ਡੇਲੀ ਪੰਜਾਬੀ ਪੋਸਟ ਬਰੈਂਪਟਨ ਦੇ ਦਫਤਰ ਵਿਖੇ ਬੀਤੇ ਕਈ ਦਹਾਕਿਆਂ ਤੋਂ ਚੱਲ ਰਹੇ ਮਹਿਰਮ ਪਬਲੀਕੇਸ਼ਨ ਪਰਾਈਵੇਟ ਲਿਮਿਟਿਡ ਨਾਭਾ ਦੇ ਮਾਰਕੀਟਿੰਗ ਡਾਇਰੈਕਟਰ ਸ੍ਰ:ਗੁਰਪ੍ਰੀਤ ਸਿੰਘ ਬੀਰ ਪਧਾਰੇ ਜੋ ਇਹਨੀਂ ਦਿਨੀ ਟਰਾਂਟੋ ਫੇਰੀ ਤੇ ਹਨ। ਉਹਨਾਂ ਨਾਲ ਉੱਘੇ ਕਾਲਮਨਵੀਸ ਸ੍ਰ: ਦਰਬਾਰਾ ਸਿੰਘ ਕਾਹਲੋਂ (ਸਾਬਕਾ ਰਾਜ ਸੂਚਨਾਂ ਕਮਿ਼ਸ਼ਨਰ ਪੰਜਾਬ) , ਵਤਨੋਂ ਪਾਰ ਪੰਜਾਬੀ ਅਦਾਰੇ ਦੇ ਕਰਤਾ ਧਰਤਾ , ਪੱਤਰਕਾਰ ਅਤੇ ਫੋਟੋਗਰਾਫਰ ਕੰਵਲਜੀਤ ਸਿੰਘ ਕੰਵਲ ਆਦਿ ਸਨ। ਤਸਵੀਰ ਵਿੱਚ ਸ੍ਰ: ਬੀਰ ਡੇਲੀ ਪੰਜਾਬੀ ਪੋਸਟ ਦੇ ਮੁੱਖ ਸੰਪਾਦਕ ਜਗਦੀਸ਼ ਸਿੰਘ ਗਰੇਵਾਲ ਨੂੰ ਉਹਨਾਂ ਦੇ ਅਦਾਰੇ ਵੱਲੋਂ ਪ੍ਰਕਾਸਿ਼ਤ ਕੀਤੇ ਜਾਣ ਵਾਲੇ ਮੈਗਜੀਨ ਮਹਿਰਮ, ਮਾਡਰਨ ਖੇਤੀ, ਘਰ ਸਿ਼ੰਗਾਰ ਅਤੇ ਮਾਡਰਨ ਖੇਤੀ (ਹਿੰਦੀ) ਦੀਆਂ ਕਾਪੀਆਂ ਭੇਟ ਕਰਦੇ ਹੋਏ। ਇਸ ਮਿਲਣੀ ਦੌਰਾਨ ਪੰਜਾਬੀ ਪਰਿੰਟ ਮੀਡੀਆ ਨੂੰ ਮੌਜੂਦਾ ਹਾਲਾਤ ਦਰਮਿਆਨ ਦਰਪੇਸ਼ ਮੁਸ਼ਕਲਾਂ ਬਾਰੇ ਵਿਚਾਰ ਵਟਾਂਦਰਾ ਵੀ ਕੀਤਾ ਗਿਆ।