ਆਮਿਰ ਖਾਨ ਅਕਸਰ ਆਪਣੀ ਜੀਨਤ ਹੁਸੈਨ ਤੋਂ ਪ੍ਰੇਰਨਾ ਲੈਂਦਾ ਹੈ ਅਤੇ ਆਪਣੇ ਕਿਰਦਾਰਾਂ ਵਿੱਚ ਅਸਲੀਅਤ ਲਿਆਉਣ ਲਈ ਉਨ੍ਹਾਂ ਦੇ ਬਿਊਟੀ ਪ੍ਰੋਡਕਟਸ ਦੀ ਵਰਤੋਂ ਕਰਨ ਤੋਂ ਪਿੱਛੇ ਨਹੀਂ ਰਹਿੰਦਾ। ਆਪਣੀ ਨਵੀਂ ਫਿਲਮ ‘ਠੱਗਸ ਆਫ ਹਿੰਦੋਸਤਾਨ’ ਵਿੱਚ ਫਿਰੰਗੀ ਨਾਂਅ ਦੇ ਆਪਣੇ ਕਿਰਦਾਰ ਦੀ ਲੁਕ ਲਈ ਉਸ ਨੇ ਅੱਖਾਂ ਵਿੱਚ ਕੱਜਲ ਲਾਉਣ ਲਈ ਆਪਣੀ ਮਾਂ ਦਾ ਸੁਰਮਾ ਇਸਤੇਮਾਲ ਕੀਤਾ ਸੀ।
ਆਮਿਰ ਨੂੰ ਆਪਣੇ ਕਿਰਦਾਰਾਂ ਨੂੰ ਯਾਦਗਾਰ ਬਣਾਉਣ ਲਈ ਸਖਤ ਮਿਹਨਤ ਕਰਨ ਲਈ ਜਾਣਿਆ ਜਾਂਦਾ ਹੈ। ਜਿਵੇਂ ਅੱਜ ਤੱਕ ਬਾਲੀਵੁੱਡ ਵਿੱਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਫਿਲਮ ‘ਦੰਗਲ’ ਲਈ ਉਸ ਨੇ ਭਾਰ ਬਹੁਤ ਵਧਾ ਲਿਆ ਸੀ ਅਤੇ ਪਹਿਲੀ ਨਜ਼ਰ 'ਚ ਪਛਾਣਿਆ ਨਹੀਂ ਜਾ ਰਿਹਾ ਸੀ। ਉਸ ਨੇ ਹਫਤਿਆਂ ਤੱਕ ਇਸ ਗੱਲ 'ਤੇ ਸੋਚ-ਵਿਚਾਰ ਕੀਤਾ ਹੈ ਕਿ ਫਿਲਮ ‘ਠੱਗਸ ਆਫ ਹਿੰਦੋਸਤਾਨ’ ਵਿੱਚ ਫਿਰੰਗੀ ਦੇ ਆਪਣੇ ਕਿਰਦਾਰ ਨੂੰ ਕਿਸ ਤਰ੍ਹਾਂ ਦੀ ਲੁਕ ਦਿੱਤੀ ਜਾਣੀ ਚਾਹੀਦੀ ਹੈ। ਉਦੋਂ ਹੀ ਉਸ ਨੂੰ ਆਈਡੀਆ ਆਇਆ ਕਿ ਕੀ ਉਸ ਨੂੰ ਅੱਖਾਂ 'ਚ ਸੁਰਮਾ ਪਾਉਣਾ ਚਾਹੀਦਾ ਹੈ। ਇੱਕ ਸੂਤਰ ਅਨੁਸਾਰ ਆਮਿਰ ਅਕਸਰ ਆਪਣੇ ਕਿਰਦਾਰਾਂ ਦੀ ਲੁਕ ਨੂੰ ਲੈ ਕੇ ਆਪਣੀ ਮਾਂ ਤੋਂ ਸਲਾਹ ਲੈਂਦਾ ਹੈ। ਉਹ ਜੋ ਵੀ ਸਲਾਹ ਦਿੰਦੀ ਹੈ, ਆਮਿਰ ਉਸ ਨੂੰ ਪੂਰਾ ਧਿਆਨ ਦਿੰਦਾ ਹੈ।