ਫਰਹਾਨ ਅਖਤਰ ਅਤੇ ਰਿਤਿਕ ਰੋਸ਼ਨ ਹਮੇਸ਼ਾ ਤੋਂ ਚੰਗੇ ਦੋਸਤੋ ਮੰਨੇ ਜਾਂਦੇ ਸਨ। ਦੋਵਾਂ ਨੇ ਇਕੱਠਿਆਂ ‘ਲਕਸ਼’ ਅਤੇ ‘ਜ਼ਿੰਦਗੀ ਨਾ ਮਿਲੇਗੀ ਦੁਬਾਰਾ’ ਵਰਗੀਆਂ ਫਿਲਮਾਂ ਵਿੱਚ ਕੰਮ ਕੀਤਾ ਸੀ। ਦੋਵਾਂ ਦੀ ਦੋਸਤੀ ਵਿੱਚ ਦਰਾੜ ਆਉਣ ਦੀ ਖਬਰ ਉਦੋਂ ਫੈਲੀ, ਜਦ ਰਿਤਿਕ ਨੇ ਆਪਣੀ ਫਿਲਮ ‘ਕਾਬਿਲ' ਨੂੰ ਫਰਹਾਨ ਦੇ ਬੈਨਰ ਹੇਠ ਯਾਨੀ ‘ਰਈਸ’ ਦੇ ਨਾਲ ਰਿਲੀਜ਼ ਕੀਤਾ। ਕਿਹਾ ਜਾਂਦਾ ਹੈ ਕਿ ਤਦ ਤੋਂ ਦੋਵਾਂ ਦੀ ਅਣਬਣ ਹੈ।
ਸੂਤਰਾਂ ਦੀ ਮੰਨੀਏ ਤਾਂ ਫਰਹਾਨ ਤੇ ਰਿਤਿਕ ਨੇ ਕਾਫੀ ਸਮੇਂ ਤੋਂ ਇੱਕ ਦੂਸਰੇ ਨਾਲ ਗੱਲ ਨਹੀਂ ਕੀਤੀ, ਪਰ ਹਾਲ ਹੀ ਵਿੱਚ ਫਰਹਾਨ ਨੇ ਰਿਤਿਕ ਨੂੰ ਫਿਲਮ ‘ਸੁਪਰ 30’ ਦੀ ਸਫਲਤਾ ਲਈ ਵਧਾਈ ਦਿੱਤੀ ਸੀ। ਅੱਗੋਂ ਉਨ੍ਹਾਂ ਨੇ ਰਿਤਿਕ ਦੇ ਨਵੇਂ ਗਾਣੇ ‘ਜੈ ਜੈ ਸ਼ਿਵ ਸ਼ੰਕਰ’ ਦੀ ਵੀ ਸ਼ਲਾਘਾ ਕੀਤੀ ਹੈ। ਅਜਿਹੇ ਵਿੱਚ ਮੰਨਿਆ ਜਾ ਸਕਦਾ ਹੈ ਕਿ ਦੋਵਾਂ ਦੇ ਵਿੱਚ ਜੋ ਕਾਫੀ ਸਮੇਂ ਤੋਂ ਅਨਬਣ ਸੀ, ਉਹ ਖਤਮ ਹੋ ਚੁੱਕੀ ਹੈ।