ਫੈਂਟਮ ਫਿਲਮਜ਼ ਦੇ ਬੰਦ ਹੋ ਜਾਣ ਦੇ ਬਾਅਦ ਅਨੁਰਾਗ ਕਸ਼ਯਪ ਆਪਣਾ ਫਸਟ ਪ੍ਰੋਡਕਸ਼ਨ ਸ਼ੁਰੂ ਕਰਨ ਦੇ ਲਈ ਤਿਆਰ ਹੈ। ਅਨੁਰਾਗ ਇਨ੍ਹੀਂ ਦਿਨੀਂ ਬਿਮਾਰੀ 'ਚੋਂ ਉਭਰ ਰਹੇ ਹਨ, ਉਨ੍ਹਾਂ ਨੇ ਆਪਣੀ ਪ੍ਰੋਡਕਸ਼ਨ ਟੀਮ ਨੂੰ ਤਿਆਰ ਕੀਤਾ ਹੋਇਆ ਹੈ ਜਿਸ ਨਾਲ ਉਹ ਜਲਦ ਹੀ ਆਪਣੀ ਅਗਲੀ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰਨਗੇ। ਇਸ ਫਿਲਮ ਦਾ ਟਾਈਟਲ ‘ਵੂਮਨੀਆ’ ਹੋਵੇਗਾ ਅਤੇ ਇਸ ਵਿੱਚ ਤਾਪਸੀ ਪੰਨੂ ਅਤੇ ਭੂਮੀ ਪੇਡਨੇਕਰ ਨਜ਼ਰ ਆਉਣਗੀਆਂ।
ਅਨੁਰਾਗ ਦੀ ਇਹ ਫਿਲਮ ਡੈਬਿਊਟੈਂਟ ਡਾਇਰੈਕਟਰ ਤੁਸ਼ਾਰ ਹੀਰਾਨੰਦਾਨੀ ਡਾਇਰੈਕਟ ਕਰਨਗੇ। ਇਹ ਫਿਲਮ ਸ਼ਾਰਪ ਸ਼ੂਟਰ ਚੰਦਰੋ ਅਤੇ ਪ੍ਰਕਾਸ਼ੀ ਤੋਮਰ ਦੀ ਬਾਇਓਪਿਕ ਹੋਵੇਗੀ। ਪਿੱਛੇ ਜਿਹੇ ਵਿੱਚ ਤਾਪਸੀ ਅਤੇ ਭੂਮੀ ਨੇ ਇਸ ਦਾ ਪ੍ਰਮੋਸ਼ਨਲ ਪੋਸਟਰ ਸ਼ੂਟ ਕੀਤਾ ਹੈ। ਇਸ ਦੀ ਸ਼ੂਟਿੰਗ ਅਗਲੇ ਸਾਲ ਫਰਵਰੀ ਵਿੱਚ ਉੱਤਰ ਪ੍ਰਦੇਸ਼ ਵਿੱਚ ਸ਼ੁਰੂ ਹੋਵੇਗੀ।