ਵਾਸ਼ਿੰਗਟਨ, 16 ਅਕਤੂਬਰ, (ਪੋਸਟ ਬਿਊਰੋ)- ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਖਿਲਾਫ ਪੋਰਨ ਸਟਾਰ ਸਟਾਰਮੀ ਡੈਨੀਅਲਸ ਦਾ ਮਾਣਹਾਨੀ ਦਾ ਮੁਕੱਦਮਾ ਫੈਡਰਲ ਕੋਰਟ ਨੇ ਰੱਦ ਕਰ ਦਿੱਤਾ ਹੈ।
ਮੀਡੀਆ ਰਿਪੋਰਟਾਂ ਦੇ ਮੁਤਾਬਕ ਸਟਾਰਮੀ ਡੈਨੀਅਲਸ ਨੇ ਬੀਤੇ ਅਪ੍ਰੈਲ ਵਿੱਚ ਟਰੰਪ ਦੇ ਟਵੀਟ ਤੋਂ ਬਾਅਦ ਉਸ ਉਤੇ ਮਾਣਹਾਨੀ ਦਾ ਮੁਕੱਦਮਾ ਦਾਇਰ ਕੀਤਾ ਸੀ। ਇਸ ਟਵੀਟ `ਚ ਟਰੰਪ ਨੇ ਕਿਹਾ ਸੀ ਕਿ ਇਕ ਸ਼ਖਸ ਵੱਲੋਂ ਉਨ੍ਹਾਂ ਨੂੰ ਡੈਨੀਅਲਸ ਨੂੰ ਧਮਕਾਏ ਜਾਣ ਦੀ ਕਹਾਣੀ ਨੂੰ ਟਰੰਪ ਦੇ ਨਾਲ ਅਫੇਅਰ ਨਾਲ ਪਚਾਇਆ ਨਹੀਂ ਜਾ ਸਕਦਾ। ਇਸ ਉਤੇ ਡੈਨੀਅਲਸ ਨੇ ਪ੍ਰਤੀਕਿਰਿਆ ਦਿੰਦੇ ਹੋਏ ਕਿਹਾ ਸੀ ਕਿ ਟਰੰਪ ਦੇ ਬਿਆਨ ਝੂਠੇ ਅਤੇ ਬਦਨਾਮ ਕਰਨ ਵਾਲੇ ਹਨ।
ਵਰਨਣ ਯੋਗ ਹੈ ਕਿ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਇਸ ਗੱਲ ਨੂੰ ਮੰਨ ਚੁੱਕੇ ਹਨ ਕਿ ਉਨ੍ਹਾਂ ਨੇ 2016 ਦੀਆਂ ਰਾਸ਼ਟਰਪਤੀ ਚੋਣਾਂ ਤੋਂ ਪੋਰਨ ਸਟਾਰ ਸਟਾਰਮੀ ਡੈਨੀਅਲਸ ਨੂੰ ਚੁੱਪ ਰਹਿਣ ਲਈ ਪੈਸੇ ਦਿੱਤੇ ਸਨ। ਰਾਸ਼ਟਰਪਤੀ ਨੇ ਨਿੱਜੀ ਤੌਰ ਉੱਤੇ 1 ਲੱਖ 30 ਹਜ਼ਾਰ ਡਾਲਰ ਦੀ ਰਕਮ ਮਾਈਕਲ ਕੋਹੇਨ ਨੂੰ ਦਿੱਤੀ ਸੀ, ਜਿਹੜੀ ਡੈਨੀਅਲਸ ਨੂੰ ਚੁੱਪ ਰਹਿਣ ਲਈ ਦਿੱਤੀ ਗਈ ਸੀ। ਫੈਡਰਲ ਕੋਰਟ ਵੱਲੋਂ ਫੈਸਲਾ ਸੁਣਾਇਆ ਜਾਣ ਪਿੱਛੋਂ ਟਰੰਪ ਨੇ ਟਵੀਟ ਕਰ ਕੇ ਸਟਾਰਮੀ ਦਾ ਮਾਖੌਲ ਉਡਾਇਆ ਤੇ ਕਿਹਾ ਕਿ ਉਸ ਵੱਲੋਂ ਮੇਰੇ ਉਤੇ ਲਾਏ ਗਏ ਦੋਸ਼ ਝੂਠੇ ਹਨ, ਕਿਉਂਕਿ ਮੈਂ ਕਦੇ ਉਸ ਨਾਲ ਕਿਸੇ ਵੀ ਤਰ੍ਹਾਂ ਦੇ ਸੰਬੰਧ ਹੀ ਨਹੀਂ ਬਣਾਏ। ਟਵੀਟ `ਚ ਉਨ੍ਹਾਂ ਨੇ ਸਟਾਰਮੀ ਨੂੰ ‘ਘੋੜੇ ਮੂੰਹ ਵਾਲੀ` ਕਰਾਰ ਦਿੱਤਾ ਹੈ, ਪਰ ਇਸ ਉੱਤੇ ਸਟਾਰਮੀ ਡੈਨੀਅਲਸ ਨੇ ਅਜੇ ਤੱਕ ਕੋਈ ਟਿੱਪਣੀ ਨਹੀਂ ਕੀਤੀ।