਾ ਕੁਮਾਰੀ ਅਤੇ ਭਾਰਤ ਭੂਸ਼ਣ ਸਟਾਰਰ ‘ਬੈਜੂ ਬਾਵਰਾ’ ਦਾ ਰੀਮੇਕ ਬਣਾਉਣਾ ਚਾਹੁੰਦੇ ਹਨ। ਜੇ ਅਜਿਹਾ ਹੋਇਆ ਤਾਂ ਭੰਸਾਲੀ ਸਰ ਦੇ ਨਾਲ ਇਹ ਮੇਰੀ ਚੌਥੀ ਫਿਲਮ ਹੋਵੇਗੀ ਅਤੇ ਇਸ ਨਾਲ ਮੈਂ ਉਨ੍ਹਾਂ ਨਾਲ ਸਭ ਤੋਂ ਵੱਧ ਫਿਲਮਾਂ ਕਰਨ ਦਾ ਰਿਕਾਰਡ ਬਣਾ ਲਵਾਂਗਾ।
* ਜ਼ੋਇਆ ਅਖਤਰ ਦੀ ‘ਗਲੀ ਬੁਆਏ’ ਲਈ ਤੁਹਾਨੂੰ ਬੈਸਟ ਐਕਟਰ ਦਾ ਫਿਲਮਫੇਅਰ ਐਵਾਰਡ ਮਿਲਿਆ ਸੀ। ਇਸ ਤਰ੍ਹਾਂ ਦੀ ਖਬਰ ਆ ਰਹੀ ਹੈ ਕਿ ਜ਼ੋਇਆ ਤੁਹਾਨੂੰ ਲੈ ਕੇ ਇੱਕ ਹੋਰ ਫਿਲਮ ਸ਼ੁਰੂ ਕਰਨਾ ਚਾਹੁੰਦੀ ਹੈ?
-ਜ਼ੋਇਆ ਅਖਤਰ ਨਾਲ ਮੇਰੀ ਅਗਲੀ ਫਿਲਮ ਦੀ ਅਨਾਊਂਸਮੈਂਟ ਬਹੁਤ ਜਲਦੀ ਹੋਵੇਗੀ। ਗੈਂਗਸਟਰ ਡਰਾਮਾ ਆਧਾਰਤ ਇਸ ਫਿਲਮ ਵਿੱਚ ਮੇਰੇ ਨਾਲ ਕੈਟਰੀਨਾ ਕੈਫ ਹੋ ਸਕਦੀ ਹੈ।