ਮਾਸਕੋ `ਚ ਭਾਰਤੀ ਦੂਤਾਵਾਸ ਨੇ ਟਵੀਟ ਕੀਤਾ ਹੈ ਕਿ ਵਿੰਗ ਕਮਾਂਡਰ ਅੰਜਲੀ ਸਿੰਘ ਨੇ 10 ਸਤੰਬਰ ਨੂੰ ਡਿਪਟੀ ਏਅਰ ਅਤਾਸ਼ੇ ਦਾ ਕਾਰਜਭਾਰ ਸੰਭਾਲ ਲਿਆ। ਉਨ੍ਹਾਂ ਨੂੰ ਵਿਦੇਸ਼ `ਚ ਕਿਸੇ ਵੀ ਭਾਰਤੀ ਮਿਸ਼ਨ `ਚ ਫੌਜੀ ਸਫ਼ਾਰਤੀ ਦੇ ਰੂਪ `ਚ ਤੈਨਾਤ ਹੋਣ ਵਾਲੀ ਪਹਿਲੀ ਮਹਿਲਾ ਭਾਰਤੀ ਹਥਿਆਰਬੰਦ ਬਲ ਅਧਿਕਾਰੀ ਹੋਣ ਦਾ ਮਾਣ ਪ੍ਰਾਪਤ ਹੋਇਆ ਹੈ। ਏਅਰ ਅਤਾਸ਼ੇ ਦੀ ਭੂਮਿਕਾ ਜਿਸ ਦੇਸ਼ ਦਾ ਉਹ ਤਰਜਮਾਨੀ ਕਰਦਾ ਹੈ ਅਤੇ ਜਿਸ ਦੇਸ਼ `ਚ ਉਹ ਤੈਨਾਤ ਹੁੰਦਾ ਹੈ ਉਸ ਵਿਚਕਾਰ ਰੱਖਿਆ ਖੇਤਰ `ਚ ਟ੍ਰੇਨਿੰਗ ਅਤੇ ਖਰੀਦ `ਚ ਸਹਿਯੋਗ ਪ੍ਰਦਾਨ ਕਰਨ ਦੀ ਹੁੰਦੀ ਹੈ।