ਜਾਹਨਵੀ ਕਪੂਰ ਆਪਣੀ ਸ਼ਾਨਦਾਰ ਐਕਟਿੰਗ ਦੇ ਨਾਲ ਗਲੈਮਰਸ ਅਦਾਵਾਂ ਬਾਰੇ ਚਰਚਾ ਵਿੱਚ ਰਹਿੰਦੀ ਹੈ। ਉਸ ਦੇ ਫੈਨਜ਼ ਹੀ ਨਹੀਂ, ਬਾਲੀਵੁੱਡ ਦੇ ਫਿਲਮਕਾਰਾਂ ਨੂੰ ਵੀ ਲੱਗਦਾ ਹੈ ਕਿ ਉਹ ਟੈਲੇਂਟ ਦਾ ਭੰਡਾਰ ਹੈ। ਇਹੀ ਕਾਰਨ ਹੈ ਕਿ ਉਹ ਆਪਣੀ ਮਾਂ ਸ੍ਰੀਦੇਵੀ ਦੀ ਤਰ੍ਹਾਂ ਐਕਟਿੰਗ ਦੀ ਦੁਨੀਆ ਵਿੱਚ ਬਹੁਤ ਸਫਲਤਾ ਹਾਸਲ ਕਰੇਗੀ। ਪਿੱਛੇ ਜਿਹੇ ਜਾਹਨਵੀ ਦੇ ਕਜ਼ਿਨ ਹਰਸ਼ਵਰਧਨ ਕਪੂਰ ਨੂੰ ਪੁੱਛਿਆ ਤਾਂ ਉਸ ਨੇ ਕਿਹਾ, ‘‘ਜਾਹਨਵੀ ਬਹੁਤ ਖੂਬਸੂਰਤ ਲੜਕੀ ਹੈ, ਉਹ ਬਹੁਤ ਪ੍ਰਤਿਭਾਸ਼ਾਲੀ ਤੇ ਆਕਰਸ਼ਕ ਹੈ। ਉਸ ਵਿੱਚ ਉਹ ਸਭ ਹੈ, ਜੋ ਵੱਡਾ ਸਫਲ ਸਿਤਾਰਾ ਬਣਨ ਲਈ ਹੋਣਾ ਚਾਹੀਦਾ ਹੈ।”
ਦੱਸ ਦੇਈਏ ਕਿ ਸੋਸ਼ਲ ਮੀਡੀਆ ਉਤੇ ਵੀ ਜਾਹਨਵੀ ਕਾਫੀ ਸਰਗਰਮ ਰਹਿੰਦੀ ਹੈ। ਗੱਲ ਜੇ ਜਾਹਨਵੀ ਕਪੂਰ ਦੇ ਕਰੀਅਰ ਦੀ ਕਰੀਏ ਤਾਂ ਉਹ ਜਲਦੀ ਹੀ ਸਿਧਾਰਥ ਸੇਨ ਗੁਪਤਾ ਦੇ ਨਿਰਦੇਸ਼ਨ ਵਿੱਚ ਫਿਲਮ ‘ਗੁਡ ਲਕ ਜੈਰੀ’ ਵਿੱਚ ਵੀ ਨਜ਼ਰ ਆਉਣ ਵਾਲੀ ਹੈ। ਇਹ ਇੱਕ ਕਾਮੇਡੀ ਫਿਲਮ ਹੈ, ਫਿਲਮ ਨੂੰ ਆਨੰਦ ਐੱਲ ਰਾਏ ਨੇ ਪ੍ਰੋਡਿਊਸ ਕੀਤਾ ਹੈ। ਇਸ ਦੇ ਇਲਾਵਾ ਉਹ ਕਰਣ ਜੌਹਰ ਦੀ ਫਿਲਮ ‘ਦੋਸਤਾਨਾ 2’ ਵਿੱਚ ਨਜ਼ਰ ਆਏਗੀ। ਇਹ ਫਿਲਮ ਸਾਲ 2008 ਵਿੱਚ ਆਈ ਅਭਿਸ਼ੇਕ ਬੱਚਨ ਅਤੇ ਜਾਨ ਅਬਰਾਹਮ ਦੀ ਫਿਲਮ ‘ਦੋਸਤਾਨਾ’ ਦਾ ਸੀਕਵਲ ਹੈ।