ਪੈਰਿਸ, 3 ਮਈ (ਪੋਸਟ ਬਿਊਰੋ)- ਮਹਾਮਾਰੀ ਦੇ ਦੌਰ ਵਿੱਚ ਰਾਹਤ ਦੀ ਖਬਰ ਸਾਹਮਣੇ ਆਈ ਹੈ। ਵਿਗਿਆਨੀਆਂ ਨੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏ ਆਈ) ਦੀ ਮੱਦਦ ਨਾਲ ਬਾਇਓਪਿਕ ਵਿਜਨ ਸਿਸਟਮ ਬਣਾ ਲਿਆ ਹੈ। ਇਸ ਦੀ ਮਦਦ ਨਾਲ ਦਿ੍ਰਸ਼ਟੀਹੀਣ ਲੋਕਾਂ ਨੂੰ ਦੇਖਣ ਵਿੱਚ ਮਦਦ ਮਿਲੇਗੀ।
ਇਸ ਤਕਨੀਕ ਨੂੰ ਫਰਾਂਸ ਦੀ ਬਾਇਓਇਲੈਕਟ੍ਰੋਨਿਕਸ ਕੰਪਨੀ ‘ਪਿਕਸੀਅਮ ਵਿਜਨ' ਨਾਲ ਤਿਆਰ ਕੀਤਾ ਹੈ ਅਤੇ ਨਾਂਅ ਰੱਖਿਆ ਹੈ: ਪ੍ਰਾਈਮਾ ਵਿਜਨ। ਮੇਡਟੇਕ ਫੋਰਮ 2021 ਵਿੱਚ ਇਸ ਟੈਕਨਾਲੋਜੀ ਨੂੰ ਮੈਡੀਕਲ ਖੇਤਰ ਵਿੱਚ ਸਭ ਤੋਂ ਵੱਧ ਉਨਤ ਅਤੇ ਅਗਲੀ ਪੀੜ੍ਹੀ ਦੇ ਲਈ ਸਭ ਤੋਂ ਇਨੋਵੇਟਿਕ ਖੋਜ ਦੇ ਰੂਪ ਵਿੱਚ ਸਨਮਾਨਤ ਕੀਤਾ ਗਿਆ ਹੈ। ਫਰਾਂਸ ਦੇ ਦਿ੍ਰਸ਼ਟੀਹੀਣ ਪੰਜ ਮਰੀਜ਼ਾਂ ਦੇ ਵਿੱਚ ਤਿੰਨ ਸਾਲ ਤੱਕ ਕੀਤੇ ਗਏ ਟੈਸਟ ਦੇ ਸਫਲ ਹੋਣ ਦੇ ਬਾਅਦ ਇਸ ਨੂੰ ਜਲਦੀ ਹੀ ਬਾਜ਼ਾਰ ਵਿੱਚ ਲਿਆਂਦਾ ਜਾਏਗਾ।
ਪਿਕਸੀਅਮ ਵਿਜਨ ਦੇ ਸੀ ਈ ਓ ਲਾਇਡ ਡਾਇਮੰਡ ਨੇ ਕਿਹਾ ਕਿ ਇਹ ਪਰਿਵਰਤਨਕਾਰੀ ਤਕਨੀਕ ਉਨ੍ਹਾਂ ਲੋਕਾਂ ਦੇ ਲਈ ਇੱਕ ਤਰ੍ਹਾਂ ਦਾ ਵਰਦਾਨ ਹੈ, ਜਿਨ੍ਹਾਂ ਨੇ ਆਪਣੀ ਨਜ਼ਰ ਗੁਆ ਦਿੱਤੀ। ਇਸ ਸਿਸਟਮ ਦੀ ਮਦਦ ਨਾਲ ਨੇਤਰਹੀਣ ਵਿਅਕਤੀ ਵੀ ਪੂਰੀ ਤਰ੍ਹਾਂ ਦੇਖ ਸਕਣਗੇ। ਇਸ ਨੂੰ ਬਣਾਉਣ ਵਿੱਚ ਮਾਈਕ੍ਰੋ ਇਲੈਕਟ੍ਰੋਨਿਕਸ, ਇੰਟੈਲੀਜੈਂਸ ਸਾਫਟਵੇਅਰ ਐਲਗੋਰਿਦਮ, ਵਿਜੁਅਲ ਪ੍ਰੋਸੈਸਿੰਗ ਅਤੇ ਨਿਊਰੋ ਬਾਇਓਲਾਜੀ ਦੇ ਨਾਲ ਏ ਆਈ ਦਾ ਵੀ ਇਸਤੇਮਾਲ ਕੀਤਾ ਗਿਆ ਹੈ। ਉਨ੍ਹਾਂ ਦਸਿਆ ਕਿ ਅਸੀਂ ਪਿਛਲੇ 10 ਸਾਲਾਂ ਤੋਂ ਇਸ ਤਕਨੀਕ 'ਤੇ ਕੰਮ ਕਰ ਰਹੇ ਹਾਂ। ਹੁਣ ਤੱਕ ਕਈ ਮਰੀਜ਼ਾਂ 'ਤੇ ਇਸ ਦਾ ਟੈਸਟ ਕੀਤਾ ਜਾ ਚੁੱਕਾ ਹੈ।