ਓਟਵਾ, 13 ਮਈ (ਪੋਸਟ ਬਿਊਰੋ) : ਐਥਿਕਸ ਕਮਿਸ਼ਨਰ ਮਾਰੀਓ ਡਿਓਨ ਵੱਲੋਂ ਇਹ ਆਖਿਆ ਜਾ ਰਿਹਾ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵੱਲੋਂ ਵੁਈ ਚੈਰਿਟੀ ਮਾਮਲੇ ਵਿੱਚ ਫੈਡਰਲ ਕਾਂਟਰੈਕਟ ਦਿਵਾਉਣ ਲਈ ਕੌਨਫਲਿਕਟ ਆਫ ਇੰਟਰਸਟ ਐਕਟ ਦੀ ਉਲੰਘਣਾਂ ਨਹੀਂ ਕੀਤੀ ਗਈ। ਪਰ ਸਾਬਕਾ ਵਿੱਤ ਮੰਤਰੀ ਬਿੱਲ ਮੌਰਨਿਊ ਵੱਲੋਂ ਕਈ ਮਾਮਲਿਆ ਉੱਤੇ ਖੁਦ ਨੂੰ ਕਈ ਵਾਰੀ ਕੌਨਫਲਿਕਟ ਆਫ ਇੰਟਰਸਟ ਵਿੱਚ ਫਸਾਇਆ।
ਡਿਓਨ ਨੇ ਦੋ ਵੱਖ ਵੱਖ ਜਾਂਚ ਤੋਂ ਪਾਇਆ ਕਿ 912 ਮਿਲੀਅਨ ਦੇ ਵਿਦਿਆਥੀਆਂ ਦੇ ਸਮਰ ਸਰਵਿਸ ਪ੍ਰੋਗਰਾਮ ਨੂੰ ਮੈਨੇਜ ਕਰਨ ਲਈ ਕੈਬਨਿਟ ਵੱਲੋਂ ਵੁਈ ਚੈਰਿਟੀ ਨੂੰ 43·5 ਮਿਲੀਅਨ ਡਾਲਰ ਦੇਣ ਸਬੰਧੀ ਲਏ ਗਏ ਫੈਸਲੇ ਤੋਂ ਟਰੂਡੋ ਤੇ ਮੌਰਨਿਊ 2020 ਵਿੱਚ ਖੁਦ ਨੂੰ ਪਾਸੇ ਕਰਨ ਤੋਂ ਕਾਮਯਾਬ ਨਹੀਂ ਹੋ ਸਕੇ।ਵੀਰਵਾਰ ਨੂੰ ਜਾਰੀ ਕੀਤੀ ਗਈ ਆਪਣੀ ਰਿਪੋਰਟ ਵਿੱਚ ਐਥਿਕਸ ਕਮਿਸ਼ਨਰ ਨੇ ਆਖਿਆ ਕਿ ਪਿਛਲੀਆਂ ਗਰਮੀਆਂ ਵਿੱਚ ਛਿੜੇ ਇਸ ਵਿਵਾਦ ਤੋਂ ਬਾਅਦ ਮੌਰਨਿਊ ਨੇ ਕੈਬਨਿਟ ਛੱਡ ਦਿੱਤੀ ਸੀ ਤੇ ਐਮਪੀਜ਼ ਵਜੋਂ ਵੀ ਅਸਤੀਫਾ ਦੇ ਦਿੱਤਾ ਸੀ। ਇਹ ਵੀ ਆਖਿਆ ਗਿਆ ਕਿ ਵੁਈ ਦੇ ਪ੍ਰਾਈਵੇਟ ਹਿਤਾਂ ਨੂੰ ਪੂਰਾ ਕਰਨ ਲਈ ਵੀ ਮੌਰਨਿਊ ਨੇ ਐਕਟ ਦੇ ਕਈ ਸੈਕਸ਼ਨਜ਼ ਦੀ ਉਲੰਘਣਾਂ ਕੀਤੀ।
ਵਿਦਿਆਰਥੀਆਂ ਨੂੰ ਗ੍ਰਾਂਟ ਦੇਣ ਲਈ ਚਲਾਏ ਗਏ ਇਸ ਪ੍ਰੋਗਰਾਮ ਨੂੰ ਇੱਕ ਕੰਪਨੀ ਨੂੰ ਚਲਾਉਣ ਦੇਣ ਦੇ ਫੈਸਲੇ ਕਾਰਨ ਫੈਡਰਲ ਸਰਕਾਰ ਨੂੰ ਖੂਭ ਖਰੀਆਂ ਖੋਟੀਆਂ ਸੁਣਨੀਆਂ ਪਈਆਂ। ਇਹ ਵਿਵਾਦ ਕਈ ਮਹੀਨਿਆਂ ਤੱਕ ਚੱਲਦਾ ਰਿਹਾ।ਡਿਓਨ ਦੀਆਂ ਲੱਭਤਾਂ ਤੋਂ ਬਾਅਦ ਟਰੂਡੋ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਉਨ੍ਹਾਂ ਪ੍ਰੋਗਰਾਮ ਇੱਕਲੇ ਤੌਰ ਉੱਤੇ ਵੁਈ ਚੈਰਿਟੀ ਨੂੰ ਦੇਣ ਦੀ ਕਿਸੇ ਵੀ ਤਰ੍ਹਾਂ ਦੀ ਹਮਾਇਤੀ ਕੀਤੀ ਸੀ। ਪਰ ਉਨ੍ਹਾਂ ਵੁਈ ਡੀਲ ਬਾਰੇ ਕੈਬਨਿਟ ਵੱਲੋਂ ਵਿਚਾਰ ਵਟਾਂਦਰਾ ਕਰਨ ਦੌਰਾਨ ਖੁਦ ਨੂੰ ਨਾ ਬਚਾਉਣ ਲਈ  ਮੁਆਫੀ ਵੀ ਮੰਗੀ।
ਇਸ ਦੌਰਾਨ ਮੌਰਨਿਊ ਨੇ ਬਿਆਨ ਜਾਰੀ ਕਰਕੇ ਆਖਿਆ ਕਿ ਪਬਲਿਕ ਸਰਵਿਸ ਵੱਲੋਂ ਕੈਬਨਿਟ ਨੂੰ ਵੁਈ ਚੈਰਿਟੀ ਨੂੰ ਪ੍ਰੋਗਰਾਮ ਚਲਾਉਣ ਦੀ ਖੁੱਲ੍ਹ ਦੇਣ ਲਈ ਰਾਜ਼ੀ ਕਰਨ ਵਾਲੀ ਸਲਾਹ ਦਿੱਤੀ ਗਈ। ਉਨ੍ਹਾਂ ਆਖਿਆ ਕਿ ਉਹ ਮੰਨਦੇ ਹਨ ਕਿ ਇਸ ਫੈਸਲੇ ਨਾਲੋਂ ਉਨ੍ਹਾਂ ਨੂੰ ਖੁਦ ਨੂੰ ਲਾਂਭੇ ਰੱਖਣਾ ਚਾਹੀਦਾ ਸੀ।