ਨਵੀਂ ਦਿੱਲੀ, 18 ਸਤੰਬਰ (ਪੋਸਟ ਬਿਊਰੋ)- ਖੱਬੇ ਪੱਖੀ ਵਿਦਿਆਰਥੀ ਗਰੁੱਪਾਂ ਦੇ ਸਾਂਝੇ ਫਰੰਟ ਨੇ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਵਿਦਿਆਰਥੀ ਯੂਨੀਅਨ ਦੀਆਂ ਸਾਰੀਆਂ ਚਾਰ ਕੇਂਦਰੀ ਸੀਟਾਂ ਜਿੱਤ ਲਈਆਂ ਹਨ।
ਇਸ ਗਰੁੱਪ ਵੱਲੋਂ ਪ੍ਰਧਾਨ ਦੇ ਅਹੁਦੇ ਲਈ ਉਮੀਦਵਾਰ ਆਇਸ਼ਾ ਘੋਸ਼ ਨੇ ਅਖਿਲ ਭਾਰਤੀ ਵਿਦਿਆਰਥੀ ਪ੍ਰੀਸ਼ਦ (ਏ ਬੀ ਵੀ ਪੀ), ਜਿਹੜੀ ਭਾਜਪਾ ਦੀ ਵਿਦਿਾਆਰਥੀ ਜਥੇਬੰਦੀ ਹੈ, ਦੇ ਮਨੀਸ਼ ਜੰਗੀੜ ਨੂੰ 2,313 ਵੋਟਾਂ ਦੇ ਫਰਕ ਨਾਲ ਹਰਾਇਆ ਹੈ। ਸਾਕੇਤ ਮੂਨ ਉਪ ਪ੍ਰਧਾਨ ਚੁਣਿਆ ਗਿਆ ਹੈ ਅਤੇ ਉਸ ਨੂੰ 3365 ਵੋਟਾਂ ਮਿਲੀਆਂ ਹਨ। ਉਸ ਦੀ ਵਿਰੋਧੀ ਸ਼ਰੂਤੀ ਅਗਨੀਹੋਤਰੀ (ਏ ਬੀ ਵੀ ਪੀ) ਨੂੰ ਮਸਾਂ 1335 ਵੋਟਾਂ ਮਿਲੀਆਂ। ਸਤੀਸ਼ ਚੰਦਰ ਯਾਦਵ ਜਨਰਲ ਸਕੱਤਰ ਚੁਣੇ ਗਏ ਅਤੇ ਦਾਨਿਸ਼ ਨੂੰ ਜੁਆਇੰਟ ਸਕੱਤਰ ਚੁਣਿਆ ਗਿਆ ਹੈ।