ਵਾਸਿੰ਼ਗਟਨ, 25 ਮਈ (ਪੋਸਟ ਬਿਊਰੋ) : ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਐਤਵਾਰ ਨੂੰ ਦੁਨੀਆ ਦੇ ਕਰੋਨਾਵਾਇਰਸ ਹਾਟਸਪਾਟ ਮੰਨੇ ਜਾਣ ਵਾਲੇ ਬ੍ਰਾਜ਼ੀਲ ਤੋਂ ਵਿਦੇਸ਼ੀ ਨਾਗਰਿਕਾਂ ਦੇ ਦਾਖਲੇ ਉੱਤੇ ਰੋਕ ਲਾ ਦਿੱਤੀ ਹੈ। ਕਰੋਨਾਵਾਇਰਸ ਦੇ ਪੁਸ਼ਟ ਕੇਸਾਂ ਦੇ ਸਬੰਧ ਵਿੱਚ ਬ੍ਰਾਜ਼ੀਲ ਦਾ ਅਮਰੀਕਾ ਤੋਂ ਬਾਅਦ ਦੂਜਾ ਨੰਬਰ ਹੈ।
ਇਸ ਤੋਂ ਪਹਿਲਾਂ ਟਰੰਪ ਚੀਨ, ਯੂਰਪ ਤੇ ਯੂਨਾਈਟਿਡ ਕਿੰਗਡਮ ਤੇ ਆਇਰਲੈਂਡ ਅਤੇ ਕਿਸੇ ਹੱਦ ਤੱਕ ਇਰਾਨ ਦੇ ਯਾਤਰੀਆਂ ਦੇ ਅਮਰੀਕਾ ਆਉਣ ੳੱੁਤੇ ਰੋਕ ਲਾ ਚੱੁਕੇ ਹਨ। ਪਰ ਅਜੇ ਤੱਕ ਟਰੰਪ ਵੱਲੋਂ ਦੁਨੀਆ ਦੇ ਤੀਜੇ ਸੱਭ ਤੋਂ ਵੱਧ ਕੋਵਿਡ-19 ਮਾਮਲਿਆਂ ਵਾਲੇ ਰੂਸ ਤੋਂ ਆਉਣ ਵਾਲੇ ਯਾਤਰੀਆਂ ਉੱਤੇ ਰੋਕ ਨਹੀਂ ਲਾਈ ਗਈ ਹੈ।
ਟਰੰਪ ਨੇ ਪਿਛਲੇ ਹਫਤੇ ਇਹ ਸਪਸ਼ਟ ਕੀਤਾ ਸੀ ਕਿ ਉਹ ਬ੍ਰਾਜ਼ੀਲ ਤੋਂ ਆਵਾਜਾਈ ਘਟਾਉਣ ਬਾਰੇ ਵਿਚਾਰ ਕਰ ਰਹੇ ਹਨ। ਇੱਥੇ ਦੱਸਣਾ ਬਣਦਾ ਹੈ ਕਿ ਅਮਰੀਕਾ ਵਿੱਚ ਇਸ ਸਮੇਂ ਕਰੋਨਾਵਾਇਰਸ ਦੇ 1.6 ਮਿਲੀਅਨ ਮਾਮਲਿਆਂ ਦੀ ਪੁਸ਼ਟੀ ਹੋ ਚੁੱਕੀ ਹੈ ਤੇ ਇਸ ਹਫਤੇ ਦੇ ਅੰਤ ਤੱਕ ਇਸ ਵਾਇਰਸ ਕਾਰਨ ਮਰਨ ਵਾਲਿਆਂ ਦੀ ਗਿਣਤੀ 100,000 ਤੋਂ ਵੀ ਟੱਪ ਜਾਣ ਦਾ ਖਦਸ਼ਾ ਹੈ।