ਆਪਣੀਆਂ ਫਿਲਮਾਂ ਵਿੱਚ ਐਕਸ਼ਨ ਅਤੇ ਡਾਂਸ ਲਈ ਪਛਾਣੇ ਜਾਣ ਵਾਲੇ ਟਾਈਗਰ ਸ਼ਰਾਫ ਦਾ ਕਹਿਣਾ ਹੈ ਕਿ ਮੈਂ ਆਪਣੇ ਵਾਲਾਂ ਬਾਰੇ ਹਮੇਸ਼ਾ ਇਮੋਸ਼ਨਲ ਰਿਹਾ ਹਾਂ। ਮੈਨੂੰ ਚੰਗਾ ਨਹੀਂ ਲੱਗਦਾ ਜਦ ਮੇਰੇ ਵਾਲ ਕੱਟੇ ਜਾਂਦੇ ਸਨ। ਬਚਪਨ ਤੋਂ ਮੈਨੂੰ ਲੰਬੇ ਵਾਲ ਚੰਗੇ ਲੱਗਦੇ ਹਨ। ‘ਬਾਗੀ 2’ ਵਿੱਚ ਮੈਂ ਵਾਲ ਛੋਟੇ ਕਰਾਏ ਸਨ। ਇਹ ਪੁੱਛਣ ਉੱਤੇ ਕਿ ਜੈਕੀ ਬਾਗੀ ਹਨ ਜਾਂ ਟਾਈਗਰ, ਉਸ ਦਾ ਕਹਿਣਾ ਹੈ ਮੇਰੇ ਤੋਂ ਵੱਧ ਮੇਰੇ ਪਾਪਾ ਬਾਗੀ ਹਨ, ਪਰ ਮੈਂ ਵੀ ਘੱਟ ਨਹੀਂ ਹਾਂ। ਮੈਂ ਆਪਣੇ ਸਕੂਲ ਵਿੱਚ ਬਿਲਕੁਲ ਪੜ੍ਹਾਈ ਨਹੀਂ ਕਰਦਾ ਸੀ ਤੇ ਕਲਾਸ ਛੱਡ ਕੇ ਖੇਡਣ ਨਿਕਲ ਜਾਂਦਾ ਸੀ। ਫੁੱਟਬਾਲ ਖੇਡਦਾ ਸੀ, ਪਰ ਮੇਰੇ ਸਕੂਲ ਵਿੱਚ ਉਸ ਸਮੇਂ ਤੱਕ ਸਿਰਫ ਕ੍ਰਿਕਟ ਹੀ ਸੀ। ਵੈਸੇ ਵੀ ਓਦੋਂ ਤੱਕ ਭਾਰਤ ਵਿੱਚ ਕ੍ਰਿਕਟ ਨੂੰ ਹੱਲਾਸ਼ੇਰੀ ਦਿੰਦੇ ਸਨ। ਇਹ ਗੱਲ ਮੈਨੂੰ ਸਮਾਂ ਰਹਿੰਦੇ ਸਮਝ ਵਿੱਚ ਆ ਗਈ। ਫਿਰ ਇਸੇ ਦੌਰਾਨ ਮੈਨੂੰ ਫਿਲਮਾਂ ਦੇ ਆਫਰਸ ਆਉਣ ਲੱਗੇ ਸਨ ਤਾਂ ਮੈਂ ਸੋਚਿਆ ਕਿ ਕਿਉਂ ਨਾ ਖੇਡ ਦਾ ਅਨੁਸ਼ਾਸਨ ਐਕਟਿੰਗ ਵਿੱਚ ਅਜਮਾਇਆ ਜਾਏ।
ਟਾਈਗਰ ਦਾ ਕਹਿਣਾ ਹੈ ਕਿ ‘ਵਾਰ’ ਫਿਲਮ ਕਰਨਾ ਮੇਰੇ ਚੈਲੇਂਜ ਸੀ। ਰਿਤਿਕ ਨਾਲ ਇਹ ਫਿਲਮ ਸੀ, ਜਿਨ੍ਹਾਂ ਨੂੰ ਮੈਂ ਆਪਣਾ ਗੁਰੂ ਮੰਨਦਾ ਹਾਂ। ਡਰ ਸੀ ਕਿ ਲੋਕ ਡਾਂਸ ਅਤੇ ਐਕਟਿੰਗ ਦੇ ਨਾਲ-ਨਾਲ ਲੁਕਸ ਵਿੱਚ ਵੀ ਤੁਲਨਾ ਕਰਨਗੇ। ‘ਵਾਰ’ ਦੇ ਲਈ ਮਿਹਨਤ ਕੀਤੀ ਕਿਉਂਕਿ ਮੈਨੂੰ ਰਿਤਿਕ ਦੇ ਨਾਲ ਖੜ੍ਹੇ ਰਹਿਣ ਲਾਇਕ ਬਣਨਾ ਸੀ।