ਸਮੱਗਰੀ-ਇੱਕ ਪੱਕਿਆ ਹੋਇਆ ਸੇਬ, ਇੱਕ ਵੱਡੇ ਆਕਾਰ ਦਾ ਉਬਲਿਆ ਹੋਇਆ ਆਲੂ, ਸਿੰਘਾੜੇ ਦਾ ਆਟਾ 1/4 ਕੱਪ, ਹਰੀ ਮਿਰਚ ਇੱਕ ਬਰੀਕ ਕੱਟੀ ਹੋਈ, ਇੱਕ ਚੋਟਾ ਚਮਚ ਨਿੰਬੂ ਦਾ ਰਸ, ਅਦਰਕ ਦਾ ਪੇਸਟ ਅੱਧਾ ਛੋਟਾ ਚਮਚ, ਕਾਲੀ ਮਿਰਚ ਪਾਊਡਰ ਅੱਧਾ ਛੋਟਾ ਚਮਚ, ਕਾਲਾ ਨਮਕ ਸਵਾਦ ਅਨੁਸਾਰ ਅਤੇ ਘਿਓ ਤਲਣ ਦੇ ਲਈ।
ਵਿਧੀ- ਸੇਬ ਨੂੰ ਛਿੱਲ ਕੇ ਇਸ ਦੇ ਛੋਟੇ-ਛੋਟੇ ਟੁਕੜਿਆਂ ਨੂੰ ਕੱਟ ਲਓ ਅਤੇ ਇੱਕ ਬਾਉਲ ਵਿੱਚ ਪਾ ਕੇ ਨਿੰਬੂ ਦਾ ਰਸ ਮਿਲਾਓ। ਇਸ ਵਿੱਚ ਮਸਲੇ ਹੋਏ ਆਲੂ, ਦੋ ਵੱਡੇ ਚਮਚ ਸਿੰਘਾੜੇ ਦਾ ਆਟਾ ਅਤੇ ਸਾਰੇ ਮਸਾਲੇ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਓ। ਘਿਓ ਨੂੰ ਛੱਡ ਕੇ ਬਾਕੀ ਸਾਰੀ ਸਮੱਗਰੀ ਮਿਲਾ ਕੇ ਗੁੰਨ੍ਹ ਲਓ। ਇਸ ਦੇ ਛੋਟੇ-ਛੋਟੇ ਪੇੜੇ ਬਣਾ ਕੇ ਇੱਕ ਪਾਸੇ ਰੱਖੋ। ਕੜਾਹੀ ਵਿੱਚ ਘਿਓ ਗਰਮ ਕਰੋ। ਤੇਜ਼ ਸੇਕ 'ਤੇ ਇਨ੍ਹਾਂ ਟਿੱਕੀਆਂ ਨੂੰ ਪਾਓ ਤੇ ਫਿਰ ਮੱਧਮ ਸੇਕ 'ਤੇ ਸੁਨਹਿਰਾ ਹੋਣ ਤੱਕ ਤਲੋ। ਸੇਬ ਦੀਆਂ ਟਿੱਕੀਆਂ 'ਤੇ ਕਾਲੀ ਮਿਰਚ ਪਾ ਕੇ ਦਹੀਂ ਅਤੇ ਹਰੀ ਚਟਣੀ ਨਾਲ ਪਰੋਸੋ।