ਅਭਿਨੇਤਰੀ ਕੀਰਤੀ ਕੁਲਹਾਰੀ ਦਾ ਮੰਨਣਾ ਹੈ ਕਿ ਫਿਲਮਾਂ ਵਿੱਚ ਕਿਸੇ ਵੀ ਕਿਰਦਾਰ ਦੇ ਲਈ ਕਾਸਟਿਊਮ ਦਾ ਵੀ ਅਹਿਮ ਸਥਾਨ ਹੁੰਦਾ ਹੈ। ਉਹ ਇਸ ਦਾ ਕਾਰਨ ਦੱਸਦੀ ਹੈ, ‘‘ਅਜਿਹਾ ਇਸ ਲਈ ਕਿ ਉਸ ਪਹਿਰਾਵੇ ਨਾਲ ਕਿਰਦਾਰ ਦਾ ਅਕਸ ਬਣਦਾ ਹੈ। ਜੇ ਪਹਿਰਾਵਾ ਸਹੀ ਹੈ ਤਾਂ ਐਕਟਰ ਕਿਰਦਾਰ ਨੂੰ ਆਸਾਨੀ ਨਾਲ ਸਮਝ ਸਕਦਾ ਹੈ।”
ਕੀਰਤੀ ਛੇਤੀ ਹੀ ਵੈੱਬ ਸੀਰੀਜ਼ ‘ਦ ਬਾਰਡ ਆਫ ਬਲੱਡ’ ਵਿੱਚ ਬਲੋਚਿਸਤਾਨ ਦੀ ਜੰਨਤ ਦੇ ਰੂਪ ਵਿੱਚ ਦਿਖਾਈ ਦੇਵੇਗੀ। ਆਪਣੇ ਕਿਰਦਾਰ ਜੰਨਤ ਦੇ ਬਾਰੇ ਉਹ ਦੱਸਦੀ ਹੈ, ‘‘ਜੰਨਤ ਦੇ ਬੀਤੇ ਸਮੇਂ ਨੂੰ ਦਿਖਾਉਂਦੇ ਸਮੇਂ ਉਸ ਵਕਤ ਦੇ ਪਹਿਰਾਵਿਆਂ ਵਿੱਚ ਹਲਕੇ ਰੰਗਾਂ ਦੀ ਵਰਤੋਂ ਕੀਤੀ ਗਈ ਹੈ। ਸਮੇਂ ਦੇ ਨਾਲ ਜੰਨਤ ਦੇ ਪਹਿਰਾਵੇ ਦੇ ਰੰਗ ਗੂੜ੍ਹੇ ਹੁੰਦੇ ਜਾਂਦੇ ਹਨ, ਜਿਸ ਤੋਂ ਇਹ ਪਤਾ ਲੱਗਦਾ ਹੈ ਕਿ ਜੰਨਤ ਅਨੁਭਵੀ ਅਤੇ ਪਰਿਪੱਕ ਹੋ ਚੁੱਕੀ ਹੈ।”