ਦੁਬਈ, 1 ਅਕਤੂਬਰ (ਪੋਸਟ ਬਿਊਰੋ)- ਦੁਬਈ ਵਿੱਚ ਕੱਲ੍ਹ ਇੱਕ ਮਿੰਨੀ ਬਸ ਅਤੇ ਲਾਰੀ ਦੀ ਟੱਕਰ ਜਾਣ ਨਾਲ ਸੱਤ ਭਾਰਤੀਆਂ ਅਤੇ ਇੱਕ ਪਾਕਿਸਤਾਨੀ ਨਾਗਰਿਕ ਦੀ ਮੌਤ ਹੋ ਗਈ।
ਸ਼ਾਰਜਾਹ ਵੱਲ ਜਾਣ ਵਾਲੀ ਮੁਹੰਮਦ ਬਿਨ ਜਾਏਦ ਰੋਡ 'ਤੇ ਦੁਰਘਟਨਾ ਸਵੇਰੇ 4.54 ਵਜੇ ਹੋਈ ਅਤੇ 14 ਸੀਟਰ ਮਿੰਨੀ ਬਸ ਸੜਕ 'ਤੇ ਖੜ੍ਹੀ ਲਾਰੀ ਨਾਲ ਟਕਰਾ ਗਈ, ਜਿਸ ਕਾਰਨ ਇਹ ਹਾਦਸਾ ਹੋਇਆ। ਦੁਬਈ ਟਰੈਫਿਕ ਪੁਲਸ ਦੇ ਬ੍ਰਿਗੇਡੀਅਰ ਸੈਫ ਮੁਹੈਰ ਅਲ ਮਝਰੌਈ ਨੇ ਕਿਹਾ ਕਿ ਮਿੰਨੀ ਬਸ ਸੜਕ 'ਤੇ ਖੜ੍ਹੇ ਟਰੱਕ ਨਾਲ ਟਕਰਾ ਜਾਣ ਕਾਰਨ ਇਹ ਦੁਰਘਟਨਾ ਹੋਈ ਹੈ। ਸੱਤ ਯਾਤਰੀਆਂ ਤੇ ਮਿਨੀ ਬਸ ਦੇ ਡਰਾਈਵਰ ਦੀ ਲਾਸ਼ ਰਾਸ਼ਿਦ ਹਸਪਤਾਲ ਵਿੱਚ ਲਿਜਾਈ ਗਈ, ਜਿੱਥੋਂ ਉਸ ਨੂੰ ਸਮਸ਼ਾਨਘਾਟ ਭੇਜ ਦਿੱਤਾ ਗਿਆ। ਬਸ ਵਿੱਚ 13 ਯਾਤਰੀ ਤੇ ਡਰਾਈਵਰ ਸਨ, ਜਿਸ ਵਿੱਚੋਂ ਸੱਤ ਭਾਰਤੀ, ਇੱਕ ਪਾਕਿਸਤਾਨੀ ਦੀ ਮੌਤ ਹੋ ਗਈ ਅਤੇ ਇੱਕ ਬੰਗਲਾਦੇਸ਼ੀ ਨਾਗਰਿਕ ਦੇ ਨਾਲ ਬਾਕੀ ਭਾਰਤੀ ਜ਼ਖਮੀ ਹੋ ਗਏ।