ਸਕਾਰਬੌਰੋ, 12 ਮਈ (ਪੋਸਟ ਬਿਊਰੋ) : ਸਕਾਰਬੌਰੋ ਹੈਲਥ ਨੈੱਟਵਰਕ ਵੱਲੋਂ ਸ਼ਨਿੱਚਰਵਾਰ 15 ਮਈ, 2021 ਨੂੰ ਗੁਰਸਿੱਖ ਸਭਾ ਕੈਨੇਡਾ (ਸਕਾਰਬੌਰੋ ਗੁਰਦੁਆਰਾ) 905 ਮਿਡਲਫੀਲਡ ਰੋਡ ਸਕਾਰਬੌਰੋ ਵਿੱਚ ਸਵੇਰੇ 9:00 ਵਜੇ ਤੋਂ ਸ਼ਾਮ ਦੇ 5:00 ਵਜੇ ਤੱਕ ਪੌਪ ਅੱਪ ਵੈਕਸੀਨੇਸ਼ਨ ਕੈਂਪ ਲਾਇਆ ਜਾ ਰਿਹਾ ਹੈ।
ਉਸ ਦਿਨ 2000 ਵੈਕਸੀਨੇਸ਼ਨ ਨਿਰਧਾਰਤ ਕੀਤੀਆਂ ਗਈਆਂ ਹਨ ਤੇ ਇਨ੍ਹਾਂ ਨੂੰ www.tinyurl.com/GursikhSabha ਰਾਹੀਂ ਜਾਂ ਸਕਾਰਬੌਰੋ ਦੇ ਰੈਜ਼ੀਡੈਂਟਸ ਲਈ ਸਕਾਰਬੌਰੋ ਹੈਲਥ ਨੈੱਟਵਰਕ ਦੀ ਵੈੱਬਸਾਈਟ ਰਾਹੀਂ ਬੁੱਕ ਕਰਵਾਇਆ ਜਾ ਸਕਦਾ ਹੈ। ਐਸ ਐਚ ਐਨ ਵੱਲੋਂ ਸਾਰਾ ਸੈੱਟਅੱਪ, ਲਾਜਿਸਟਿਕਸ ਤੇ ਟਰੈਫਿਕ ਫਲੋਅ ਦੇਖਿਆ ਜਾਵੇਗਾ ਤੇ ਸਾਡੇ ਵਾਲੰਟੀਅਰਜ਼ ਵੱਲੋਂ ਵੀ ਪੂਰੀ ਤਰ੍ਹਾਂ ਸਹਿਯੋਗ ਦਿੱਤਾ ਜਾਵੇਗਾ।
ਮਹਾਂਮਾਰੀ ਦੌਰਾਨ ਸਕਾਰਬੌਰੋ ਗੁਰਦੁਆਰਾ ਵੱਖ ਵੱਖ ਢੰਗਾਂ ਨਾਲ ਕਮਿਊਨਿਟੀ ਸੇਵਾ ਕਰਦਾ ਰਿਹਾ ਹੈ ਤੇ ਹੁਣ ਸਾਨੂੰ ਲੋਕਾਂ ਦੀ ਸੇਵਾ ਕਰਨ ਦਾ ਇੱਕ ਹੋਰ ਮੌਕਾ ਮਿਲਿਆ ਹੈ।