* ਭਾਰਤ ਤੋਂ ਆਉਂਦੇ ਲੋਕਾਂ ਉੱਤੇ 14 ਦਿਨ ਦੀ ਪਾਬੰਦੀ ਲਾਜ਼ਮੀ
ਮਿਲਾਨ, 28 ਅਪਰੈਲ, (ਪੋਸਟ ਬਿਊਰੋ)- ਭਾਰਤ ਵਿੱਚ ਰਿਕਾਰਡ ਤੋੜ ਕੋਰੋਨਾ ਵਾਇਰਸ ਦੇ ਕੇਸਮਿਲਣ ਨਾਲ ਜਿੱਥੇ ਪੂਰੀ ਦੁਨੀਆ ਦੀ ਨਜ਼ਰ ਭਾਰਤ ਅਤੇ ਭਾਰਤੀਆਂ ਉੱਤੇ ਹੈ, ਓਦੋਂ ਇਟਲੀ ਦੇ ਲਾਸੀਓ ਰਾਜ ਵਿੱਚ 36 ਬੱਚਿਆਂ ਸਮੇਤ 300 ਦੇ ਕਰੀਬ ਭਾਰਤੀਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਹੋਣ ਨਾਲ ਸਥਾਨਕ ਪ੍ਰਸ਼ਾਸਨ ਅਲਾਰਟ ਹੋ ਗਿਆ ਅਤੇ ਇਟਾਲੀਅਨ ਮੀਡੀਆ ਵਿੱਚ ਇਹ ਖ਼ਬਰ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
ਅਖਬਾਰੀ ਰਿਪੋਰਟਾਂ ਮੁਤਾਬਕ ਕੋਰੋਨਾ ਵਾਇਰਸ ਦਾ ਦੂਸਰਾ ਭਿਆਨਕ ਰੂਪ ਭਾਰਤ ਤੋਂ ਇਟਲੀ ਵਿੱਚਜਾ ਚੁੱਕਾ ਹੈ। ਓਥੇ ਲਾਤੀਨਾ ਤੇ ਆਸ-ਪਾਸ ਦੇ ਇਲਾਕਿਆ ਵਿੱਚ 15 ਹਜ਼ਾਰ ਦੇ ਕਰੀਬ ਭਾਰਤੀ ਰਹਿੰਦੇ ਹਨ, ਜੋ ਖੇਤੀ ਫਾਰਮਾਂ ਤੇ ਦੁੱਧ ਦੀਆਂ ਡੇਅਰੀਆਂ ਉੱਤੇ ਕੰਮ ਕਰਦੇ ਹਨ। ਇਨ੍ਹਾਂ ਦਾ ਛੇਤੀ ਕਰੋਨਾ ਟੈਸਟ ਕਰਾਉਣ ਦੀ ਮੰਗ ਕੀਤੀ ਜਾਣ ਲੱਗੀ ਹੈ, ਕਿਉਂਕਿ ਪਿਛਲੇ ਦਿਨੀਂ ਭਾਰਤ ਤੋਂ ਇਟਲੀ ਆਏਲੋਕਾਂ ਤੋਂ ਕੋਰੋਨਾ ਫੈਲਣ ਦਾ ਡਰ ਹੈ। ਦੂਜੇ ਪਾਸੇ ਲਾਤੀਨਾ ਜ਼ਿਲ੍ਹੇ ਦੇ ਇੱਕ ਸ਼ਹਿਰ ਵਿੱਚ 32 ਭਾਰਤੀ ਪਰਿਵਾਰਾਂ ਦੇ ਲੋਕ ਕੋਰੋਨਾ ਪਾਜ਼ੇਟਿਵ ਮਿਲੇ ਹਨ। ਜਿਨ੍ਹਾਂ ਭਾਰਤੀਆਂ ਦੀਆਂ ਕੋਰੋਨਾ ਰਿਪੋਰਟਾਂ ਪਾਜ਼ੇਟਿਵ ਹਨ, ਉਨ੍ਹਾਂ ਨੂੰ ਆਪੋ-ਆਪਣੇ ਘਰ ਕੁਆਰੰਟਰੀਨ ਲਈ ਕਿਹਾ ਗਿਆ ਹੈ। ਇਟਲੀ ਦੀ ਇਕ ਕੌਮੀ ਅਖ਼ਬਾਰ ਨੇ ਪੰਜਾਬੀਆਂ ਦੇ ਵੱਡੇ ਇਕੱਠ ਦੀ ਪੁਰਾਣੀ ਫੋਟੋ ਛਾਪਕੇ 300 ਸਿੱਖਾਂ ਦੇ ਕਰੋਨਾ ਪਾਜ਼ੇਟਿਵ ਹੋਣ ਦੀ ਖ਼ਬਰ ਦਿੱਤੀ ਹੈ, ਜਿਸ ਤੋਂਸਾਫ ਹੈ ਕਿ ਇਟਲੀ ਪੁਲਿਸ ਇਲਾਕੇ ਵਿੱਚ ਭਾਰਤੀ ਭਾਈਚਾਰੇ ਦੇ ਧਾਰਮਿਕ ਸਥਾਨਾਂ ਨੂੰ ਵੀ ਸ਼ੱਕ ਦੇ ਘੇਰੇ ਹੇਠ ਲੈ ਕੇ ਜਾਂਚ ਕਰ ਸਕਦੀ ਹੈ।ਉੱਤਰੀ ਇਟਲੀ ਦੇ ਵੈਨਤੋ ਰਾਜ ਦੇ ਜ਼ਿਲ੍ਹਾ ਵਿਚੈਂਸਾ ਦੇ ਪਿੰਡ ਵਸਾਨੋ ਵਿੱਚਵੀ ਇੱਕ ਪਰਿਵਾਰ ਦੇ ਪਿਤਾ ਅਤੇ ਧੀ ਨਵੇਂ ਭਾਰਤੀ ਵਾਇਰਸ ਦੀ ਲਪੇਟ ਵਿੱਚਆਏ ਪਤਾ ਲੱਗੇ ਹਨ।
ਇਟਲੀ ਦੇ ਸਿਹਤ ਮੰਤਰੀ ਰੋਬੈਰਤੋ ਸੰਪੇਰੰਜਾ ਨੇ ਸੋਸ਼ਲ ਮੀਡੀਆ ਉੱਤੇਕਿਹਾ ਕਿ ਭਾਰਤ ਵਿਚ ਲਗਾਤਾਰ ਵਧੇ ਕੇਸਾਂ ਕਾਰਨ ਅਸੀਂਏਥੇ ਆਉਂਦੇ ਭਾਰਤੀ ਮੁਸਾਫਰਾਂ ਉੱਤੇ ਚੌਦਾਂ ਦਿਨ ਦੇ ਕੁਆਰੰਟੀਨ ਦੀ ਪਾਬੰਦੀ ਲਾਈ ਹੈ। ਜਿਹੜੇ ਲੋਕ ਇਟਲੀ ਦੇ ਨਾਗਰਿਕ ਹਨ, ਉਹ ਇਟਲੀ ਵਾਪਸ ਆ ਸਕਦੇ ਹਨ, ਉਨ੍ਹਾਂ ਕੋਲ ਕੋਰੋਨਾ ਵਾਇਰਸ ਦੀ ਨੈਗੇਟਿਵ ਰਿਪੋਰਟ ਚਾਹੀਦੀ ਹੈ ਤੇ ਇਟਲੀ ਆ ਕੇ 14 ਦਿਨ ਕੁਆਰੰਟੀਨ ਹੋਣਾ ਹੋਵੇਗਾ, ਕਿਉਂਕਿ ਭਾਰਤ ਵਿਚ ਨਵੇਂ ਕੋਰੋਨਾ ਦੇ ਕੇਸ ਰਿਕਾਰਡ ਗਿਣਤੀ ਵਿੱਚ ਮਿਲ ਰਹੇ ਹਨ।