ਇਨ੍ਹੀਂ ਦਿਨੀਂ ਫਿਲਮ ‘ਸਾਹੋ’ ਵਿਚ ਨਜ਼ਰ ਆ ਰਿਹਾ ‘ਬਾਹੂਬਲੀ’ ਫੇਮ ਪ੍ਰਭਾਸ ਖੁਦ ਨੂੰ ਸ਼ਰਮੀਲਾ ਮੰਨਦਾ ਹੈ। ਆਪਣੀ ਨਿੱਜੀ ਜ਼ਿੰਦਗੀ ਬਾਰੇ ਪੁੱਛਣ 'ਤੇ ਉਹ ਸ਼ਰਮਾਉਂਦੇ ਹੋਏ ਕਹਿੰਦਾ ਹੈ, ‘‘ਮੈਂ ਸਕੂਲ-ਕਾਲਜ ਵਿੱਚ ਕਦੇ ਲੜਕੀਆਂ ਨਾਲ ਗੱਲ ਨਹੀਂ ਕਰਦਾ ਸੀ ਅਤੇ ਪਿਛਲੇ ਸੱਤ ਸਾਲਾਂ ਤੋਂ ਸਾਰੇ ਮੇਰੇ ਵਿਆਹ ਦੇ ਪਿੱਛੇ ਪਏ ਹੋਏ ਹਨ, ਪਰ ਇਹ ਤਾਂ ਜਦੋਂ ਹੋਣਾ ਹੋਵੇਗਾ ਹੋ ਜਾਵੇਗਾ।” ਹਿੰਦੀ 'ਤੇ ਆਪਣੀ ਵਧਦੀ ਪਕੜ ਬਾਰੇ 'ਚ ਉਹ ਕਹਿੰਦਾ ਹੈ, ‘‘ਮੈਂ ਹਿੰਦੀ ਲਿਖ ਅਤੇ ਪੜ੍ਹ ਸਕਦਾ ਹਾਂ। ਮੈਂ ‘ਸਾਹੋ' ਲਈ ਆਪਣੇ ਸਾਰੇ ਡਾਇਲਾਗਸ ਹਿੰਦੀ ਵਿੱਚ ਲਿਖੇ ਅਤੇ ਫਿਰ ਪੜ੍ਹੇ। ਇਸ ਦੇ ਡਾਇਰੈਕਟ ਸੁਜੀਤ ਵੀ ਇਹ ਗੱਲ ਸੁਣ ਕੇ ਹੈਰਾਨ ਰਹਿ ਗਏ, ਪਰ ਇਹ ਦੇਖ ਕੇ ਉਨ੍ਹਾਂ ਨੂੰ ਖੁਸ਼ੀ ਹੋਈ।”
ਇੱਕ ਤੋਂ ਬਾਅਦ ਇੱਕ ਸੁਪਰਹਿੱਟ ਫਿਲਮਾਂ ਦੇਣ ਵਾਲੇ ਪ੍ਰਭਾਸ ਤੋਂ ਫਿਲਮ ਹਿੱਟ ਕਰਵਾਉਣ ਦਾ ਰਾਜ਼ ਦੱਸਣ ਨੂੰ ਕਿਹਾ ਗਿਆ ਤਾਂ ਉਹ ਬੋਲਿਆ, ‘‘ਫਿਲਮ ਦੀ ਕਹਾਣੀ ਸੁਪਰਹਿੱਟ ਹੋਣੀ ਚਾਹੀਦੀ ਹੈ, ਚੱਲ ਉਹ ਆਪਣੇ ਆਪ ਜਾਏਗੀ। ਮੇਰੀ ਮਾਂ ਦੇ ਪਿੰਡ ਵਿੱਚ ਸਲਮਾਨ ਖਾਨ ਦੀ ‘ਮੈਨੇਂ ਪਿਆਰ ਕੀਆ’ 150 ਦਿਨਾਂ ਤੱਕ ਲੱਗੀ ਸੀ, ਮੇਰੇ ਨਾਨਾ ਜੀ ਦੀ ਇਹ ਸਭ ਤੋਂ ਫੇਵਰੇਟ ਫਿਲਮ ਸੀ।”