ਅਭਿਨੇਤਰੀ ਜੈਕਲੀਨ ਨੇ ਹਾਲ ਹੀ ਵਿੱਚ ਜੈਸਲਮੇਰ ਵਿੱਚ ਆਪਣੀ ਫਿਲਮ ‘ਬੱਚਨ ਪਾਂਡੇ’ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਇਸ ਫਿਲਮ ਵਿਚਲੇ ਕਿਰਦਾਰ ਲਈ ਜੈਕਲੀਨ ਨੂੰ ਰੱਸੀ ਉੱਤੇ ਤੁਰਨ ਦੀ ਕਲਾ ਸਿੱਖਣੀ ਪਈ। ਇੱਕ ਪਤਲੀ ਤਾਰ ਜਾਂ ਰੱਸੀ ਉੱਤੇ ਤੁਰਨਾ ਇੱਕ ਹੁਨਰ ਹੈ ਅਤੇ ਬਹੁਤ ਸਾਰੇ ਦੇਸ਼ਾਂ ਵਿੱਚ ਸਥਾਨਕ ਲੋਕਾਂ ਵੱਲੋਂ ਇਸ ਕਲਾ ਦੀ ਪੇਸ਼ਕਾਰੀ ਕੀਤੀ ਜਾਂਦੀ ਹੈ। ਜੈਕਲੀਨ ਕਰੀਬ ਤਿੰਨ ਹਫਤੇ ਜੈਸਲਮੇਰ ਰਹੀ ਅਤੇ ਉਥੇ ਉਸ ਨੇ ਰੱਸੀ ਉੱਤੇ ਤੁਰਨ ਦੀ ਇਹ ਕਲਾ ਕਰੀਬ ਇੱਕ ਹਫਤੇ ਵਿੱਚ ਹੀ ਸਿੱਖ ਲਈ। ਨੇੜਲੇ ਸੂਤਰਾਂ ਨੇ ਦੱਸਿਆ, ‘‘ਇਹ ਸਿੱਖਣਾ ਇੱਕ ਮੁਸ਼ਕਲ ਕਹਾਂ ਹੈ, ਜਿੱਥੇ ਕਿਸੇ ਨੂੰ ਰੱਸੀ ਉੱਤੇ ਤੁਰਨ ਲਈ ਸਰੀਰ ਦਾ ਸਹੀ ਸੰਤੁਲਨ ਬਣਾ ਕੇ ਰੱਖਣ ਦੀ ਲੋੜ ਹੁੰਦੀ ਹੈ, ਜੋ ਜ਼ਮੀਨ ਤੋਂ ਤਕਰੀਬਨ ਅੱਠ ਤੋਂ 10 ਫੁੱਟ ਦੀ ਉਚਾਈ ਉੱਤੇ ਬੰਨ੍ਹੀ ਹੋਈ ਹੋਵੇ। ਜੈਕਲੀਨ ਨੇ ਇਹ ਕਲਾ ਆਸਾਨੀ ਨਾਲ ਸਿੱਖੀ।”
ਸੂਤਰਾਂ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾਂ ਜੈਕਲੀਨ ਆਪਣੇ ਪੱਧਰ ਉੱਤੇ ਪੋਲ ਡਾਂਸ ਅਤੇ ਏਰੀਅਲ ਯੋਗਾ ਵੀ ਸਿੱਖ ਚੁੱਕੀ ਹੈ, ਜਿਸ ਨੇ ਉਸ ਨੂੰ ਇਸ ਕਲਾ ਲਈ ਸੰਤੁਲਨ ਬਣਾ ਕੇ ਰੱਖਣ ਵਿੱਚ ਮਦਦ ਕੀਤੀ। ਸੂਤਰਾਂ ਨੇ ਦਾਅਵਾ ਕੀਤਾ, ਉਸ ਨੇ ਕਈ ਹੈਰਾਨੀ ਜਨਕ ਸ਼ਾਟ ਦਿੱਤੇ ਅਤੇ ਇਹ ਕਲਾ ਸ਼ਾਨਦਾਰ ਤਰੀਕੇ ਨਾਲ ਸਿੱਖ ਕੇ ਸਭ ਦੀ ਬੋਲਤੀ ਬੰਦ ਕਰ ਦਿੱਤੀ। ਇਸ ਫਿਲਮ ਵਿੱਚ ਜੈਕਲੀਨ ਅਤੇ ਫਿਲਮ ਨਿਰਮਾਤਾ ਸਾਜਿਦ ਨਾਡਿਆਡਵਾਲਾ ਅੱਠਵੀਂ ਵਾਰ ਇਕੱਠੇ ਕੰਮ ਕਰ ਰਹੇ ਹਨ। ਫਰਹਦ ਸਾਮਜੀ ਦੇ ਨਿਰਦੇਸ਼ਨ ਹੇਠ ਬਣ ਰਹੀ ਫਿਲਮ ‘ਬੱਚਨ ਪਾਂਡੇ’ ਵਿੱਚ ਅਕਸ਼ੈ ਕੁਮਾਰ, ਕ੍ਰਿਤੀ ਸਨਨ ਵੀ ਕੰਮ ਕਰ ਰਹੇ ਹਨ। ਇਹ ਐਕਸ਼ਨ ਕਾਮੇਡੀ ਫਿਲਮ ਅਗਲੇ ਸਾਲ 26 ਜਨਵਰੀ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।