ਅੱਜ ਤੋਂ ਅੱਠ ਸਾਲ ਪਹਿਲਾਂ ਡਾਇਰੈਕਟਰ ਰਾਕੇਸ਼ ਓਮ ਪ੍ਰਕਾਸ਼ ਮਹਿਰਾ ਦੀ ਫਿਲਮ ‘ਭਾਗ ਮਿਲਖਾ ਭਾਗ’ ਦੇਖਣ ਪਿੱਛੋਂ ਮ੍ਰਿਣਾਲ ਠਾਕੁਰ ਨੇ ਉਨ੍ਹਾਂ ਦੇ ਨਾਲ ਕੰਮ ਕਰਨ ਦੀ ਇੱਛਾ ਪ੍ਰਗਟਾਈ ਸੀ ਅਤੇ ਮ੍ਰਿਣਾਲ ਉਨ੍ਹਾਂ ਦੀ ਅਗਲੀ ਫਿਲਮ ‘ਤੂਫਾਨ’ ਵਿੱਚ ਲੀਡ ਰੋਲ ਵਿੱਚ ਹੈ। ਖਾਸ ਗੱਲ ਇਹ ਕਿ ਇਸ ਫਿਲਮ ਵਿੱਚ ਉਸ ਦੇ ਆਪੋਜਿਟ ‘ਭਾਗ ਮਿਲਖਾ ਭਾਗ’ ਦੇ ਲੀਡ ਐਕਟਰ ਫਰਹਾਨ ਅਖਥਰ ਹੀ ਹੋਣਗੇ। ਮ੍ਰਿਣਾਲ ਖੁਦ ਨੂੰ ਖੁਸ਼ਕਿਸਮਤ ਮੰਨਦੀ ਹੈ ਕਿ ਉਸ ਨੂੰ ਦੋਵਾਂ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ ਹੈ।
ਮ੍ਰਿਣਾਲ ਦਾ ਕਹਿਣਾ ਹੈ, ‘‘ਮੈਨੂੰ ਯਾਦ ਹੈ ਕਿ ਆਪਣੇ ਕਾਲਜ ਦੇ ਦਿਨਾਂ ਵਿੱਚ ਮੈਂ ‘ਭਾਗ ਮਿਲਖਾ ਭਾਗ’ ਇੱਕ ਥੀਏਟਰ ਵਿੱਚ ਇਕੱਲੇ ਦੇਖੀ ਸੀ ਅਤੇ ਮੈਂ ਬਹੁਤ ਵੱਡਾ ਨੋਟ ਲਿਖਿਆ ਸੀ ਇਹ ਸੋਚ ਕੇ ਕਿ ਰਾਕੇਸ਼ ਸਰ ਇੱਕ ਦਿਨ ਮੇਰਾ ਮੈਸੇਜ ਪੜ੍ਹਨਗੇ। ਉਸ ਸਮੇਂ ਮੈਨੂੰ ਇਹ ਨਹੀਂ ਸੀ ਪਤਾ ਕਿ ਇੱਕ ਦਿਨ ਮੈਂ ਅਭਿਨੇਤਰੀ ਬਣਾਂਗੀ, ਪਰ ਅੱਜ ਉਨ੍ਹਾਂ ਨਾਲ ਕੰਮ ਕਰ ਰਹੀ ਹਾਂ ਅਤੇ ਇਹ ਮੇਰੇ ਲਈ ਕਿਸੇ ਡ੍ਰੀਮ ਪ੍ਰੋਜੈਕਟ ਤੋਂ ਘੱਟ ਨਹੀਂ, ਖਾਸਕਰ ਜਦ ਤੁਹਾਡੇ ਨਾਲ ਫਰਹਾਨ ਅਤੇ ਰਾਕੇਸ਼ ਸਰ ਦਾ ਕੰਬੀਨੇਸ਼ਨ ਹੋਵੇ।” ਦੱਸਣਾ ਬਣਦਾ ਹੈ ਕਿ ਸਪੋਰਟਸ ਡਰਾਮਾ ‘ਤੂਫਾਨ’ ਦਾ ਪ੍ਰੀਮੀਅਰ ਅਮੇਜ਼ਨ ਪ੍ਰਾਈਮ ਵੀਡੀਓ 'ਤੇ 21 ਮਈ ਨੂੰ ਹੋਵੇਗਾ।