ਸਮੱਗਰੀ-ਕੱਚੇ ਕੇਲੇ ਚਾਰ-ਪੰਜ, ਵੇਸਣ ਦੋ ਕਟੋਰੀ, ਦੋ ਛੋਟੇ ਚਮਚ ਨਮਕ, ਅਦਰਕ, ਹਰੀ ਮਿਰਚ ਪੇਸਟ ਦੋ ਵੱਡੇ ਚਮਚ, ਗਰਮ ਮਸਾਲਾ ਤੇ ਚਾਟ ਮਸਾਲਾ ਇੱਕ-ਇੱਕ ਛੋਟਾ ਚਮਚ, ਪੁਦੀਨਾ ਪਾਊਡਰ ਇੱਕ ਛੋਟਾ ਚਮਚ, ਨਿੰਬੂ ਦਾ ਰਸ ਦੋ ਛੋਟੇ ਚਮਚ, ਕਟਿਆ ਹਰਾ ਧਨੀਆ ਦੋ ਵੱਡੇ ਚਮਚ, ਕਾਲੇ ਤੇ ਚਿੱਟੇ ਤਿਲ ਦੋ ਵੱਡੇ ਚਮਚ, ਤੇਲ ਤਲਣ ਦੇ ਲਈ।
ਵਿਧੀ- ਕੇਲਿਆਂ ਨੂੰ ਛਿਲ ਕੇ ਤਿਰਛੇ ਟੁਕੜਿਆਂ (1/6 ਮੋਟਾਈ) ਵਿੱਚ ਕੱਟ ਲਓ ਅਤੇ ਇੱਕ ਬਰਤਨ ਵਿੱਚ ਰੱਖੋ। ਇਸ ਵਿੱਚ ਨਿੰਬੂ ਦਾ ਰਸ, ਅਦਰਕ-ਹਰੀ ਮਿਰਚ ਪੇਸਟ, ਇੱਕ ਚਮਚ ਨਮਕ, ਗਰਮ ਮਸਾਲਾ, ਪੁਦੀਨਾ ਪਾਊਡਰ ਅਤੇ ਚਾਟ ਮਸਾਲਾ ਪਾ ਕੇ ਚੰਗੀ ਤਰ੍ਹਾਂ ਮਿਲਾ ਲਓ। ਇਸ ਨੂੰ ਢਕ ਕੇ ਅੱਧੇ ਘੰਟੇ ਲਈ ਰੱਖ ਦਿਓ। ਵੇਸਣ ਵਿੱਚ ਬਾਕੀ ਨਮਕ ਤੇ ਹਰਾ ਧਨੀਆ (ਦੋ ਚਮਚ) ਪਾ ਕੇ ਘੋਲ ਬਣਾ ਲਓ। ਇਸ ਨੂੰ 20-25 ਮਿੰਟ ਦੇ ਲਈ ਢੱਕ ਕੇ ਰੱਖ ਦਿਓ। ਕੇਲੇ ਦੇ ਟੁਕੜੇ ਕੱਢ ਕੇ ਅਲੱਗ ਰੱਖੋ। ਵੇਸਣ ਦੇ ਮਿਸ਼ਰਣ ਨੂੰ ਚੰਗੀ ਤਰ੍ਹਾਂ ਫੈਂਟੋ। ਹਰ ਮੈਰੀਨੇਟ ਕੇਲੇ ਦੇ ਟੁਕੜਿਆਂ ਨੂੰ ਵੇਸਣ ਦੇ ਮਿਸ਼ਰਣ ਵਿੱਚ ਡੁਬੋ ਕੇ ਅਤੇ ਉਪਰੋਂ ਥੋੜ੍ਹਾ ਤਿਲ ਤੇ ਧਨੀਆ ਭੁਰਕੋ। ਇਹ ਹਿੱਸਾ ਉਪਰ ਰੱਖਦੇ ਹੋਏ ਤੇਲ ਵਿੱਚ ਪਾਓ। ਮੱਧਮ ਸੇਕ 'ਤੇ ਉਲਟ-ਪੁਲਟ ਕਰ ਕੇ ਤਲੋ। ਕੇਲੇ ਦੇ ਸਪੈਸ਼ਲ ਪਕੌੜੇ ਤਿਆਰ ਹਨ। ਇਨ੍ਹਾਂ ਨੂੰ ਚਟਣੀ ਨਾਲ ਸਰਵ ਕਰੋ।