ਗਲਾਸਗੋ, 1 ਮਈ (ਪੋਸਟ ਬਿਊਰੋ)- ਸਕਾਟਲੈਂਡ ਦੇ ਗਲਾਸਗੋ ਵਿਚਲੀ ਪੋਲਮਾੜੀ ਬਰਨ ਨਦੀ ਦਾ ਪਾਣੀ ਅਚਾਨਕ ਪੀਲੇ ਰੰਗ ਵਿੱਚ ਬਦਲ ਗਿਆ ਹੈ। ਲੋਕਾਂ ਨੇ ਇਸ ਦੀਆਂ ਤਸਵੀਰਾਂ ਕਈ ਜਗ੍ਹਾ ਸ਼ੇਅਰ ਕੀਤੀਆਂ ਹਨ।
ਜਦੋਂ ਸ਼ੂਰੂ ਵਿੱਚ ਲੋਕਾਂ ਨੇ ਪਾਣੀ ਦਾ ਰੰਗ ਪੀਲਾ ਦੇਖਿਆ ਤਾਂ ਉਨ੍ਹਾਂ ਨੂੰ ਇਹ ਚਮਤਕਾਰ ਲੱਗਾ,ਪਰ ਪਿੱਛੋਂ ਪਤਾ ਲੱਗਾ ਕਿ ਇਹ ਇਨਸਾਨੀ ਗਲਤੀਆਂ ਦਾ ਨਤੀਜਾ ਹੈ। ਨਦੀ ਕੰਢੇ ਬਣੀ ਇੱਕ ਫੈਕਟਰੀ ਨੇ ਆਪਣੀ ਗੰਦਗੀ ਨਦੀ ਵਿੱਚ ਛੱਡ ਦਿੱਤੀ ਸੀ ਅਤੇ ਇਸ ਕਾਰਨ ਨਦੀ ਦਾ ਪਾਣੀ ਪੀਲੇ ਰੰਗ ਵਿੱਚ ਬਦਲ ਗਿਆ ਸੀ।ਨਦੀ ਦੇ ਪਾਣੀ ਦੀ ਜਾਂਚ ਕੀਤੀ ਗਈ ਤਾਂ ਹੈਰਾਨੀ ਵਾਲੀਆਂ ਗੱਲਾਂ ਪਤਾ ਲੱਗੀਆਂ।ਰਿਪੋਰਟ ਮੁਤਾਬਕ ਨਦੀ ਦਾ ਪਾਣੀ ਏਸਿਡ ਵਿੱਚ ਬਦਲ ਗਿਆ ਅਤੇ ਇਸ ਦੀ ਇੱਕ ਬੰੂਦ ਵੀ ਚਮੜੀ ਨੂੰ ਸਾੜ ਸਕਦੀ ਸੀ। ਜੇ ਗਲਤੀ ਨਾਲ ਇਸ ਪਾਣੀ ਨੂੰ ਪੀ ਲਿਆ ਤਾਂ ਗਲਾ ਤੇ ਕਿਡਨੀ ਦੋਵੇਂ ਡੈਮੇਜ ਹੋ ਸਕਦੇ ਹਨ। ਇਸ ਨਦੀ ਦਾ ਪਾਣੀ ਨੇੜਲੇ ਕਈ ਘਰਾਂ ਦੇ ਲੋਕ ਵਰਤਦੇਵੀ ਹਨ। ਵਿਗਿਆਨੀ ਇਸ ਦੇ ਪਾਣੀ ਨੂੰ ਛੇਤੀ ਤੋਂ ਛੇਤੀ ਠੀਕ ਕਰਨ ਦਾ ਉਪਾਅ ਲੱਭ ਰਹੇ ਹਨ।