ਈਸ਼ਾ ਦਿਓਲ ਤਖਤਾਨੀ ਨੇ ਆਪਣੀ ਪ੍ਰੋਡਕਸ਼ਨ ਕੰਪਨੀ ਭਰਤ ਈਸ਼ਾ ਫਿਲਮਜ਼ ਸ਼ੁਰੂ ਕੀਤੀ ਹੈ। ਉਸ ਦੀ ਨਿਰਮਾਣ ਕੰਪਨੀ ਵਿੱਚ ਪਹਿਲੀ ਫਿਲਮ ਬਣੇਗੀ ‘ਏਕ ਦੁਆ’। ਇਸ ਵਿੱਚ ਈਸ਼ਾ ਐਕਟਿੰਗ ਵੀ ਕਰੇਗੀ। ਉਹ ਫਿਲਮ ਵਿੱਚ ਮੁੱਖ ਭੂਮਿਕਾ ਵਿੱਚ ਹੋਵੇਗੀ। ਰਾਮਕਮਲ ਮੁਖਰਜੀ ਦੇ ਨਿਰਦੇਸ਼ਨ ਵਾਲੀ ਇਹ ਫਿਲਮ ਔਰਤਾਂ ਬਾਰੇ ਸਾਰਥਕ ਸੰਦੇਸ਼ ਦੇਵੇਗੀ।
ਈਸ਼ਾ ਨੇ ਕਿਹਾ ਕਿ ਪਿਛਲੇ ਕੁਝ ਸਾਲਾਂ ਤੋਂ ਮੈਂ ਆਪਣੀਆਂ ਦੋਵਾਂ ਬੇਟੀਆਂ ਦੀ ਦੇਖਭਾਲ ਕਰਨ ਵਿੱਚ ਬਿਜ਼ੀ ਹਾਂ। ਮੈਂ ਹਮੇਸ਼ਾ ਚਾਹੁੰਦੀ ਸੀ ਕਿ ਫਿਲਮਾਂ ਵਿੱਚ ਵਾਪਸੀ ਕਰਾਂ, ਪਰ ਮੈਂ ਇੱਕ ਖਾਸ ਸਕ੍ਰਿਪਟ ਦੇ ਨਾਲ ਵਾਪਸੀ ਕਰਨਾ ਚਾਹੁੰਦੀ ਸੀ। ਜਦ ਮੇਰੀਆਂ ਬੇਟੀਆਂ ਥੋੜ੍ਹੀਆਂ ਵੱਡੀਆਂ ਹੋ ਗਈਆਂ ਅਤੇ ਮੈਨੂੰ ਦਿਲਚਸਪ ਪ੍ਰੋਜੈਕਟ ਆਫਰ ਕੀਤੇ ਜਾ ਰਹੇ ਹਨ, ਤਾਂ ਮੈਨੂੰ ਲੱਗਾ ਕਿ ਇਹ ਮੇਰੇ ਲਈ ਸਹੀ ਸਮਾਂ ਹੈ ਇੱਕ ਵਾਰ ਫਿਰ ਕੈਮਰੇ ਅੱਗੇ ਆਉਣ ਦਾ। ਮੈਂ ਅਜਿਹੀ ਫਿਲਮ ਕਰਨਾ ਚਾਹੁੰਦੀ ਸੀ, ਜੋ ਨਾ ਕੇਵਲ ਮਨੋਰੰਜਨ ਕਰੇ, ਸਗੋਂ ਬਦਲਾਅ ਲਈ ਪ੍ਰੇਰਿਤ ਕਰੇ। ‘ਏਕ ਦੁਆ’ ਫਿਲਮ ਦੀ ਕਹਾਣੀ ਸੁਣੀ ਤਾਂ ਮੈਨੂੰ ਬਹੁਤ ਪਸੰਦ ਆਈ। ਮੈਂ ਫੈਸਲਾ ਕਰ ਲਿਆ ਕਿ ਐਕਟਿੰਗ ਦੇ ਇਲਾਵਾ ਨਿਰਮਾਤਾ ਜੋਂ ਵੀ ਜੁੜਨਾ ਚਾਹੀਦਾ ਹੈ।”