ਤਾਮਿਲ ਨਾਡੂ ਦੀ ਸਾਬਕਾ ਮੁੱਖ ਮੰਤਰੀ ਸਵਰਗੀ ਜੈਲਲਿਤਾ ਦੀ ਬਾਇਓਪਿਕ ‘ਬਲਾਇਵੀ’ ਲਈ ਤਿਆਰੀ ਜ਼ੋਰ ਸ਼ੋਰ ਨਾਲ ਸ਼ੁਰੂ ਕਰ ਦਿੱਤੀ ਗਈ ਹੈ। ਫਿਲਮ ਵਿੱਚ ਆਪਣੇ ਕਿਰਦਾਰ ਲਈ ਕੰਗਨਾ ਰਣੌਤ ਲਗਾਤਾਰ ਡਾਂਸ ਕਲਾਸ ਜਾ ਰਹੀ ਹੈ। ਇਸ ਨਾਲ ਉਹ ਤਮਿਲ ਭਾਸ਼ਾ ਵੀ ਸਿੱਖ ਰਹੀ ਹੈ। ਇਸ ਵਿਚਾਲੇ ਫਿਲਮ ਅਤੇ ਕੰਗਨਾ ਦੇ ਕਰੈਕਟਰ ਨੂੰ ਲੈ ਕੇ ਪ੍ਰੋਡਿਊਸਰ ਵਿਸ਼ਨੂੰ ਇੰਦੁਰੀ ਨੇ ਦੱਸਿਆ ਕਿ ਪ੍ਰੀ ਪ੍ਰੋਡਕਸ਼ਨ ਦਾ ਕੰਮ ਚੱਲ ਰਿਹਾ ਹੈ। ਟੀਮ ਮੈਸੂਰ ਵਿੱਚ ਹੈ ਅਤੇ ਯੋਜਨਾ ਅਨੁਸਾਰ ਦੀਵਾਲੀ ਤੋਂ ਬਾਅਦ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਜਾਵੇਗੀ।
ਪ੍ਰੋਡਿਊਸਰ ਨੇ ਕੰਗਨਾ ਦੇ ਲੁਕ ਬਾਰੇ ਸੋਸ਼ਲ ਮੀਡੀਆ 'ਤੇ ਜਾਣਕਾਰੀ ਦਿੱਤੀ ਹੈ। ਉਸ ਨੇ ਟਵਿੱਟਰ ਅਕਾਊਂਟ 'ਤੇ ਲਿਖਿਆ, ‘‘ਫਿਲਮ ਵਿੱਚ ਕੰਗਨਾ ਦੀਆਂ ਚਾਰ ਲੁਕਸ ਹੋਣਗੀਆਂ ਜਿਨ੍ਹਾਂ ਵਿੱਚ ਉਸ ਨੂੰ ਵੱਖ ਵੱਖ ਉਮਰ ਵਿੱਚ ਦਿਖਾਇਆ ਜਾਏਗਾ। ਕੰਗਨਾ ਦੀ ਮੇਕਓਵਰ ਲਈ ਅਸੀਂ ਹਾਲੀਵੁੱਡ ਦੇ ਮੇਕਅਪ ਆਰਟਿਸਟ ਜੇਸਨ ਕੋਲਿੰਸ ਨੂੰ ਹਾਇਰ ਕੀਤਾ ਹੈ।” ਕੋਲਿੰਸ ਨੇ ਹਾਲੀਵੁੱਡ ਦੀ ਬਲਾਕ ਬਸਟਰ ਫਿਲਮਾਂ ‘ਕੈਪਟਨ ਮਾਰਵਲ’, ‘ਹੰਗਰ ਗੇਮਸ’ ਅਤੇ ‘ਬਲੇਡ ਰਨਰ’ ਵਿੱਚ ‘ਪੋਰੂਬੇਟਿਕਸ’ (ਹੁਲੀਆ ਬਦਲਣ) ਦਾ ਕੰਮ ਕੀਤਾ ਹੈ।