ਮੈਕਸਿਕੋ ਸਿਟੀ, 4 ਮਈ (ਪੋਸਟ ਬਿਊਰੋ) : ਸੋਮਵਾਰ ਦੇਰ ਰਾਤ ਨੂੰ ਮੈਕਸਿਕੋ ਸਿਟੀ ਮੈਟਰੋ ਦੇ ਵਧੇ ਹੋਏ ਸੈਕਸ਼ਨ ਦੇ ਢਹਿ ਜਾਣ ਕਾਰਨ ਸਬਵੇਅ ਕਾਰ ਭੀੜ ਭਾੜ ਵਾਲੇ ਬੋਲੀਵੀਆਰਡ ਉੱਤੇ ਜਾ ਡਿੱਗੀ, ਜਿਸ ਕਾਰਨ 23 ਵਿਅਕਤੀਆਂ ਦੀ ਮੌਤ ਹੋ ਗਈ ਤੇ 70 ਦੇ ਨੇੜੇ ਤੇੜੇ ਲੋਕ ਜ਼ਖ਼ਮੀ ਹੋ ਗਏ। ਇਹ ਜਾਣਕਾਰੀ ਸਿਟੀ ਦੇ ਅਧਿਕਾਰੀਆਂ ਨੇ ਦਿੱਤੀ।
ਕਈ ਘੰਟਿਆਂ ਤੱਕ ਇਹ ਕਾਰ ਓਵਰਪਾਸ ਨਾਲ ਲਟਕਦੀ ਰਹੀ ਅਤੇ ਲੋਕਾਂ ਨੂੰ ਬਚਾਉਣ ਦਾ ਕੰਮ ਵੀ ਲੰਮਾਂ ਸਮਾਂ ਚੱਲਦਾ ਰਿਹਾ। ਪਰ ਮੰਗਲਵਾਰ ਸਵੇਰੇ ਸੁਰੱਖਿਆ ਕਾਰਨਾਂ ਨੂੰ ਵੇਖਦਿਆਂ ਹੋਇਆਂ ਬਚਾਅ ਕਾਰਜਾਂ ਨੂੰ ਮੁਲਤਵੀ ਕਰ ਦਿੱਤਾ ਗਿਆ। ਫਿਰ ਇੱਕ ਕ੍ਰੇਨ ਦੀ ਮਦਦ ਨਾਲ ਉਸ ਕਾਰ ਨੂੰ ਹੇਠਾਂ ਉਤਾਰਿਆ ਗਿਆ। ਮੇਅਰ ਕਲੌਡੀਆ ਸ਼ੇਨਬਾਮ ਨੇ ਆਖਿਆ ਕਿ ਸੰਭਾਵੀ ਤੌਰ ਉੱਤੇ ਇਹ ਸਿਟੀ ਦੇ ਸਬਵੇਅ ਸਿਸਟਮ ਨਾਲ ਜੁੜਿਆ ਸੱਭ ਤੋ ਘਾਤਕ ਹਾਦਸਾ ਹੈ। ਇਹ ਸਬਵੇਅ ਸਿਸਟਮ ਦੁਨੀਆ ਵਿੱਚ ਸੱਭ ਤੋਂ ਵੱਧ ਰੁਝੇਵਿਆਂ ਭਰਿਆ ਸਿਸਟਮ ਹੈ।
ਸ਼ੇਨਬਾਮ ਨੇ ਆਖਿਆ ਕਿ 49 ਜ਼ਖ਼ਮੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ ਤੇ ਸੱਤ ਦੀ ਹਾਲਤ ਕਾਫੀ ਨਾਜ਼ੁਕ ਹੈ ਤੇ ਉਨ੍ਹਾਂ ਦੀ ਸਰਜਰੀ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਆਖਿਆ ਕਿ ਮਰਨ ਵਾਲਿਆਂ ਵਿੱਚ ਬੱਚੇ ਵੀ ਸ਼ਾਮਲ ਹਨ ਪਰ ਉਨ੍ਹਾਂ ਇਹ ਨਹੀਂ ਦੱਸਿਆ ਕਿ ਇਸ ਹਾਦਸੇ ਵਿੱਚ ਕਿੰਨੇ ਬੱਚੇ ਮਾਰੇ ਗਏ।