ਮੈਲਬਰਨ, 15 ਅਕਤੂਬਰ (ਪੋਸਟ ਬਿਊਰੋ)- ਭਾਰਤੀ ਬੱਚਿਆਂ ਦੇ ਖੂਨ 'ਚ ਸੀਸੇ (ਲੈੱਡ) ਦੀ ਵੱਧ ਮਾਤਰਾ ਨਾਲ ਉਨ੍ਹਾਂ ਦੀ ਬੌਧਿਕ ਸਮਰੱਥਾ ਬੁਰੀ ਤਰ੍ਹਾਂ ਪ੍ਰਭਾਵਤ ਹੋ ਸਕਦੀ ਅਤੇ ਇਸ ਨਾਲ ਹੋਰ ਬਿਮਾਰੀਆਂ ਦਾ ਖਤਰਾ ਵਧ ਸਕਦਾ ਹੈ। ਇੱਕ ਨਵੇਂ ਅਧਿਐਨ ਵਿੱਚ ਇਹ ਗੱਲ ਸਾਹਮਣੇ ਆਈ ਹੈ।
ਆਸਟਰੇਲੀਆ ਵਿੱਚ ਮੈਕਵੇਰੀ ਯੂਨੀਵਰਸਿਟੀ ਦੇ ਖੋਜਕਾਰਾਂ ਨੇ ਭਾਰਤੀਆਂ ਦੇ ਖੂਨ ਨਾਲ ਸੀਸੇ ਦੇ ਪੱਧਰ ਸੰਬੰਧੀ ਅੱਜ ਤੱਕ ਦਾ ਪਹਿਲਾ ਵੱਡਾ ਵਿਸ਼ਲੇਸ਼ਣ ਕੀਤਾ ਹੈ। ਇਸ ਵਿੱਚ ਪਾਇਆ ਗਿਆ ਕਿ ਬਿਮਾਰੀ ਦਾ ਖਤਰਾ ਪਹਿਲੇ ਮੁਲਾਂਕਣ ਦੀ ਤੁਲਨਾ 'ਚ ਬਹੁਤ ਵੱਧ ਚੁੱਕਾ ਹੈ। ਇਸ ਦਾ ਬੱਚਿਆਂ 'ਚ ਬੌਧਿਕ ਅਸਮਰੱਥਾ ਦੇ ਉਪਾਵਾਂ 'ਤੇ ਨਾਂਹ-ਪੱਖੀ ਅਸਰ ਪੈਂਦਾ ਹੈ। ਮੈਕਕਵੇਰੀ ਯੂਨੀਵਰਸਿਟੀ ਦੇ ਬ੍ਰੇਟ ਐਰੀਕਸਨ ਨੇ ਕਿਹਾ ਕਿ ਭਾਰਤ ਵਿੱਚ ਰਹਿ ਰਹੇ ਬੱਚਿਆਂ ਵਿੱਚ ਬੌਧਿਕ ਸਮਰੱਥਾ 'ਤੇ ਗਲਤ 'ਤੇ ਗਲਤ ਪ੍ਰਭਾਵ ਬੇਹੱਦ ਮਹੱਤਵ ਪੂਰਨ ਹੈ ਕਿਉਂਕਿ ਉਨ੍ਹਾਂ ਦੇ ਖੂਨ 'ਚ ਸੀਸੇ ਦੇ ਮਿਸ਼ਰਣ ਦਾ ਪੱਧਰ ਲਗਭਗ ਸੱਤ ਮਾਈਕ੍ਰੋਗ੍ਰਾਮ ਪ੍ਰਤੀ ਡੈਸੀਲੀਟਰ ਹੈ। ਖੋਜਕਾਰਾਂ ਨੇ ਦੱਸਿਆ ਕਿ ਭਾਰਤੀਆਂ ਦੇ ਖੂਨ ਵਿੱਚ ਸੀਸੇ ਦੇ ਉਚ ਪੱਧਰ ਦੇ ਜ਼ਿਕਰਯੋਗ ਵਾਧੇ ਲਈ ਬੈਟਰੀ ਗਲਣ ਦੀ ਕਿਰਿਆ ਜ਼ਿੰਮੇਵਾਰ ਹੈ ਅਤੇ ਭਾਰਤ 'ਚ ਬੈਟਰੀ ਰੀਸਾਈਕਲ ਪ੍ਰਕਿਰਿਆ ਦਾ ਪ੍ਰਬੰਧ ਠੀਕ ਨਹੀਂ ਹੈ। ਐਰਿਕਸਨ ਨੇ ਕਿਹਾ ਕਿ ਭਾਰਤ 'ਚ ਬਹੁਤ ਵੱਡੀ ਗਿਣਤੀ ਵਿੱਚ ਲੋਕ ਮੋਟਰ ਸਾਈਕਲ ਜਾਂ ਕਾਰਾਂ ਚਲਾਉਂਦੇ ਹਨ ਅਤੇ ਉਸ ਦੀ ਬੈਟਰੀ ਦਾ ਜੀਵਨ ਸਿਰਫ ਦੋ ਸਾਲ ਹੁੰਦਾ ਹੈ।
ਕੀਤੇ ਗਏ ਸਰਵੇਖਣ ਮੁਤਾਬਕ 2010 ਤੋਂ 2018 ਵਿਚਾਲੇ ਖੂਨ 'ਚ ਸੀਸੇ ਦੇ ਪੱਧਰ ਨੂੰ ਦੱਸਣ ਵਾਲੇ ਅੰਕੜੇ ਤੋਂ ਬੌਧਿਕ ਸਮਰੱਥਾ 'ਚ ਕਮੀ ਤੇ ਰੋਗਾਂ ਲਈ ਜ਼ਿੰਮੇਵਾਰ ਡਿਸਏਬਿਲਿਟੀ ਐਡਜਸਟੈਂਡ ਲਾਈਫ ਈਅਰਸ ਦਾ ਪਤਾ ਲੱਗਦਾ ਹੈ। ਖੋਜਕਾਰਾਂ ਦਾ ਕਹਿਣਾ ਹੈ ਕਿ ਆਯੁਰਵੈਦਿਕ ਦਵਾਈਆਂ, ਆਈਲਾਈਨਰ, ਨੂਡਲਸ ਤੇ ਮਸਾਲੇ ਸਮੇਤ ਅਜਿਹੇ ਹੋਰ ਪਦਾਰਥ ਵੀ ਹਨ, ਜੋ ਬੱਚਿਆਂ ਦੇ ਖੂਨ 'ਚ ਸੀਸੇ ਦਾ ਪੱਧਰ ਵਧਾਉਂਦੇ ਹਨ। ਖੋਜ ਦੀ ਗਣਨਾ ਅਨੁਸਾਰ 2010 ਤੋਂ 2018 ਵਿਚਾਲੇ ਖੂਨ 'ਚ ਸੀਸੇ ਦੇ ਪੱਧਰ ਨੂੰ ਦੱਸਣ ਵਾਲੇ ਅੰਕੜਿਆਂ ਨਾਲ ਬੌਧਿਕ ਸਮਰੱਥਾ 'ਚ ਕਮੀ ਅਤੇ ਰੋਗਾਂ ਲਈ ਜ਼ਿੰਮੇਵਾਰ ਡਿਸਅਬਿਲਟੀ ਐਡਜਸਟਿਡ ਲਾਈਫ ਯੀਅਰਸ (ਡੀ ਏ ਐੱਲ ਵਾਈ) ਦਾ ਪਤਾ ਲੱਗਾ ਹੈ। ਡੀ ਏ ਐਲ ਵਾਈ ਤੋਂ ਇਹ ਪਤਾ ਲੱਗਦਾ ਹੈ ਕਿ ਖਰਾਬ ਸਿਹਤ ਅਤੇ ਸਮੇਂ ਤੋਂ ਪਹਿਲਾਂ ਮੌਤ ਦੇ ਕਾਰਨ ਅਸੀਂ ਕਿੰਨੇ ਸਵਾਲ ਗੁਆ ਬੈਠੇ।