ਅਭਿਨੇਤਰੀ ਸੋਨਾਕਸ਼ੀ ਸਿਨਹਾ ਇਨ੍ਹੀਂ ਦਿਨੀਂ ਆਪਣੀ ਵੈੱਬ ਫਿਲਮ ‘ਬੁਲਬੁਲ ਤਰੰਗ’ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹੈ। ਸੋਨਾਕਸ਼ੀ ਫਿਲਮ ਵਿੱਚ ਇੱਕ ਛੋਟੇ ਸ਼ਹਿਰ ਦੀ ਬਿੰਦਾਸ ਲੜਕੀ ਦੀ ਭੂਮਿਕਾ ਵਿੱਚ ਹੈ। ਜਾਣਕਾਰੀ ਮਿਲ ਰਹੀ ਹੈ ਕਿ ਸੋਨਾਕਸ਼ੀ ਦੀ ਇਸ ਵੈੱਬ ਫਿਲਮ ਦੀ ਕਹਾਣੀ ਦਾਜ ਪ੍ਰਥਾ ਉੱਤੇ ਆਧਾਰਤ ਹੈ। ਖਬਰਾਂ ਮੁਤਾਬਕ ਫਿਲਮ ‘ਬੁਲਬੁਲ ਤਰੰਗ’ ਦੀ ਕਹਾਣੀ ਇੱਕ ਸਮਾਜਕ ਕੁਪ੍ਰਥਾ ਦਾਜ ਉੱਤੇ ਆਧਾਰਤ ਹੋਵੇਗੀ। ਫਿਲਮ ‘ਬੁਲਬੁਲ ਤਰੰਗ’ ਇੱਕ ਵਿਅੰਗ ਮਈ ਸੋਸ਼ਲ ਡਰਾਮਾ ਹੈ, ਜੋ ਦਾਜ ਪ੍ਰਥਾ ਦੇ ਦੁਆਲੇ ਘੁੰਮਦਾ ਹੈ। ਸੋਨਾਕਸ਼ੀ ਇਸ ਵਿੱਚ ਇੱਕ ਛੋਟੇ ਸ਼ਹਿਰ ਦੀ ਬਿੰਦਾਸ ਅਤੇ ਜਿੰਦਾਦਿਲ ਲੜਕੀ ਦਾ ਕਿਰਦਾਰ ਨਿਭਾ ਰਹੀ ਹੈ। ਉਹ ਅਜਿਹੀ ਲੜਕੀ ਦੇ ਕਿਰਦਾਰ ਵਿੱਚ ਦਿਖਾਈ ਦੇਵੇਗੀ, ਜੋ ਸਮਾਜ ਵਿਚਲੀਆਂ ਕੁਰੀਤੀਆਂ ਨੂੰ ਬਦਲਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਇਹ ਇੱਕ ਆਧੁਨਿਕ ਜ਼ਮਾਨੇ ਦੀ ਫਿਲਮ ਹੋਵੇਗੀ।
ਦੱਸਿਆ ਜਾ ਰਿਹਾ ਹੈ ਕਿ ਜਦ ਫਿਲਮ ਲਈ ਸੋਨਾਕਸ਼ੀ ਨੂੰ ਅਪਰੋਚ ਕੀਤਾ ਤਾਂ ਉਸ ਨੂੰ ਇਸ ਦਾ ਆਈਡੀਆ ਕਾਫੀ ਪਸੰਦ ਆਇਆ। ਫਿਲਮ ਦੀ ਕਹਾਣੀ ਅਤੇ ਇਸ ਵਿੱਚ ਮਿਲੀ ਭੂਮਿਕਾ ਸੋਨਾਕਸ਼ੀ ਨੂੰ ਪਸੰਦ ਆਈ ਹੈ। ਖਬਰਾਂ ਦੇ ਮੁਤਾਬਕ ਫਿਲਮ ਬਣਾਉਣ ਦਾ ਪੂਰਾ ਆਈਡੀਆ ਸੋਨਾਕਸ਼ੀ ਦੇ ਦਿਲ ਨੂੰ ਛੂਹ ਗਿਆ ਅਤੇ ਇਸ ਦੇ ਲਈ ਉਸ ਨੇ ਤੁਰੰਤ ਹਾਮੀ ਭਰ ਦਿੱਤੀ। ਸੋਨਾਕਸ਼ੀ ਦੀ ਇਹ ਫਿਲਮ ਡਾਇਰੈਕਟਰ ਨਾਰਾਇਣ ਸਿੰਘ ਨਿਰਦੇਸ਼ਿਤ ਕਰਨਗੇ। ਸੋਨਾਕਸ਼ੀ ਜਲਦੀ ਹੀ ਵੈੱਬ ਸੀਰੀਜ਼ ‘ਫਾਲੇਨ’ ਨਾਲ ਆਪਣੀ ਡਿਜੀਟਲ ਡੈਬਿਊ ਕਰੇਗੀ। ਇਸ ਦੇ ਇਲਾਵਾ ਉਸ ਨੂੰ ਮਸ਼ਹੂਰ ਡਾਇਰੈਕਟਰ ਸੰਜੇ ਲੀਾਲ ਭੰਸਾਲੀ ਦੀ ਲੰਬੇ ਸਮੇਂ ਤੋਂ ਉਡੀਕੀ ਜਾ ਰਹੀ ਵੈੱਬ ਸੀਰੀਜ਼ ‘ਹੀਰਾ ਮੰਡੀ’ ਵਿੱਚ ਦੇਖਿਆ ਜਾ ਸਕਦਾ ਹੈ।