ਤੇਲਗੂ ਬਲਾਕਬਸਟਰ ਫਿਲਮ ‘ਹਿਟ’ ਵਿੱਚ ਰਾਜ ਕੁਮਾਰ ਰਾਓ ਨਾਲ ਸਾਨਿਆ ਮਲਹੋਤਰਾ ਦੀ ਜੋੜੀ ਨੂੰ ਫਾਈਨਲ ਕੀਤਾ ਗਿਆ ਹੈ। ਸਾਨਿਆ ਇਸ ਫਿਲਮ ਬਾਰੇ ਬੇਹੱਦ ਐਕਸਾਈਟਿਡ ਹੈ। ਉਸ ਨੇ ਕਿਹਾ, ‘‘ਮੈਂ ‘ਹਿਟ’ ਦੇਖ ਲਈ ਹੈ ਤੇ ਮੈਨੂੰ ਇਸ ਦਾ ਕੰਸੈਪਟ ਬਹੁਤ ਪਸੰਦ ਆਇਆ ਹੈ। ਜਦ ਮੈਨੂੰ ਇਹ ਫਿਲਮ ਆਫਰ ਕੀਤੀ ਗਈ ਤਾਂ ਮੈਂ ਤੁਰੰਤ ਇਸ ਦੇ ਲਈ ਹਾਂ ਕਰ ਦਿੱਤੀ। ਇਹ ਇੱਕ ਬਹੁਤ ਦਿਲਚਸਪ ਕਹਾਣੀ ਹੈ, ਜੋ ਵੱਡੇ ਪੱਧਰ ਉਤੇ ਦਰਸ਼ਕ ਡਿਸਰਵ ਕਰਦੀ ਹੈ। ਮੈਂ ਇਸ ਵਿੱਚ ਰਾਜ ਕੁਮਾਰ ਰਾਓ ਦੇ ਨਾਲ ਕੰਮ ਕਰਨ ਨੂੰ ਲੈ ਕੇ ਐਕਸਾਈਟਿਡ ਹਾਂ।”
ਇਹ ਇੱਕ ਕਾਪ ਥ੍ਰਿਲਰ ਫਿਲਮ ਹੈ, ਜਿਸ ਨੂੰ ਭੂਸ਼ਣ ਕੁਮਾਰੇ, ਦਿਲ ਰਾਜੂ, ਕ੍ਰਿਸ਼ਨ ਕੁਮਾਰ ਅਤੇ ਕੁਲਦੀਪ ਰਾਠੌਰ ਪ੍ਰੋਡਿਊਸ ਕਰ ਰਹੇ ਹਨ। ਇਸ ਦਾ ਪ੍ਰੀ-ਪ੍ਰੋਡਕਸ਼ਨ ਕੰਮ ਸ਼ੁਰੂ ਹੋ ਚੁੱਕਾ ਹੈ। ਜਲਦੀ ਹੀ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਜਾਏਗੀ। ਫਿਲਮ ਇੱਕ ਪੁਲਸ ਵਾਲੇ ਦੀ ਕਹਾਣੀ ਦੱਸਦੀ ਹੈ, ਜੋ ਇੱਕ ਲਾਪਤਾ ਔਰਤ ਦੀ ਤਲਾਸ਼ ਵਿੱਚ ਹੈ। ਇਸ ਫਿਲਮ ਵਿੱਚ ਬਹੁਤ ਸਾਰੇ ਫਾਈ ਸੀਕਵੈਂਸ ਤੇ ਸਟੰਟ ਸ਼ਾਮਲ ਹੋਣਗੇ, ਜਿਸ ਲਈ ਰਾਜ ਕੁਮਾਰ ਰਾਓ ਕਈ ਮਹੀਨਿਆਂ ਪਹਿਲਾਂ ਟਰੇਨਿੰਗ ਅਤੇ ਤਿਆਰੀ ਕਰਨਗੇ। ਉਨ੍ਹਾਂ ਨੂੰ ਇਸ ਫਿਲਮ ਵਿੱਚ ਮਾਰਸ਼ ਆਰਟ ਦਿਖਾਉਣ ਦਾ ਮੌਕਾ ਮਿਲੇਗਾ। ਜਦ ਤੱਕ ਆਫੀਸ਼ੀਅਲ ਅਨਾਊਂਸਮੈਂਟ ਨਹੀਂ ਹੋ ਜਾਂਦੀ ਹੈ, ਤਦ ਤੱਕ ਇਸ ਮਾਮਲੇ ਨੂੰ ਸੀਕ੍ਰੇਟ ਰੱਖਿਆ ਜਾ ਰਿਹਾ ਹੈ। ਮੇਕਰਸ ਰਾਜ ਕੁਮਾਰ ਰਾਓ ਦੇ ਨਾਲ ਬਣਨ ਵਾਲੇ ਇਸਪ੍ਰੋਜੈਕਟ ਦੇ ਸਰਪ੍ਰਾਈਜ਼ ਨੂੰ ਖਰਾਬ ਨਹੀਂ ਕਰਨਾ ਚਾਹੁੰਦੇ ਹਨ। ਇਸ ਤੋਂ ਪਹਿਲਾਂ ਰਾਜ ਕੁਮਾਰ ਰਾਓ ਨੂੰ ਲਵਰ ਬੁਆਏ ਦੀ ਭੂਮਿਕਾ ਵਿੱਚ ਨਹੀਂ ਦੇਖਿਆ ਗਿਆ ਹੈ।