ਨਵੀਂ ਦਿੱਲੀ, 3 ਮਈ, (ਪੋਸਟ ਬਿਊਰੋ)- ਦਿੱਲੀ ਸਮੇਤ ਦੇਸ਼ ਦੇ ਬਹੁਤੇਰਾਜਾਂ ਵਿੱਚ ਕੋਰੋਨਾ ਵਾਇਰਸ ਦੀ ਮਾਰ ਕਾਰਨ ਦਮ ਤੋੜਦੇ ਮੈਡੀਕਲ ਪ੍ਰਬੰਧ ਕਾਰਨ ਪੂਰੇ ਦੇਸ਼ ਦੇ ਲੋਕ ਕੌਮੀ ਪੱਧਰ ਉੱਤੇ ਲਾਕਡਾਊਨ ਲਾਗੂ ਕਰਨ ਦੀ ਵਕਾਲਤ ਕੀਤੀ ਜਾਣ ਲੱਗੀ ਹੈ। ਕਨਫੈਡਰੇਸ਼ਨ ਆਫ ਆਲ ਇੰਡੀਆ ਟ੍ਰੇਡਰਜ਼ (ਕੈਟ) ਨੇ ਆਪਣੇ ਇਕ ਸਰਵੇਵਿੱਚ ਦਾਅਵਾ ਕੀਤਾ ਹੈ ਕਿ 67.5 ਫ਼ੀਸਦੀ ਲੋਕਾਂ ਨੇ ਕੌਮੀ ਪੱਧਰ ਉੱਤੇ ਉਸੇ ਤਰ੍ਹਾਂ ਲਾਕਡਾਊਨ ਲਾਉਣ ਦੀ ਵਕਾਲਤ ਕੀਤੀ ਹੈ, ਜਿਵੇਂ ਪਿਛਲੇ ਸਾਲ ਲੱਗਾ ਸੀ ਅਤੇ ਲੋਕਾਂ ਨੇ ਮੰਨਿਆ ਹੈ ਕਿ ਇਸ ਦੇ ਬਿਨਾਂ ਕੋਰੋਨਾ ਨੂੰ ਨਹੀਂ ਰੋਕਿਆ ਜਾ ਸਕੇਗਾ।
ਕੈਟ ਦੇ ਕੌਮੀ ਪ੍ਰਧਾਨ ਬੀਸੀ ਭਰਤੀਆ ਤੇ ਕੌਮੀ ਜਨਰਲ ਸੈਕਟਰੀ ਪ੍ਰਵੀਨ ਖੰਡੇਲਵਾਲ ਨੇ ਕਿਹਾ ਕਿ ਸਰਵੇ ਵਿੱਚਦਿੱਲੀਅਤੇ ਦੇਸ਼ ਵਿੱਚ 9,117 ਲੋਕਾਂ ਨੇ ਆਪਣੀ ਸੋਚ ਦੱਸੀ ਹੈ, ਜਿਸ ਵਿੱਚੋਂ 78.2 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਕੋਰੋਨਾ ਦੇਸ਼ ਵਿੱਚ ਬੇਕਾਬੂ ਹੋ ਗਿਆ ਹੈ। 67.5 ਫ਼ੀਸਦੀ ਲੋਕਾਂ ਨੇ ਪੂਰੇ ਦੇਸ਼ ਵਿੱਚਇੱਕੋ ਵਾਰਲਾਕਡਾਊਨ ਲਾਉਣ ਦੀ ਹਮਾਇਤ ਕੀਤੀ ਅਤੇ 73.7 ਫ਼ੀਸਦੀ ਲੋਕਾਂ ਨੇ ਮੰਨਿਆ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਕੋਰੋਨਾ ਨਾਲ ਨਜਿੱਠ ਸਕਦਾ ਹੈ, ਪਰ 82.6 ਫ਼ੀਸਦੀ ਲੋਕਾਂ ਨੇ ਕਿਸੇ ਇਕ ਕੇਂਦਰੀ ਮੰਤਰੀ ਨੂੰ ਦਿੱਲੀ ਦਾ ਇੰਚਾਰਜ ਲਾਉਣ ਦਾ ਸੁਝਾਅ ਵੀ ਦਿੱਤਾ ਹੈ।
ਖੰਡੇਲਵਾਲ ਨੇ ਕਿਹਾ ਕਿ ਪੂਰੇ ਦੇਸ਼ ਵਿੱਚ ਕੋਰੋਨਾ ਨਾਲ ਰੋਜ਼ ਚਾਰ ਲੱਖ ਤੋਂ ਵੱਧ ਲੋਕ ਇਨਫੈਕਟਿਡ ਹੋ ਰਹੇ ਹਨ ਤੇ ਇਸ ਅਨੁਪਾਤ ਵਿੱਚ ਮੈਡੀਕਲ ਵਿਵਸਥਾ ਨਹੀਂ ਹੈ।ਇਸ ਲਈ ਕੌਮੀ ਲਾਕਡਾਊਨ ਹੀ ਇਕਲੌਤਾ ਬਦਲ ਬਚਦਾ ਹੈ, ਜਿਸ ਨਾਲ ਕੋਰੋਨਾ ਨੂੰ ਵਧਣ ਤੋਂ ਰੋਕਿਆ ਜਾ ਸਕਦਾ ਹੈ।