ਟੋਰਾਂਟੋ, 13 ਮਈ (ਪੋਸਟ ਬਿਊਰੋ): ਸ਼ਹਿਰ ਦੇ ਪੂਰਬ ਵਿੱਚ ਇੱਕ ਪਲਾਸਟਿਕ ਫੈਬਰੀਕੇਸ਼ਨ ਕੰਪਨੀ ਦੇ ਦੋ ਮੁਲਾਜ਼ਮ ਕੋਵਿਡ-19 ਦੀ ਚਪੇਟ ਵਿੱਚ ਆਉਣ ਕਾਰਨ ਮਾਰੇ ਗਏ।
ਯੂਨੀਫੌਰ ਲੋਕਲ 303 ਦੇ ਪ੍ਰੈਜ਼ੀਡੈਂਟ ਆਨੰਦ ਬੂਧਾਈ ਵੱਲੋਂ ਬੁੱਧਵਾਰ ਦੁਪਹਿਰ ਨੂੰ ਇਨ੍ਹਾਂ ਵਰਕਰਜ਼ ਦੀ ਮੌਤ ਦੀ ਪੁਸ਼ਟੀ ਕੀਤੀ ਗਈ।15 ਅਪਰੈਲ ਨੂੰ ਸੈਪਟਰ ਕਾਰਪੋਰੇਸ਼ਨ ਵਿਖੇ ਕੋਵਿਡ-19 ਆਊਟਬ੍ਰੇਕ ਐਲਾਨੀ ਗਈ ਤੇ 5 ਮਈ ਨੂੰ ਇਸ ਦੇ ਖਤਮ ਹੋਣ ਦਾ ਐਲਾਨ ਕੀਤਾ ਗਿਆ।
ਬੂਧਾਈ ਨੇ ਆਖਿਆ ਕਿ ਆਊਟਬ੍ਰੇਕ ਸਮੇਂ ਕੰਪਨੀ ਨੂੰ ਅੰਸ਼ਕ ਤੌਰ ਉੱਤੇ ਹੀ ਬੰਦ ਕੀਤਾ ਗਿਆ ਸੀ ਪਰ ਵਰਕਰਜ਼ ਦੀ ਹਿਫਾਜ਼ਤ ਕਰਨ ਲਈ ਅਜੇ ਕਾਫੀ ਕੁੱਝ ਕੀਤਾ ਜਾਣਾ ਬਾਕੀ ਹੈ। ਆਊਟਬ੍ਰੇਕ ਦੌਰਾਨ ਕੋਵਿਡ-19 ਦੀ ਚਪੇਟ ਵਿੱਚ 14 ਇੰਪਲੌਈਜ਼ ਆਏ ਜਿਨ੍ਹਾਂ ਵਿੱਚੋਂ ਦੋ ਦੀ ਮੌਤ ਹੋ ਗਈ।