ਇਸਲਾਮਾਬਾਦ, 18 ਸਤੰਬਰ, (ਪੋਸਟ ਬਿਊਰੋ)- ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਅੱਜ ਬੁੱਧਵਾਰ ਇਸ ਦੇਸ਼ ਦੇ ਲੋਕਾਂ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਉਹ ਜਹਾਦ ਲਈ ਕਸ਼ਮੀਰ ਵੱਲ ਨਾ ਜਾਣ, ਕਿਉਂਕਿ ਇਸ ਨਾਲ ਕਸ਼ਮੀਰੀਆਂ ਨੂੰ ਨੁਕਸਾਨ ਹੋਵੇਗਾ। ਖਾਨ ਨੇ ਕਿਹਾ ਕਿ ਜੇ ਪਾਕਿਸਤਾਨ ਤੋਂ ਜਹਾਦ ਲਈ ਕੋਈ ਭਾਰਤ ਜਾਵੇ ਤਾਂ ਉਹ ਕਸ਼ਮੀਰੀਆਂ ਨਾਲ ਅਨਿਆਂ ਕਰਨ ਵਾਲਾ ਪਹਿਲਾ ਵਿਅਕਤੀ ਅਤੇ ਕਸ਼ਮੀਰੀਆਂ ਦਾ ਦੁਸ਼ਮਣ ਹੋਵੇਗਾ। ਇਮਰਾਨ ਖਾਨਨੇ ਦਾਅਵਾ ਕੀਤਾ ਕਿ ਭਾਰਤ ਨੂੰ ਕਸ਼ਮੀਰੀ ਲੋਕਾਂ ਉੱਤੇ ਕਾਰਵਾਈ ਕਰਨ ਲਈ ਸਿਰਫ ਇਕ ਬਹਾਨੇ ਦੀ ਜ਼ਰੂਰਤ ਹੈ।
ਅੱਜ ਪਾਕਿਸਤਾਨ-ਅਫਗਾਨਿਸਤਾਨ ਸਰਹੱਦ ਉੱਤੇ ਤੋਰਖਾਮ ਟਰਮੀਨਲ ਦਾ ਉਦਘਾਟਨ ਕਰਨ ਪਿੱਛੋਂ ਇਮਰਾਨ ਖਾਨ ਨੇ ਇਕ ਵਾਰ ਫਿਰ ਦਾਅਵਾ ਕੀਤਾ ਕਿ ਕਸ਼ਮੀਰ ਤੋਂ ਧਿਆਨ ਹਟਾਉਣ ਲਈਭਾਰਤ ਫਾਲਸ ਫਲੈਗ (ਝੂਠਾ ਦੋਸ਼ ਲਾ ਕੇ) ਕੋਈਮੁਹਿੰਮ ਸ਼ੁਰੂ ਕਰ ਸਕਦਾ ਹੈ। ਅਮਰੀਕੀ ਦੀ ਮਹੱਤਵ ਪੂਰਨ ਯਾਤਰਾ ਤੋਂ ਪਹਿਲਾਂ ਇਮਰਾਨ ਦਾਕਸ਼ਮੀਰ ਵਿੱਚਜਹਾਦੀ ਗਤੀਵਿਧੀਆਂ ਬਾਰੇ ਇਹ ਬਿਆਨ ਆਇਆ ਹੈ। ਆਪਣੀ ਇਸ ਯਾਤਰਾ ਵੇਲੇ ਉਹ ਯੂ ਐੱਨ ਜਨਰਲ ਅਸੈਂਬਲੀ ਵਿੱਚ ਬੋਲਣਗੇ ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਮਿਲਣਗੇ। ਇਮਰਾਨ ਖਾਨ ਨੇ ਕਿਹਾ ਕਿ ਅਗਲੇ ਹਫਤੇ ਯੂ ਐੱਨ ਜਨਰਲ ਅਸੈਂਬਲੀ ਵਿੱਚ ਉਹ ਕਸ਼ਮੀਰ ਮੁੱਦਾ ਇੰਨੇ ਜ਼ੋਰਦਾਰ ਢੰਗ ਨਾਲ ਚੁੱਕਣਗੇ, ਜਿਵੇਂ ਪਹਿਲਾਂ ਕਦੇ ਨਾ ਹੋਇਆ ਹੋਵੇ। ਰੇਡੀਓ ਪਾਕਿਸਤਾਨ ਦੇ ਮੁਤਾਬਕ ਖਾਨ ਨੇ ਕਿਹਾ ਕਿ ਭਾਰਤ ਨਾਲ ਵਾਰਤਾ ਉਦੋਂ ਤੱਕ ਨਹੀਂ ਹੋ ਸਕਦੀ, ਜਦ ਤੱਕ ਕਿ ਉਹ ਕਸ਼ਮੀਰਤੋਂ ਕਰਫਿਊ ਨਹੀਂ ਹਟਾ ਲੈਂਦੇ ਅਤੇ ਧਾਰਾ-370 ਬਾਰੇ ਆਪਣਾ ਫੈਸਲਾ ਰੱਦ ਨਹੀਂ ਕਰਦੇ।
ਕੁਝ ਸਿਆਸੀ ਦਲਾਂ ਤੇ ਧਾਰਮਿਕ ਪਾਰਟੀਆਂ ਵੱਲੋਂਕੰਟਰੋਲ ਲਾਈਨ ਵੱਲ ਇਕ ਪ੍ਰਸਤਾਵਿਤ ਯਾਤਰਾ ਇਸ ਹਫਤੇ ਦੇ ਸ਼ੁਰੂ ਵਿੱਚ ਰੱਦ ਕਰ ਦਿੱਤੀ ਗਈ ਸੀ। ਓਦੋਂ ਇਮਰਾਨ ਖਾਨ ਨੇ ਉਨ੍ਹਾਂ ਨੂੰ ਇਹਕਿਹਾ ਸੀ ਕਿ 27 ਸਤੰਬਰ ਨੂੰ ਯੂ ਐੱਨ ਜਨਰਲ ਅਸੈਂਬਲੀ ਵਿੱਚ ਉਨ੍ਹਾਂ ਦੇ ਭਾਸ਼ਣ ਤੱਕ ਇਸ ਨੂੰ ਰੱਦ ਕਰ ਦਿੱਤਾ ਜਾਵੇ। ਵਰਨਣ ਯੋਗ ਹੈ ਕਿ ਜੰਮੂ ਕਸ਼ਮੀਰ ਲਈ ਭਾਰਤ ਸਰਕਾਰ ਵੱਲੋਂ ਵਿਸ਼ੇਸ਼ ਦਰਜਾ ਦੇਣ ਵਾਲੀ ਧਾਰਾ-370 ਦੇ ਕਈ ਹਿੱਸਿਆਂ ਨੂੰ ਭਾਰਤ ਨੂੰ 5 ਅਗਸਤ ਨੂੰ ਰੱਦ ਕਰ ਦਿੱਤਾ ਸੀ, ਜਿਸ ਤੋਂ ਪਿੱਛੋਂ ਭਾਰਤ-ਪਾਕਿ ਦਾ ਤਣਾਅ ਵਧ ਗਿਆ। ਇਸ ਪਿੱਛੋਂ ਪ੍ਰਤੀਕਿਰਿਆ ਦਿੰਦੇ ਹੋਏ ਪਾਕਿਸਤਾਨ ਨੇ ਭਾਰਤ ਦੇ ਨਾਲ ਕੂਟਨੀਤਕ ਸਬੰਧਾਂ ਦਾ ਦਰਜਾ ਘੱਟ ਕਰ ਦਿੱਤਾ ਸੀ।