‘ਯਾਰੀਆਂ’, ‘ਅੱਯਾਰੀ’, ‘ਦੇ ਦੇ ਪਿਆਰ ਦੇ’ ਆਦਿ ਫਿਲਮਾਂ ਦੀ ਅਭਿਨੇਤਰੀ ਰਕੁਲਪ੍ਰੀਤ ਸਿੰਘ ਕਾਫੀ ਬਿਜ਼ੀ ਹੈ। ਨੈਟਫਲਿਕਸ ਉਤੇ ਉਸ ਦੀ ਫਿਲਮ ‘ਸਰਦਾਰ ਦਾ ਗ੍ਰੈਂਡਸਨ’ ਵਿੱਚ ਉਸ ਦੇ ਆਪੋਜ਼ਿਟ ਅਰਜੁਨ ਕਪੂਰ ਹੈ। ਡਿਜੀਟਲ `ਤੇ ਰਿਲੀਜ਼ ਹੋਣ ਵਾਲੀ ਉਸ ਦੀ ਇਹ ਪਹਿਲੀ ਫਿਲਮ ਹੈ। ਰਕੁਲ ਆਯੁਸ਼ਮਾਨ ਖੁਰਾਣਾ ਦੇ ਨਾਲ ‘ਡਾਕਟਰ ਜੀ’ ਫਿਲਮ ਵੀ ਕਰ ਰਹੀ ਹੈ। ਉਸ ਨੇ ਰੌਨੀ ਸਕਰੂਵਾਲਾ ਦੇ ਨਾਲ ਵੀ ਇੱਕ ਸੋਸ਼ਲ ਕਾਮੇਡੀ ਫਿਲਮ ਸਾਈਨ ਕੀਤੀ ਹੈ।
ਖਬਰਾਂ ਮੁਤਾਬਕ ਮਾਧੁਰੀ ਦੀਕਸ਼ਤ ਦੀ ਮਰਾਠੀ ਫਿਲਮ ‘ਬਕੇਟ ਲਿਸਟ’ ਦਾ ਨਿਰਦੇਸ਼ਨ ਕਰਨ ਵਾਲੇ ਤੇਜਸ ਵਿਜੇ ਇਸ ਦਾ ਨਿਰਦੇਸ਼ਨ ਕਰਨਗੇ। ਦੱਸਿਆ ਜਾਂਦਾ ਹੈ ਕਿ ਫਿਲਮ ਦਾ ਸਿਰਲੇਖ ਤੈਅ ਹੋ ਗਿਆ ਹੈ। ਸੂਤਰਾਂ ਮੁਤਾਬਕ ਫਿਲਮ ਦਾ ਨਾਂਅ ‘ਛਤਰੀਵਾਲੀ’ ਹੋਵੇਗਾ। ਇਸ ਨੂੰ ਡਿਜੀਟਲ ਪਲੇਟਫਾਰਮ `ਤੇ ਰਿਲੀਜ਼ ਕੀਤਾ ਜਾਵੇਗਾ। ਇਹ ਕੰਡੋਮ ਖਰੀਦਣ ਤੇ ਉਸ ਦੀ ਗੱਲ ਕਰਨ ਦੀ ਝਿਜਕ ਦੇ ਮੁੱਦੇ ਦੁਆਲੇ ਹੋਵੇਗੀ। ਇਹ ਫਿਲਮ ਪਹਿਲਾਂ ਸਾਰਾ ਅਲੀ ਖਾਨ ਅਤੇ ਅਨੰਨਿਆ ਪਾਂਡੇ ਨੂੰ ਆਫਰ ਕੀਤੀ ਗਈ ਸੀ, ਪਰ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਨੂੰ ਫਿਲਮ ਕੰਸੈਪਟ ਕਾਫੀ ਬੋਲਡ ਲੱਗਾ।