ਅਭਿਨੇਤਾ ਅਰਜੁਨ ਕਪੂਰ ਤਮਿਲ ਫਿਲਮ ‘ਕੋਮਾਲੀ’ ਦੇ ਹਿੰਦੀ ਰੀਮੇਕ ਵਿੱਚ ਦਿੱਸਣਗੇ। ਬੋਨੀ ਕਪੂਰ ‘ਪਿੰਕ’ ਦਾ ਤਮਿਲ ਰੀਮੇਕ ਬਣਾ ਕੇ ਤਮਿਲ ਇੰਡਸਟਰੀ ਵਿੱਚ ਕਦਮ ਵੀ ਰੱਖ ਚੁੱਕੇ ਹਨ। ਨਿਰਮਾਤਾ ਨੇ ਸੁਪਰਹਿੱਟ ਤਮਿਲ ਫਿਲਮ ‘ਕੋਮਾਲੀ' ਦੇ ਅਧਿਕਾਰ ਖਰੀਦ ਲਏ ਹਨ। ਉਨ੍ਹਾਂ ਨੇ ਕਿਹਾ, ‘‘ਸਾਨੂੰ ਖੁਸ਼ੀ ਹੈ ਕਿ ਅਸੀਂ ‘ਕੋਮਾਲੀ’ ਨੂੰ ਹਰ ਭਾਸ਼ਾ ਵਿੱਚ ਬਣਾਉਣ ਦੇ ਅਧਿਕਾਰ ਖਰੀਦ ਲਏ ਹਨ। ਇਸ ਵਿੱਚ ਅਰਜੁਨ ਕਪੂਰ ਸਟਾਰ ਹੋਣਗੇ।”
ਦੱਸਣਾ ਬਣਦਾ ਹੈ ਕਿ ਫਿਲਮ ਇੱਕ ਅਜਿਹੇ ਨੌਜਵਾਨ ਦੀ ਹੈ, ਜੋ ਲੰਬੇ ਸਮੇਂ ਤੱਕ ਕੋਮਾ ਵਿੱਚ ਰਹਿਣ ਦੇ ਬਾਅਦ ਹੋਸ਼ ਵਿੱਚ ਆਉਂਦਾ ਹੈ ਅਤੇ ਉਸ ਨੂੰ ਆਪਣੇ ਹਾਲਾਤਾਂ ਨਾਲ ਤਾਲਮੇਲ ਬਣਾਉਣ ਵਿੱਚ ਕਾਫੀ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਫਿਲਹਾਲ ਬੋਨੀ ਕਪੂਰ ਫਿਲਮ ‘ਮੈਦਾਨ’ ਦਾ ਨਿਰਮਾਣ ਕਰ ਰਹੇ ਹਨ। ਅਮਿਤ ਸ਼ਰਮਾ ਦੇ ਨਿਰਦੇਸ਼ਨ ਵਾਲੀ ਇਸ ਫਿਲਮ ਵਿੱਚ ਅਜੈ ਦੇਵਗਨ ਮੁੱਖ ਭੂਮਿਕਾ ਵਿੱਚ ਹਨ। ਇਸ ਦੇ ਨਾਲ ਹੀ ਹਿੰਦੀ ਫਿਲਮ ‘ਬਧਾਈ ਹੋ’ ਦਾ ਅਧਿਕਾਰਕ ਤਮਿਲ ਰੀਮੇਕ ਵੀ ਜਲਦ ਰਿਲੀਜ਼ ਹੋਣ ਵਾਲਾ ਹੈ।