ਸਮੱਗਰੀ-ਅੱਧਾ ਕੱਪ ਕੱਟੀ ਹੋਈ ਗਾਜਰ, ਚਕੁੰਦਰ 1/4 ਕੱਪ ਕੱਟਿਆ ਹੋਇਆ, ਇੱਕ ਉਬਲਿਆ ਹੋਇਆ ਆਲੂ, ਬਰਾਊਨ ਬ੍ਰੈੱਡ ਇੱਕ ਸਲਾਈਸ, ਮਿਕਸ ਸਬਜ਼ੀਆਂ (ਪੱਤਾ ਗੋਭੀ, ਪਿਆਜ਼, ਸ਼ਿਮਲਾ ਮਿਰਚ, ਬੀਨਸ, ਗਾਜਰ) ਇੱਕ ਕੱਪ ਕੱਟੀਆਂ ਹੋਈਆਂ, ਹਰੀ ਮਿਰਚ ਇੱਕ ਕੱਟੀ ਹੋਈ, ਅਦਰਕ ਇੱਕ ਵੱਡਾ ਚਮਚ ਕੱਦੂਕਸ਼ ਕੀਤਾ ਹੋਇਆ, ਮੱਕੀ ਦੇ ਦਾਣੇ ਇੱਕ ਵੱਡਾ ਚਮਚ, ਬ੍ਰੈੱਡ ਕ੍ਰਮਬਸ ਜਾਂ ਸੂਜੀ ਇੱਕ ਕੱਪ, ਬਾਦਾਮ, ਕਾਜੂ ਅਤੇ ਅਖਰੋਟ ਦੋ ਵੱਡੇ ਚਮਚ ਕੱਟੇ ਹੋਏ, ਮੱਖਣ ਅੱਧਾ ਛੋਟਾ ਚਮਚ, ਹਰੀ ਧਨੀਆ 1 ਵੱਡਾ ਚਮਚ ਕੱਟਿਆ ਹੋਇਆ, ਨਮਕ ਸਵਾਦ ਅਨੁਸਾਰ, ਤੇਲ ਸੇਕਣ ਦੇ ਲਈ।
ਵਿਧੀ- ਕੁੱਕਰ ਵਿੱਚ ਗਾਜਰ ਤੇ ਚਕੁੰਦਰ ਨੂੰ ਇਕੱਠੇ ਦੋ ਸੀਟੀਆਂ ਆਉਣ ਤੱਕ ਉਬਾਲੋ। ਇਨ੍ਹਾਂ ਨੂੰ ਬਰੀਕ ਮਸਲ ਕੇ ਤੇ ਬਿਨਾਂ ਪਾਣੀ ਦੇ ਪੇਸਟ ਤਿਆਰ ਕਰੋ। ਪੈਨ ਵਿੱਚ ਮੱਖਣ ਗਰਮ ਕਰ ਕੇ ਸਾਰੀਆਂ ਕੱਟੀਆਂ ਹੋਈਆਂ ਸਬਜ਼ੀਆਂ ਪਾਓ ਅਤੇ ਨਮਕ ਪਾ ਕੇ ਤੇਜ਼ ਸੇਕ 'ਤੇ ਇੱਕ ਮਿੰਟ ਤੱਕ ਭੁੰਨੋ। ਇਸ ਵਿੱਚ ਮੱਕੀ ਦੇ ਦਾਣੇ, ਸੁੱਕੇ ਮੇਵੇ ਮਿਲਾਓ ਅਤੇ ਇੱਕ ਮਿੰਟ ਭੁੰਨ ਕੇ ਸੇਕ ਤੋਂ ਉਤਾਰ ਲਓ। ਇਸ ਵਿੱਚ ਆਲੂ, ਬ੍ਰੈੱਡ ਅਤੇ ਗਾਜਰ, ਚਕੁੰਦਰ ਦਾ ਪੇਸਟ ਮਿਲਾਓ ਅਤੇ ਹੱਥਾਂ ਨਾਲ ਮਸਲ ਕੇ ਆਟੇ ਵਾਂਗ ਗੁੰਨ੍ਹ ਲਓ। ਇਸ ਮਿਸ਼ਰਣ ਦੀਆਂ ਗੋਲ-ਗੋਲ ਟਿੱਕੀਆਂ ਬਣਾਓ ਤੇ ਇੱਕ-ਇੱਕ ਕਰ ਕੇ ਬ੍ਰੈੱਡ ਕ੍ਰਮਬਸ ਜਾਂ ਸੂਜੀ ਵਿੱਚ ਲਪੇਟੋ ਅਤੇ 10-15 ਮਿੰਟ ਲਈ ਫਰਿਜ਼ ਵਿੱਚ ਰੱਖੋ। ਪੈਨ ਜਾਂ ਤਵਾ ਗਰਮ ਕਰੋ ਤੇ ਥੋੜ੍ਹਾ ਤੇਲ ਪਾਓ। ਤਿਆਰ ਟਿੱਕੀਆਂ ਨੂੰ ਦੋਵਾਂ ਪਾਸਿਉਂ ਹਲਕਾ ਜਿਹਾ ਤੇਲ ਪਾ ਕੇ ਉਲਟ-ਪੁਲਟ ਸੁਨਹਿਰਾ ਹੋਣ ਤੱਕ ਸੇਕੋ। ਟਿੱਕੀਆਂ ਨੂੰ ਸੌਸ, ਚਟਣੀ ਜਾਂ ਚਾਹ ਦੇ ਨਾਲ ਪਰੋਸੋ।