ਨਿੱਖੜੇ ਜਿਹੇ ਅਕਾਲੀ ਪਏ ਫਿਰਨ ਬੇਲੀ,
ਕੋਈ ਵੀ ਪੇਸ਼ ਨਹੀਂ ਰਹੀ ਹੈ ਚੱਲ ਬੇਲੀ।
ਵਿਧਾਨ ਸਭਾ ਦੇ ਵਿੱਚ ਕੋਈ ਬਾਤ ਹੁੰਦੀ,
ਲੈਂਦੀਆਂ ਧਿਰਾਂ ਫਿਰ ਪਾਸੜੇ ਮੱਲ ਬੇਲੀ।
ਹਰ ਕੋਈ ਦਾਗਦਾ ਤੀਰ ਅਕਾਲੀਆਂ`ਤੇ,
ਆਉਂਦਾ ਕੋਈ ਨਾ ਇਨ੍ਹਾਂ ਦੇ ਵੱਲ ਬੇਲੀ।
ਖੜਦੇ ਤਿੰਨੇ ਹੀ ਨਾਲ ਹਨ ਭਾਜਪਾਈਏ,
ਉਹ ਵੀ ਮੂੰਹੋਂ ਨਹੀਂ ਆਖਦੇ ਗੱਲ ਬੇਲੀ।
ਬੈਠੇ ਰਹਿਣ ਅਕਾਲੀ ਤਾਂ ਬਹਿਣ ਇਹ ਵੀ,
ਅਕਾਲੀ ਉੱਠਣ ਇਹ ਜਾਂਵਦੇ ਉੱਠ ਬੇਲੀ।
ਓਦਾਂ ਪਾਏ ਨਹੀਂ ਕੰਨਾਂ ਵਿੱਚ ਰੜਕਦੇ ਈ,
ਬਾਕੀ ਸਮਾਂ ਉਹ ਖੋਲ੍ਹਣ ਨਹੀਂ ਮੁੱਠ ਬੇਲੀ।
-ਤੀਸ ਮਾਰ ਖਾਂ