ਇਨ੍ਹੀਂ ਦਿਨੀਂ ਸੱਚੀਆਂ ਘਟਨਾਵਾਂ ਤੇ ਲੋਕਾਂ ਉੱਤੇ ਆਧਾਰਤ ਫਿਲਮਾਂ ਬਣਾਉਣ ਦਾ ਰੁਝਾਨ ਹੈ। ਅਜਿਹੀਆਂ ਫਿਲਮਾਂ ਨੂੰ ਦਿਲਚਸਪ ਬਣਾਉਣ ਲਈ ਫਿਲਮਕਾਰ ਕਲਪਨਾ ਦਾ ਸਹਾਰਾ ਲੈਂਦੇ ਹਨ। ‘ਬਾਹੂਬਲੀ’ ਫੇਮ ਡਾਇਰੈਕਟਰ ਐਸ ਐਸ ਰਾਜਾਮੌਲੀ ਨੇ ਵੀ ਫਿਲਮ ‘ਆਰ ਆਰ ਆਰ' ਦੇ ਨਿਰਮਾਣ ਵਿੱਚ ਕਲਪਨਾ ਦਾ ਸਹਾਰਾ ਲਿਆ ਹੈ। ਇਹ ਪਿਛਲੀ ਸਦੀ ਦੇ ਦੂਸਰੇ ਦਹਾਕੇ ਵਿੱਚ ਅੰਗਰੇਜ਼ਾਂ ਅਤੇ ਹੈਦਰਾਬਾਦ ਦੇ ਨਿਜ਼ਾਮ ਦੇ ਖਿਲਾਫ ਬਗਾਵਤ ਕਰਨ ਵਾਲੇ ਸੁਤੰਤਰਤਾ ਸੈਨਾਨੀਆਂ ਅੱਲੂਰੀ ਸੀਤਾਰਾਮ ਰਾਜੂ ਅਤੇ ਕੋਮਾਰਾਮ ਭੀਮ ਦੇ ਜੀਵਨ ਉੱਤੇ ਆਧਾਰਤ ਹੈ।
ਇਸ ਫਿਲਮ ਬਾਰੇ ਉਨ੍ਹਾਂ ਦਾ ਕਹਿਣਾ ਹੈ, ‘ਇਹ ਫਿਲਮ ਅੱਲੂਰੀ ਸੀਤਾਰਾਮ ਰਾਜੂ ਤੇ ਕੋਮਾਰਾਮ ਭੀਮ, ਦੋ ਅਸਲ ਮਹਾਪੁਰਸ਼ਾਂ ਉੱਤੇ ਆਧਾਰਤ ਕਾਲਪਨਿਕ ਫਿਲਮ ਹੈ। ਮੈਨੂੁੰ ਅਕਸਰ ਇਹ ਜਾਨਣ ਦੀ ਉਤਸੁਕਤਾ ਹੁੰਦੀ ਹੈ ਕਿ ਆਖਰ ਕਿਹੜੀ ਗੱਲ ਸੀ, ਜਿਸ ਨੇ ਉਨ੍ਹਾਂ ਨੂੰ ਲੀਜੈਂਡ ਅਤੇ ਸੁਪਰਹਿਊਮਨ ਬਣਾ ਦਿੱਤਾ। ਇਸ ਫਿਲਮ ਵਿੱਚ ਮੈਂ ਆਪਣੀ ਕਲਪਨਾ ਦਾ ਵਰਤੋਂ ਉਨ੍ਹਾਂ ਵੀਰ ਯੋਧਿਆਂ ਦੀ ਅਸਲ ਦੁਨੀਆ ਬਣਾਉਣ ਲਈ ਕੀਤੀ ਹੈ।’ ਇਹ ਫਿਲਮ 13 ਅਕਤੂਬਰ ਨੂੰ ਹਿੰਦੀ, ਤਮਿਲ, ਤੇਲਗੂ, ਮਲਿਆਲਮ ਅਤੇ ਕੰਨੜ ਭਾਸ਼ਾਵਾਂ ਵਿੱਚ ਰਿਲੀਜ਼ ਹੋਵੇਗੀ।