ਫਿਲਮਮੇਕਰ ਕਰਣ ਜੌਹਰ ਵੱਲੋਂ ਨੈੱਟਫਲਿਕਸ ਦੇ ਲਈ ਬਣਾਈ ਲਘੂ ਫਿਲਮ ‘ਲਸਟ ਸਟੋਰੀ; ਦੀ ਕਾਫੀ ਚਰਚਾ ਹੋਈ ਸੀ। ਉਸ ਵਿੱਚ ਕਿਆਰਾ ਅਡਵਾਨੀ ਅਤੇ ਵਿੱਕੀ ਕੌਸ਼ਲ ਪ੍ਰਮੁੱਖ ਭੂਮਿਕਾਵਾਂ ਵਿੱਚ ਸਨ। ਅੱਗੋਂ ਉਹ ਘੋਸਟ ਸੀਰੀਜ਼ ਦੀ ਇੱਕ ਲਘੂ ਫਿਲਮ ਦਾ ਨਿਰਦੇਸ਼ਨ ਕਰਨ ਜਾ ਰਹੇ ਹਨ। ਉਸ ਵਿੱਚ ‘ਸੁਪਰ 30’ ਅਤੇ ‘ਬਾਟਲਾ ਹਾਊਸ’ ਵਰਗੀਆਂ ਫਿਲਮਾਂ ਵਿੱਚ ਨਜ਼ਰ ਆ ਚੁੱਕੀ ਮ੍ਰਿਣਾਲ ਠਾਕੁਰ ਦੇ ਨਾਲ ਅਵਿਨਾਸ਼ ਤਿਵਾੜੀ ਮੁੱਖ ਭੂਮਿਕਾਵਾਂ ਵਿੱਚ ਹੋਣਗੇ। ਅਵਿਨਾਸ਼ ਨੇ ਪਿਛਲੇ ਸਾਲ ਰਿਲੀਜ਼ ਹੋਈ ‘ਲੈਲਾ ਮਜਨੂ’ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ।
ਮ੍ਰਿਣਾਲ ਅਤੇ ਅਵਿਨਾਸ਼ ਪਹਿਲੀ ਵਾਰ ਕਰਣ ਜੌਹਰ ਦੇ ਨਿਰਦੇਸ਼ਨ ਵਿੱਚ ਕੰਮ ਕਰਨਗੇ। ‘ਘੋਸਟ ਸਟੋਰੀਜ਼’ ਦੇ ਜ਼ਰੀਏ ਕਰਣ ਪਹਿਲੀ ਵਾਰ ਕਿਸੇ ਹਾਰਰ ਕਹਾਣੀ ਦਾ ਨਿਰਦੇਸ਼ਨ ਕਰਨ ਜਾ ਰਹੇ ਹਨ। ‘ਘੋਸਟ ਸਟੋਰੀਜ਼’ ਵਿੱਚ ਚਾਰ ਕਹਾਣੀਆਂ ਹੋਣਗੀਆਂ ਜਿਨ੍ਹਾਂ ਨੂੰ ਚਾਰ ਵੱਖ-ਵੱਖ ਨਿਰਦੇਸ਼ਕ ਨਿਰਦੇਸ਼ਿਤ ਕਰਨਗੇ। ਕਰਣ ਦੇ ਇਲਾਵਾ ਜ਼ੋਇਆ ਅਖਤਰ, ਅਨੁਰਾਗ ਕਸ਼ਯਪ ਅਤੇ ਦਿਬਾਕਰ ਬੈਨਰਜੀ ਆਪਣੀਆਂ ਫਿਲਮਾਂ ਦਾ ਨਿਰਦੇਸ਼ਨ ਕਰਨਗੇ। ਫਿਲਮਾਂ ਦੀ ਗੱਲ ਕਰੀਏ ਤਾਂ ਕਰਣ ਫਿਲਹਾਲ ਆਪਣੀ ਅਗਲੀ ਪੀਰੀਅਡ ਡਰਾਮਾ ‘ਤਖਤ’ ਦੀਆਂ ਤਿਆਰੀਆਂ ਵਿੱਚ ਬਿਜ਼ੀ ਹਨ। ਇਸ ਫਿਲਮ ਵਿੱਚ ਰਣਵੀਰ ਸਿੰਘ, ਆਲੀਆ ਭੱਟ, ਵਿੱਕੀ ਕੌਸ਼ਲ ਅਤੇ ਭੂਮੀ ਪੇਡਨੇਕਰ ਵਰਗੇ ਕਈ ਸਿਤਾਰੇ ਕੰਮ ਕਰ ਰਹੇ ਹਨ।