ਪਾਈਪਲਾਈਨ ਉੱਤੇ ਨਿਰਭਰ ਹਨ ਬਹੁਤੀਆਂ ਨੌਕਰੀਆਂ
ਟੋਰਾਂਟੋ, 13 ਮਈ (ਪੋਸਟ ਬਿਊਰੋ) : ਐਨਬ੍ਰਿੱਜ ਦੀ ਲਾਈਨ 5 ਦੇ ਬੰਦ ਹੋਣ ਨਾਲ ਓਨਟਾਰੀਓ ਸਿਟੀ ਦੇ ਹਜ਼ਾਰਾਂ ਲੋਕ ਸਿੱਧੇ ਤੌਰ ਉੱਤੇ ਪ੍ਰਭਾਵਿਤ ਹੋਣਗੇ।ਇਸ ਇਲਾਕੇ ਦੇ ਬਹੁਤੇ ਲੋਕਾਂ ਦਾ ਰੋਜ਼ਗਾਰ ਇਸੇ ਪਾਈਪਲਾਈਨ ਉੱਤੇ ਨਿਰਭਰ ਕਰਦਾ ਹੈ।
ਮਿਸ਼ੀਗਨ ਦੇ ਗਵਰਨਰ ਗ੍ਰੈਚਨ ਵ੍ਹਿਟਮਰ ਨੇ ਐਨਬ੍ਰਿੱਜ ਨੂੰ ਇਸ ਪਾਈਪਲਾਈਨ ਨੂੰ ਬੰਦ ਕਰਨ ਲਈ ਬੁੱਧਵਾਰ ਤੱਕ ਦਾ ਸਮਾਂ ਦਿੱਤਾ ਸੀ, ਪਰ ਹੁਣ ਤੱਕ ਐਨਬ੍ਰਿੱਜ ਵੱਲੋਂ ਇਸ ਤੋਂ ਇਨਕਾਰ ਕੀਤਾ ਜਾ ਰਿਹਾ ਹੈ ਤੇ ਇਸ ਫੈਸਲੇ ਨੂੰ ਅਮਲ ਵਿੱਚ ਲਿਆਉਣ ਲਈ ਅਦਾਲਤੀ ਹੁਕਮਾਂ ਦੀ ਲੋੜ ਪੈ ਸਕਦੀ ਹੈ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀਆਂ ਕਈ ਪੀੜ੍ਹੀਆਂ ਇਸ ਲਾਈਨ 5 ਦੇ ਸਹਾਰੇ ਹੀ ਆਪਣਾ ਗੁਜ਼ਾਰਾ ਕਰਦੀਆਂ ਆਈਆਂ ਹਨ।
ਦੂਜੇ ਪਾਸੇ ਵ੍ਹਿਟਮਰ ਤੇ ਮੂਲਵਾਸੀ ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਪਾਈਪਲਾਈਨ ਕਾਰਨ ਐਨਵਾਇਰਮੈਂਟ ਨੂੰ ਖਤਰਾ ਹੈ, ਖਾਸ ਤੌਰ ਉੱਤੇ ਉਦੋਂ ਜਦੋਂ ਤੇਲ ਦਾ ਰਿਸਾਅ ਹੋ ਜਾਂਦਾ ਹੈ।ਹਾਲਾਂਕਿ ਸਾਰਨੀਆਂ ਦੇ ਲੋਕ ਬਹੁਤਾ ਕਰਕੇ ਪਾਈਪਲਾਈਨ ਉੱਤੇ ਨਿਰਭਰ ਕਰਦੇ ਹਨ। ਜੇ ਇਹ ਪਾਈਪਲਾਈਨ ਬੰਦ ਹੁੰਦੀ ਹੈ ਤਾਂ ਰੋਜ਼ਾਨਾ ਬਾਰਡਰ ਰਾਹੀਂ 2000 ਟਰੱਕਾਂ ਨੂੰ ਫਿਊਲ ਦੀ ਢੋਆ ਢੁਆਈ ਕਰਨੀ ਪਵੇਗੀ।