ਟੋਰਾਂਟੋ, 12 ਮਈ (ਪੋਸਟ ਬਿਊਰੋ) : ਬਲੂਅਰ ਤੇ ਬਰੰਜ਼ਵਿੱਕ ਦੇ ਕੌਰਨਰ ਉੱਤੇ ਸਥਿਤ ਆਪਣੀ ਫਾਰਮੇਸੀ ਨੂੰ ਰੈਕਸਲ ਬੰਦ ਕਰਨ ਜਾ ਰਹੀ ਹੈ। ਇਸ ਨੂੰ ਬਰੰਜ਼ਵਿੱਕ ਹਾਊਸ ਪੱਬ ਵਜੋਂ ਵੀ ਜਾਣਿਆ ਜਾਂਦਾ ਸੀ।
ਚਾਰ ਸਾਲ ਪਹਿਲਾਂ ਯੂਨੀਵਰਸਿਟੀ ਆਫ ਟੋਰਾਂਟੋ ਦੇ ਵਿਦਿਆਰਥੀਆਂ ਦੀ ਪਸੰਦੀਦਾ ਬਾਰ ਰਹਿ ਚੁੱਕੀ ਇਸ ਥਾਂ ਉੱਤੇ ਫਾਰਮੇਸੀ ਚੇਨ ਨੇ ਆਪਣਾ ਕੰਮ ਕਾਜ ਸਿ਼ਫਟ ਕਰ ਲਿਆ ਸੀ।ਪਰ ਕੰਪਨੀ ਦੇ ਬੁਲਾਰੇ ਨੇ ਆਖਿਆ ਕਿ ਚੰਗੇ ਲਈ ਹੀ ਰੈਕਸਲ ਇੱਥੋਂ ਜਾ ਰਹੀ ਹੈ।ਬੁੱਧਵਾਰ ਨੂੰ ਜਾਰੀ ਕੀਤੇ ਗਏ ਬਿਆਨ ਵਿੱਚ ਫਾਰਮੇਸੀ ਦੇ ਬੁਲਾਰੇ ਨੇ ਆਖਿਆ ਕਿ ਟੋਰਾਂਟੋ ਦੇ ਪੱਛਮ ਵੱਲ 481 ਬਲੂਅਰ ਸਟਰੀਟ ਉੱਤੇ ਸਥਿਤ ਰੈਕਸਲ ਦੇ ਨੇੜੇ ਤੇੜੇ ਕਮਿਊਨਿਟੀ ਤੇ ਰੀਟੇਲ ਬਿਲਡਿੰਗਾਂ ਵਿੱਚ ਵੀ ਕੰਮਕਾਜ ਕਾਫੀ ਘੱਟ ਗਿਆ ਹੈ।ਇਹ ਸੱਭ ਕੋਵਿਡ-19 ਪ੍ਰੋਟੋਕਾਲਜ਼ ਲਾਗੂ ਹੋਣ ਤੋਂ ਬਾਅਦ ਹੋਇਆ ਹੈ।
ਨਤੀਜਤਨ ਅਸੀਂ ਇਸ ਲੋਕੇਸ਼ਨ ਨੂੰ ਸਥਾਈ ਤੌਰ ਉੱਤੇ ਬੰਦ ਕਰਨ ਦਾ ਫੈਸਲਾ ਕੀਤਾ ਹੈ। ਇੱਥੇ ਕੋਵਿਡ-19 ਵੈਕਸੀਨ ਦੇ ਪਹਿਲੇ ਸ਼ੌਟਸ ਵੀ ਲੋਕਾਂ ਨੂੰ ਦਿੱਤੇ ਜਾ ਚੁੱਕੇ ਹਨ। ਫਾਰਮੇਸੀ ਦਾ ਕਹਿਣਾ ਹੈ ਕਿ ਜਿਹੜੇ ਲੋਕ ਦੂਜੀ ਡੋਜ਼ ਲਈ ਉਨ੍ਹਾਂ ਦੀ ਵੇਟਲਿਸਟ ਵਿੱਚ ਹਨ ਉਨ੍ਹਾਂ ਨੂੰ ਨੇੜਲੀਆਂ ਲੋਕੇਸ਼ਨਜ਼ ਉੱਤੇ ਭੇਜ ਦਿੱਤਾ ਜਾਵੇਗਾ।