ਫਿਲਮਮੇਕਰ ਕਰਣ ਜੌਹਰ ਆਪਣੀ ਅਗਲੀ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਰਣਵੀਰ ਸਿੰਘ ਤੇ ਆਲੀਆ ਭੱਟ ਸਟਾਰਰ ਉਨ੍ਹਾਂ ਦੀ ਇਸ ਨਵੀਂ ਫਿਲਮ ਦਾ ਨਾਂਅ ‘ਰੌਕੀ ਤੇ ਰਾਣੀ ਦੀ ਪ੍ਰੇਮ ਕਹਾਣੀ’ ਹੈ। ਇਸ ਨੂੰ ਕਰਣ ਖੁਦ ਡਾਇਰੈਕਟ ਕਰਨਗੇ ਅਤੇ ਇਸ ਨੂੰ ਲਿਖਿਆ ਹੈ ਇਸ਼ਿਤਾ ਮੋਇਤਰਾ, ਸ਼ਸ਼ਾਂਕ ਖੇਤਾਨ ਅਤੇ ਸੁਮਿਤ ਰਾਏ ਨੇ। ਫਿਲਮ 2022 ਵਿੱਚ ਰਿਲੀਜ਼ ਹੋਵੇਗੀ। ਸੋਸ਼ਲ ਮੀਡੀਆ ਉੱਤੇ ਇਸ ਦਾ ਐਲਾਨ ਕਰਦੇ ਹੋਏ ਕਰਣ ਨੇ ਲਿਖਿਆ, ‘‘ਆਪਣੇ ਫੇਵਰੇਟ ਲੋਕਾਂ ਨੂੰ ਸਾਹਮਣੇ ਰੱਖ ਕੇ ਕੈਮਰੇ ਪਿੱਛੇ ਜਾ ਕੇ ਕੰਮ ਕਰਨ ਬਾਰੇ ਮੈਂ ਬਹੁਤ ਉਤਸ਼ਾਹਤ ਹਾਂ।”
ਕਰਣ ਦੇ ਨਿਰਦੇਸ਼ਨ ਵਿੱਚ ਸਾਲ 2016 ਵਿੱਚ ਰਿਲੀਜ਼ ਹੋਈ ਆਖਰੀ ਫਿਲਮ ‘ਐ ਦਿਲ ਹੈ ਮੁਸ਼ਕਿਲ’ ਸੀ। ਇਸ ਫਿਲਮ ਵਿੱਚ ਰਣਵੀਰ ਤੇ ਆਲੀਆ ਦੇ ਇਲਾਵਾ ਧਰਮਿੰਦਰ, ਜਯਾ ਬੱਚਨ ਅਤੇ ਸ਼ਬਾਨਾ ਆਜ਼ਮੀ ਵਰਗੇ ਸਟਾਰ ਨਜ਼ਰ ਆਉਣਗੇ। ਇਹ ਪਹਿਲਾ ਮੌਕਾ ਹੋਵੇਗਾ, ਜਦ ਕਰਣ, ਸੁਪਰਸਟਾਰ ਧਰਮਿੰਦਰ ਦੇ ਨਾਲ ਕੰਮ ਕਰਨਗੇ। ਕਰਣ ਵੈਸੇ ਵੀ ਆਪਣੀਆਂ ਫਿਲਮਾਂ ਵਿੱਚ ਵੱਡੇ ਕਲਾਕਾਰਾਂ ਨੰ ਇਕੱਠਾ ਕਰਨ ਲਈ ਮਸ਼ਹੂਰ ਹਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ‘ਕਭੀ ਖੁਸ਼ੀ ਕਭੀ ਗ਼ਮ’ ਅਤੇ ‘ਕਭੀ ਅਲਵਿਦਾ ਨਾ ਕਹਿਨਾ’ ਵਰਗੀ ਵੱਡੀ ਸਟਾਰਕਾਸਟ ਵਾਲੀਆਂ ਫਿਲਮਾਂ ਦਿੱਤੀਆਂ ਹਨ।