ਬਾਲੀਵੁੱਡ ਵਿੱਚ ਲਗਾਤਾਰ ਮਹਿਲਾ ਸ਼ਕਤੀਕਰਨ ਦਿਖਾਉਣ ਵਾਲੀਆਂ ਫਿਲਮਾਂ ਬਣ ਰਹੀਆਂ ਹਨ। ਜਿਵੇਂ ਗਣਿਤ ਮਾਹਰ ਸ਼ਕੰੁਤਲਾ ਦੇਵੀ, ਤਾਮਿਲ ਨਾਡੂ ਦੀ ਸਾਬਕਾ ਮੁੱਖ ਮੰਤਰੀ ਜੈਲਲਿਤਾ, ਕਾਰਗਿਲ ਜੰਗ ਵਿੱਚ ਪਾਕਿਸਤਾਨ ਨਾਲ ਧੂੜ ਫਕਾਉਣ ਵਾਲੀ ਫਲਾਈਟ ਲੈਫਟੀਨੈਂਟ ਗੁੰਜਨ ਸਕਸੈਨਾ ਆਦਿ ਔਰਤਾਂ 'ਤੇ ਫਿਲਮਾਂ ਬਣ ਰਹੀਆਂ ਹਨ। ਫਿਲਮ ‘ਗੰੁਜਨ ਸਕਸੈਨਾ ਦਿ ਕਾਰਗਿਲ ਗਰਲ’ ਦੀ ਗੱਲ ਕੀਤੀ ਜਾਏ ਤਾਂ ਇਸ ਫਿਲਮ ਦੀ ਮੇਨ ਲੀਡ ਜਾਹਨਵੀ ਕਪੂਰ ਹੈ। ਗੁੰਜਨ ਦੇ ਭਰਾ ਅੰਸ਼ੁਮਨ ਸਕਸੈਨਾ ਦਾ ਕਿਰਦਾਰ ਫਿਲਮ ਵਿੱਚ ਅੰਗਦ ਬੇਦੀ ਨਿਭਾ ਰਹੇ ਹਨ।
‘ਪਿੰਕ’ ਦੇ ਬਾਅਦ ਅੰਗਦ ‘ਦਿ ਜ਼ੋਇਆ ਫੈਕਟਰ’ ਅਤੇ ਅੱਗੋਂ ‘ਗੁੰਜਨ ਸਕਸੈਨਾ ਦਿ ਗਾਰਗਿਲ ਗਰਲ' ਵਿੱਚ ਕੰਮ ਕਰ ਰਹੇ ਹਨ। ਲਗਾਤਾਰ ਮਹਿਲਾ ਪ੍ਰਧਾਨ ਫਿਲਮਾਂ ਦਾ ਹਿੱਸਾ ਬਣਨ ਨੂੰ ਲੈ ਕੇ ਅੰਗਦ ਕਹਿੰਦੇ ਹਨ, ‘‘ਮੇਰੇ ਖਿਆਲ ਨਾਲ ਕਿਰਦਾਰ ਚੰਗਾ ਹੋਣਾ ਚਾਹੀਦਾ ਹੈ। ਜੇ ਕਿਰਦਾਰ ਨੂੰ ਚੰਗੀ ਤਰ੍ਹਾਂ ਪ੍ਰਫਾਰਮ ਕਰਨ ਦਾ ਮੌਕਾ ਮਿਲ ਰਿਹਾ ਹੈ ਤਾਂ ਇਸ ਵਿੱਚ ਕੋਈ ਦਿੱਕਤ ਨਹੀਂ ਹੈ। ਮੇਰੇ ਵੈੱਬ ਸ਼ੋਅ ‘ਇਨਸਾਈਡ ਏਜ਼’ ਵਿੱਚ ਵੀ ਲੜਕਿਆਂ ਦੀ ਦੁਨੀਆ ਸੀ, ਪਰੰਤੂ ਉਸ ਵਿੱਚ ਅਹਿਮ ਕਿਰਦਾਰ ਰਿਚਾ ਚੱਢਾ ਨੇ ਨਿਭਾਇਆ ਸੀ।”