ਨਾਗਰਾਜ ਮੰਜੁਲੇ ਦੀ ਫਿਲਮ ‘ਝੁੰਡ’ ਕਾਫੀ ਸਮੇਂ ਤੋਂ ਚਰਚਾ ਵਿੱਚ ਹੈ। ਇਸ ਦੀ ਸ਼ੂਟਿੰਗ ਬੀਤੇ ਜਨਵਰੀ ਤੋਂ ਸ਼ੁਰੂ ਹੋਣੀ ਸੀ, ਪਰ ਫਾਈਨੈਂਸ਼ੀਅਲ ਪ੍ਰਾਬਲਮ ਦੇ ਕਾਰਨ ਇਸ ਨੂੰ ਅੱਗੇ ਖਿਸਕਾ ਦਿੱਤਾ ਗਿਆ। ਇਸ ਵੇਲੇ ਇਸ ਫਿਲਮ ਨਾਲ ਪ੍ਰੋਡਿਊਸਰ ਸਵਿਤਾ ਰਾਜ ਹਿਰੇਮਥ ਜੁੜ ਚੁੱਕੀ ਹੈ ਤਾਂ ਨਾਗਪੁਰ ਵਿੱਚ ਇਹ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ। ਜਾਣਕਾਰ ਸੂਤਰਾਂ ਮੁਤਾਬਕ ਨਾਗਰਾਜ ਲੰਬੇ ਸਮੇਂ ਤੋਂ ਇਸ ਫਿਲਮ ਦੀ ਤਿਆਰੀ ਕਰ ਰਹੇ ਹਨ। ਇਸ ਵਿੱਚ ਅਮਿਤਾਭ ਬੱਚਨ ਪ੍ਰੋਫੈਸਰ ਅਤੇ ਫੁੱਟਬਾਲ ਕੋਚ ਦਾ ਕਿਰਦਾਰ ਨਿਭਾਉਣ ਵਾਲੇ ਹਨ, ਜੋ ਪਿੰਡ ਦੇ ਬੱਚਿਆਂ ਨੂੰ ਫੁੱਟਬਾਲ ਦੀ ਟਰੇਨਿੰਗ ਦਿੰਦੇ ਹਨ। ਅਮਿਤਾਬ ਨੇ ਨਾਗਪੁਰ ਵਿੱਚ ਇਸ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ ਹੈ। ਸੈੱਟ ਉੱਤੇ ਉਨ੍ਹਾਂ ਦੀ ਸਕਿਓਰਿਟੀ ਦਾ ਪੂਰਾ ਧਿਆਨ ਰੱਖਿਆ ਜਾ ਰਿਹਾ ਹੈ। ਫਿਲਮ ਦੀ ਕਹਾਣੀ ਵੀ ਨਾਗਪੁਰ ਦੇ ਪਿਛੋਕੜ ਉੱਤੇ ਹੀ ਆਧਾਰਤ ਹੈ।
ਇਸ ਫਿਲਮ ਦੀ ਸ਼ੂਟਿੰਗ 70 ਤੋਂ 80 ਦਿਨ ਵਿੱਚ ਪੂਰੀ ਹੋਣ ਦੀ ਆਸ ਹੈ। ਇਹ ਫਿਲਮ ਪਹਿਲਾਂ ਇਸ ਸਾਲ ਦੀ ਜਨਵਰੀ ਵਿੱਚ ਸ਼ੁਰੂ ਹੋਣੀ ਸੀ, ਪਰ ਫਾਈਨੈਂਸ਼ੀਅਲ ਪ੍ਰਾਬਲਮ ਕਰ ਕੇ ਸ਼ੁਰੂ ਨਹੀਂ ਹੋ ਸਕੀ। ਇਥੋਂ ਤੱਕ ਕਿ ਨਾਗਰਾਜ ਨੇ ਵੀ ਸ਼ੂਟ ਕੈਂਸਲ ਕਰਨ ਤੇ ਸੈਟ ਹਟਾਉਣ ਬਾਰੇ ਜਾਣਕਾਰੀ ਦਿੱਤੀ ਸੀ। ਆਖਰ ਸਾਰੀਆਂ ਚੀਜ਼ਾਂ ਸਾਰਟ ਆਊਟ ਹੋ ਗਈਆਂ ਤੇ ਇਹ ਫਿਲਮ ਸ਼ੁਰੂ ਹੋ ਚੁੱਕੀ ਹੈ। ਇਸ ਦੇ ਨਾਲ ਫਿਲਮ ਪ੍ਰੋਡਿਊਸਰ ਸਵਿਤਾ ਰਾਜ ਹਿਰੇਮਥ ਵੀ ਜੁੜ ਚੁੱਕੀ ਹੈ।
‘ਝੁੰਡ’ ਪ੍ਰੋਫੈਸਰ ਵਿਜੇ ਬਾਰਸੇ ਦੀ ਰੀਅਲ ਸਟੋਰੀ ਉੱਤੇ ਆਧਾਰਤ ਹੈ। ਵਿਜੇ, ਪ੍ਰੋਫੈਸਰ ਦੇ ਰੂਪ ਵਿੱਚ ਕੰਮ ਕਰਦੇ ਸਨ ਤੇ ਬਾਅਦ ਵਿੱਚ ਉਨ੍ਹਾਂ ਨੇ ਗਰੀਬ ਬੱਚਿਆਂ ਨੂੰ ਫੁੱਟਬਾਲ ਸਿਖਾਉਣਾ ਸ਼ੁਰੂ ਕਰ ਦਿੱਤਾ। ਅਮਿਤਾਭ ਇਸ ਵਿੱਚ ਕੋਚ ਦਾ ਕਰੈਕਟਰ ਨਿਭਾਉਣ ਵਿੱਚ ਦਿਲਚਸਪੀ ਲੈ ਰਹੇ ਸਨ। ਇਸ ਦੇ ਲਈ ਉਨ੍ਹਾਂ ਟਰੇਨਿੰਗ ਲੈਣੀ ਵੀ ਸ਼ੁਰੂ ਕੀਤੀ, ਪਰ ਬਾਅਦ ਵਿੱਚ ਫਿਲਮ ਦੀ ਸ਼ੂਟਿੰਗ ਅੱਗੇ ਖਿਸਕਣ 'ਤੇ ਉਨ੍ਹਾਂ ਨੇ ਸੁਜਾਏ ਘੋਸ਼ ਦੀ ਫਿਲਮ ‘ਬਦਲਾ' ਦੀ ਸ਼ੂਟਿੰਗ ਸ਼ੁਰੂ ਕਰ ਦਿੱਤੀ।