ਪਤੀ ਪਤਨੀ ਰੋਮਾਂਟਿਕ ਮੂਡ ਵਿੱਚ ਗੱਲਾਂ ਕਰ ਰਹੇ ਸਨ।

ਪਤੀ ਬੋਲਿਆ, ‘‘ਡੀਅਰ, ਮੈਨੂੰ ਤੇਰੀਆਂ ਅੱਖਾਂ ਵਿੱਚ ਸਾਰੀ ਦੁਨੀਆ ਨਜ਼ਰ ਆਉਂਦੀ ਹੈ।”
ਇੱਕ ਬਜ਼ੁਰਗ ਉਨ੍ਹਾਂ ਦੀਆਂ ਗੱਲਾਂ ਸੁਣ ਰਿਹਾ ਸੀ। ਅਚਾਨਕ ਉਹ ਬੋਲ ਪਿਆ, ‘‘ਬਈ, ਮੇਰੀ ਗਾਂ ਕਿਤੇ ਨਹੀਂ ਮਿਲ ਰਹੀ, ਉਹ ਨਜ਼ਰ ਆਵੇ ਤਾਂ ਜ਼ਰਾ ਦੱਸਣਾ ਬੇਟਾ।”
*********
ਰਾਤ ਦੇ ਢਾਈ ਵਜੇ ਚਾਚੀ ਦਾ ਫੋਨ ਵੱਜਿਆ। ਚਾਚੇ ਨੇ ਦੇਖਿਆ ਤਾਂ ਮੋਬਾਈਲ ਵਿੱਚ ਮੈਸੇਜ ਸੀ: ਬਿਊਟੀਫੁੱਲ। ਚਾਚੇ ਨੇ ਗੁੱਸੇ ਵਿੱਚ ਚਾਚੀ ਨੂੰ ਉਠਾਇਆ ਅਤੇ ਪੁੱਛਣ ਲੱਗਾ, ‘‘ਤੈਨੂੰ ਇਹ ਮੈਸੇਜ ਕਿਸ ਨੇ ਭੇਜਿਆ ਹੈ।”
ਚਾਚੀ ਚਕਰਾ ਗਈ ਕਿ 55 ਸਾਲ ਦੀ ਉਮਰ ਵਿੱਚ ਬਿਊਟੀਫੁੱਲ ਕੌਣ ਕਹੇਗਾ ਭਲਾ? ਜਦੋਂ ਉਸ ਨੇ ਮੋਬਾਈਲ ਹੱਥ ਵਿੱਚ ਲਿਆ ਤਾਂ ਖਿੱਝ ਕੇ ਚਾਚੇ ਨੂੰ ਬੋਲੀ, ‘‘ਐਨਕ ਲਾ ਕੇ ਮੋਬਾਈਲ ਚੁੱਕਿਆ ਕਰੋ, ਬਿਊਟੀਫੁੱਲ ਨਹੀਂ, ਬੈਟਰੀ ਫੁੱਲ ਲਿਖਿਆ ਹੈ।”
*********
ਪਤਨੀ ਪਤੀ ਨਾਲ ਗੁੱਸੇ ਹੋ ਕੇ ਪੇਕੇ ਚਲੀ ਗਈ। ਪਤੀ ਨੇ ਰਾਤ ਪਤਨੀ ਨੂੰ ਫੋਨ ਕੀਤਾ ਤਾਂ ਪਤਨੀ ਪੁੱਛਣ ਲੱਗੀ, ‘‘ਇੱਕ ਹਫਤਾ ਹੋ ਗਿਆ, ਫੋਨ ਕਿਉਂ ਨਹੀਂ ਕੀਤਾ?”
ਪਤੀ, ‘‘ਓ ਭਾਗਵਾਨੇ, ਟਾਈਮ ਹੀ ਨਹੀਂ ਮਿਲਦਾ ਸੀ।”
ਪਤਨੀ, ‘‘ਹਾਂ, ਅੱਜ ਕਿਵੇਂ ਮੇਰੀ ਯਾਦ ਆ ਗਈ?”
ਪਤੀ, ‘‘ਬੱਸ ਉਂਝ ਹੀ, ਮੱਛਰ ਖੂਨ ਪੀ ਰਹੇ ਸਨ ਤਾਂ ਤੇਰੀ ਯਾਦ ਆ ਗਈ।”