ਓਟਵਾ, 9 ਜੁਲਾਈ (ਪੋਸਟ ਬਿਊਰੋ) : ਟਾਈਸਨ ਫੂਡਜ਼ ਵੱਲੋਂ 4500 ਟੰਨ ਰੈਡੀ ਟੂ ਈਟ ਚਿਕਨ ਪ੍ਰੋਡਕਟਸ ਵਾਪਿਸ ਮੰਗਵਾਏ ਜਾ ਰਹੇ ਹਨ।ਫੈਡਰਲ ਅਧਿਕਾਰੀਆਂ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਕਿ ਇਸ ਪ੍ਰੋਡਕਟ ਵਿੱਚ ਲਿਸਟੀਰੀਆ ਬੈਕਟੀਰੀਆ ਹੋਣ ਦਾ ਖਤਰਾ ਹੈ।
ਯੂਐਸ ਡਿਪਾਰਟਮੈਂਟ ਆਫ ਐਗਰੀਕਲਚਰ ਵੱਲੋਂ ਕੀਤੇ ਗਏ ਐਲਾਨ ਅਨੁਸਾਰ ਦੋ ਖਪਤਕਾਰਾਂ ਵੱਲੋਂ ਇਸ ਕੰਪਨੀ ਦੇ ਪ੍ਰੋਡਕਟ ਖਾਣ ਤੋਂ ਬਾਅਦ ਉਨ੍ਹਾਂ ਦੇ ਬਿਮਾਰ ਪੈਣ ਮਗਰੋਂ ਇਹ ਪ੍ਰੋਡਕਟਸ ਵਾਪਿਸ ਮੰਗਵਾਉਣ ਦਾ ਫੈਸਲਾ ਕੀਤਾ ਗਿਆ। ਯੂਐਸਡੀਏ ਦੇ ਫੂਡ ਸੇਫਟੀ ਅਤੇ ਇੰਸਪੈਕਸ਼ਨ ਸਰਵਿਸ ਵੱਲੋਂ ਜਾਰੀ ਬਿਆਨ ਅਨੁਸਾਰ ਮਿਸੋਰੀ ਸਥਿਤ ਟਾਈਸਨ ਫੂਡਜ਼, ਜੋ ਕਿ ਡੈਕਸਟਰ ਵਿੱਚ ਪ੍ਰੋਡਿਊਸ ਕੀਤਾ ਜਾਂਦਾ ਹੈ, ਵੱਲੋਂ ਪਹਿਲਾਂ ਤੋਂ ਹੀ ਕੁੱਕ ਕੀਤੇ ਚਿਕਨ ਕਾਰਨ ਬਿਮਾਰ ਪਏ ਦੋ ਲੋਕਾਂ ਵਿੱਚੋਂ ਇੱਕ ਦੀ ਮੌਤ ਦੇ ਮਾਮਲੇ ਦੀ ਜਾਂਚ ਵੀ ਚੱਲ ਰਹੀ ਹੈ।
ਜਿਸ ਪ੍ਰੋਡਕਟ ਨੂੰ ਖਾ ਕੇ ਇੱਕ ਵਿਅਕਤੀ ਦੀ ਜਾਨ ਗਈ ਉਹ ਡੈਕਸਟਰ, ਮਿਸੋਰੀ ਵਿੱਚ ਸਥਿਤ ਇੱਕ ਪਲਾਂਟ ਵਿੱਚ 26 ਦਸੰਬਰ, 2020 ਅਤੇ 13 ਅਪਰੈਲ 2021 ਦਰਮਿਆਨ ਤਿਆਰ ਕੀਤਾ ਗਿਆ ਸੀ।ਇਸ ਤੋਂ ਬਾਅਦ ਇਸ ਨੂੰ ਅਮਰੀਕਾ ਤੇ ਪਿਓਰਟੋ ਰਿਕੋ ਵਿੱਚ ਫੂਡਸਰਵਿਸ ਤੇ ਰੀਟੇਲ ਕਸਟਮਰਜ਼ ਨੂੰ ਵੇਚ ਦਿੱਤਾ ਗਿਆ। ਟਾਈਸਨ ਫੂਡਜ਼ ਦੇ ਸੇਫਟੀ ਐਂਡ ਕੁਆਲਿਟੀ ਐਸ਼ੋਰੈਂਸ ਦੇ ਸੀਨੀਅਰ ਵਾਈਸ ਪ੍ਰੈਜ਼ੀਡੈਂਟ ਸਕੌਟ ਬਰੁੱਕਸ ਨੇ ਆਖਿਆ ਕਿ ਅਸੀਂ ਅਹਿਤਿਆਤਨ ਇਹ ਕਦਮ ਚੁੱਕ ਰਹੇ ਹਾਂ। ਇਸ ਦਾ ਅਜੇ ਕੋਈ ਸਬੂਤ ਨਹੀਂ ਮਿਲਿਆ ਹੈ ਕਿ ਇਹ ਉਤਪਾਦ ਕੈਨੇਡਾ ਵਿੱਚ ਵੇਚੇ ਗਏ ਹੋਣ।