ਜੀਵਨ ਵਿੱਚ ਵਿਆਹ ਵਰਗੇ ਅਹਿਮ ਮੌਕਿਆਂ ਦੇ ਲਈ ਲੋਕ ਕਾਫੀ ਪਲਾਨਿੰਗ ਕਰਦੇ ਹਨ। ਕੁਝ ਇਸੇ ਤਰ੍ਹਾਂ ਦੀ ਪਲਾਨਿੰਗ ਕਰਦੇ ਦਿਸੇ ਅਭਿਨੇਤਾ ਵਿਕਰਾਂਤ ਮੇਸੀ ਤੇ ਅਭਿਨੇਤਰੀ ਕ੍ਰਿਤੀ ਖਰਬੰਦਾ ਫਿਲਮ ‘14 ਫੇਰੇ’ ਦੇ ਟ੍ਰੇਲਰ ਵਿੱਚ, ਜੋ ਬੀਤੇ ਦਿਨੀ ਰਿਲੀਜ਼ ਹੋਇਆ। ਇਸ ਮੌਕੇ ਵਰਚੁਅਲ ਕਾਨਫਰੰਸ ਵਿੱਚ ਕ੍ਰਿਤੀ, ਵਿਕਰਾਂਤ ਅਤੇ ਇਸ ਫਿਲਮ ਦੇ ਹੋਰ ਕਲਾਕਾਰਾਂ ਨਾਲ ਡਾਇਰੈਕਟਰ ਦੇਵਾਂਸ਼ੂ ਸਿੰਘ ਵੀ ਮੌਜੂਦ ਸਨ।
ਵਰਚੂਅਲ ਕਾਨਫਰੰਸ ਦੌਰਾਨ ਆਪਣੇ ਵਿਆਹ ਦੀ ਪਲਾਨਿੰਗ ਬਾਰੇ ਕ੍ਰਿਤੀ ਨੇ ਕਿਹਾ, ‘‘ਇਸ ਫਿਲਮ ਦੀ ਸ਼ੂਟਿੰਗ ਤੋਂ ਪਹਿਲਾਂ ਮੈਨੂੰ ਮਲੇਰੀਆ ਹੋ ਗਿਆ ਸੀ, ਉਸ ਨੇ ਮੇਰਾ ਜੋ ਬੈਂਡ ਵਜਾਇਆ ਕਿ ਕੋਈ ਪਲਾਨਿੰਗ ਕੰਮ ਨਹੀਂ ਆਈ। ਮੈਂ ਤਾਂ ਘਰੋਂ ਭੱਜ ਕੇ ਇੱਕ ਦਿਨ ਵਿੱਚ ਹੀ ਵਿਆਹ ਕਰ ਲਵਾਂਗੀ। ਇੰਨੀਆਂ ਤਿਆਰੀਆਂ ਦਾ ਝੰਜਟ ਨਹੀਂ ਹੁੰਦਾ ਮੈਥੋਂ। ਇਸ ਫਿਲਮ ਵਿੱਚ ਵਿਆਹ ਦੀ ਇੰਨੀ ਤਿਆਰੀ ਕਰਨ ਪਿੱਛੋਂ ਮੈਨੂੰ ਸਮਝ ਆ ਗਿਆ ਕਿ ਬੌਸ, ਜ਼ਿਆਦਾ ਪਲਾਨਿੰਗ ਨਾਲ ਕੁਝ ਨਹੀਂ ਹੁੰਦਾ, ਇਨਸਾਨ ਸਹੀ ਹੋਣਾ ਚਾਹੀਦੈ।” ਉਸ ਨੇ ਕਿਹਾ, ‘‘ਫਿਲਮਾਂ ਵਿੱਚ ਵਿਆਹ ਮੇਰੇ ਲਈ ਕਾਫੀ ਲੱਕੀ ਰਿਹਾ ਹੈ, ਜਿਸ ਬਾਰੇ ਮੈਂ ਕਦੀ ਸ਼ਿਕਾਇਤ ਨਹੀਂ ਕਰ ਸਕਦੀ। ਫਿਲਮ ‘14 ਫੇਰੇ’ ਸਿਰਫ ਵਿਆਹ ਦੇ ਬਾਰੇ ਨਹੀਂ। ਇਸ ਵਿੱਚ ਸੰਜੂ ਅਤੇ ਅਦਿਤੀ ਦਾ ਪ੍ਰੇਮ ਸਫਰ ਦਿਖਾਇਆ ਗਿਆ ਹੈ। ਦੋਵਾਂ ਕਿਰਦਾਰਾਂ ਵਿੱਚ ਕੁਝ ਵੀ ਪ੍ਰਫੈਕਟ ਨਹੀਂ। ਉਨ੍ਹਾਂ ਦੀ ਕਹਾਣੀ ਦੇਖ ਕੇ ਤੁਸੀਂ ਵੀ ਚਾਹੋਗੇ ਕਿ ਦੋਵੇਂ ਇਕੱਠੇ ਰਹਿਣ। ਫਿਲਮ 23 ਜੁਲਾਈ ਨੂੰ ਰਿਲੀਜ਼ ਜੀ5 ਉਤੇ ਰਿਲੀਜ਼ ਹੋਵੇਗੀ।