ਨਵੀਂ ਦਿੱਲੀ, 18 ਸਤੰਬਰ (ਪੋਸਟ ਬਿਊਰੋ): ਪੱਛਮ ਬੰਗਾਲ ਦੀ ਮੁੱਖਮੰਤਰੀ ਮਮਤਾ ਬਨਰਜੀ ਨੇ ਦਿੱਲੀ ਵਿੱਚ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨਾਲ ਉਨ੍ਹਾਂ ਦੇ ਘਰ ਮੁਲਾਕਾਤ ਕੀਤੀ। ਮਮਤਾ ਬੈਨਰਜੀ ਨੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਮੁਲਾਕਾਤ ਤੋਂ ਬਾਅਦ ਦੱਸਿਆ ਕਿ ਮੁਲਾਕਾਤ ਚੰਗੀ ਰਹੀ। ਪੱਛਮੀ ਬੰਗਾਲ ਦਾ ਨਾਮ ਬਦਲਣ ਨੂੰ ਲੈਕੇ ਵੀ ਗੱਲ ਹੋਈ ਸੀ। ਮਮਤਾ ਬੈਨਰਜੀ ਨੇ ਦੱਸਿਆ ਕਿ ਕੋਲ ਬਲਾਕ ਦੇ ਮੁੱਦੇ `ਤੇ ਵੀ ਗੱਲ ਹੋਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਐੱਨਆਰਸੀ ਨੂੰ ਲੈ ਕੇ ਮੋਦੀ ਨਾਲ ਕੋਈ ਗੱਲ ਨਹੀਂ ਕੀਤੀ ਹੈ। ਇਹ ਅਸਮ ਨੂੰ ਲੈਕੇ ਹੈ। ਅਸੀਂ ਬੰਗਾਲ `ਚ ਇਸਨੂੰ ਲਾਗੂ ਨਹੀਂ ਕਰਾਂਗੇ। ਲੋਕਤੰਤਰ `ਚ ਭਰੋਸਾ ਕਰਨਾ ਪੈਂਦਾ ਹੈ। ਸਾਰਦਾ `ਤੇ ਪੁੱਛੇ ਗਏ ਸਵਾਲਾਂ ਦਾ ਬਿਨਾਂ ਜਵਾਬ ਦਿੱਤੇ ਹੀ ਮਮਤਾ ਬੈਨਰਜੀ ਚਲੇ ਗਏ।